Tayutay - isang paraan ng masining na pagpapahayag na kadalasang ginagamit ng mga manunulat upang mas mabigyang-diin ang paglalarawan ng mga pangyayari o ng isang bagay. Nang dahil sa tayutay, mas nagiging masining, malalim at mas nagiging epektibo ang pagpapahayag. Ilan sa mga uri ng tayutay ay ang mga sumusunod.
1. Pagtutulad (Simile) - dito ay mayroong dalawang bagay na may parehas na katangian ang inihahambing . Gumagamit ng mga palatandaang tulad ng, kaparis ng, anaki'y tila, parang atbp.
Halimbawa: *Siya ay tila labanos sa kaniyang kaputian.
* Ang aking ina ay tulad ng isang ilaw na nagbibigay liwanag sa aking buhay.
* Dahil sa ginawa niyang kataksilan, si Jose ay kaparis na ng isang anay na unti- unting sumisira sa ating samahan.
2. Pagwawangis (Metaphor)- Isang tuwirang paghahambing. Hindi na ginagamitan ng mga parirala at panandang tulad ng, kaparis ng, tila atbp.
Halimbawa: *Siya ang ahas na sumira sa relasyon naming mag-asawa.
*Ikaw na tala ng aking buhay, hindi ako susuko at gagawin ang lahat mapasaakin ka lang.
*Ang aking mga pangarap ang bangka na maghahatid sa akin patungo sa tagumpay.
3. Pagmamalabis (Hyperbole) - Pinalalabis o pinakukulang ang kalagayan ng isang tao, bagay, pangyayari atbp. Nagtataglay ng mga pangyayari na halos hindi na kapani-paniwala.
Halimbawa: *Halos lumuwa ang kaniyang mata nang masaksihan ang naganap na krimen.
* Susungkitin ko ang mga tala makuha lang ang matamis mong "oo".
* Bumaha ng dugo nang maghiwalay ang kanilang mga magulang.
4. Pagtatao (Personification) - pagsasalin ng mga katangian ng mga tao sa isang bagay na wari ba'y may kakayahan ito na gawin ang kilos o gawi ng tao. Naipapahayag ito sa pamamagitan ng mga pandiwa.
Halimbawa: *Ngumingiti ang mga tala sa tuwing ito ay aking pinagmamasdan.
*Lumulundag-lundag ang kaniyang puso nang makita ang kasintahang matagal din niyang hindi nakita.
*Nahiya ang mga ulap at nagtago sa mga ulap nang masaksihan ang paghalik ng binata sa labi ng kaniyang kasintahan.
5. Pagtawag (Apostrophe) - Dito'y tila nakikipag-usap ang isang tao sa isang bagay, tao o kaisipan na wala naman sa kaniyang harapan.
Halimbawa: *O buwang kayrikit, tanglawan mo ang aking pusong labis na naguguluhan!
* O mahabaging Diyos na nasa langit, bakit ang buhay ko ay puno ng sakit?
* Ulan, halina't ako'y iyong buhusan nang ang puso ko'y gumaan-gaan!
6. Eksklamasyon - Nagsasaad ng matiinding emosyon tulad ng labis na kalungkutan, pagkabigo, at kasiyahan.
Halimbawa: *Ginawa ko naman ang lahat pero bakit palagi na lang akong nasasaktan?
*Hindi mo man batid pero sa bawat araw na nakikita kita, wala akong ibang nadarama kundi ang kasiyahan. Sana hindi na matapos ang kasiyahang nadarama ko!
7. Pag-uyam (Irony) - tila pinupuri o sinasabihan ng mga positibong bagay ang isang tao ngunit kabaligtaran ang nais ipahiwatig.
Halimbawa: * Napahusay niyang sumayaw, gayun nga lang ay parehong kaliwa ang kaniyang mga paa.
*Napakaganda niyang sumulat, parang kinahig lang ng manok.
8. Pagpapalit-saklaw (Sinechdoche) - ang isang bahagi ay katapat ng kabuuan at ang isang kabuuan ay katapat ng bahagi.
Halimbawa: *Hiningi ni Juancho ang kamay ni Agnes sa kaniyang mga magulang.
*Sampung bibig ang kaniyang pinakakain sa kakarampot niyang kita.
* Sa panahon ng kabiguan, iisang kamay lang ang nais niyang makaramay.
9. Pagpapalit-tawag (Metonymy) - pansamantalang pagpapalit ng pangalan ng mga bagay na magkakaugnay.
Halimbawa: *Ang anghel sa kanilang tahanan ay ang kanilang malusog na sanggol.
*Ang palasyo ay nag-anunsyo na walang pasok bukas.
ŞİMDİ OKUDUĞUN
Best High School Memories
ŞiirAno ang mga kalokohang nagawa mo nung high school? Ito ay para sa mga high school students at sa mga nagfi-feeling highs school student pa rin hanggang ngayon.