البارت الثامن …♠
لفت وانصدمت منه: سطام وش جابك هنا ؟!
سطام بخبث: جيت مع اخوياي اعرفك عليهم لؤي وسالم
دانه ناظرت لؤي ببالها: اووه يالصدفه هذا اخو فهد ومحمد ،، ناظرت في سطام: طيب المطلوب
سطام تفشل ناظر اخوياه: شوفوا ذا موظف جديد خكري
لؤي يناظر بدانه واستوعب انه شافها قبل: بدر كيفك
دانه: الحمدلله بخير والله
سطام رفع حاجب: تعرفه ؟!
لؤي: شفته الظهر مع خواني فهد ومحمد بالحديقه
سطام: اها
سالم ناظر في دانه: مدري ليش احسه بنت
سطام ناظر دانه: مشكوك في وظعه اصلن
دانه بقبها: الله ياخذك يالي ما تسمئ « تقصد سالم
سالم: امشوا بس خل نتمشئ
دانه من شافت ردة فعل سطام وهي خايفه يكشفها وتنفضح: ااهه ياربييهه شسوي لو دروا اوف منهم
في الدار بنفس الوقت
اميره راحت للبنات في غرفة نوره
اما مشاعل كانت تسوي اشياء كثيره ومشغوله بنفسها اخذت حلق وصارت تخرم بأذونها خرمت اربع باليمين وثلاث باليسار ناظرت شفتها وابتسمت فتحت علبه شاريتها لمن راحت مع دانه وعقمتها وبدت تخرم في شفتها: ايي يعور « اخذت نفس وكملت
فتحت علبه ثانيه وكانت فرحانه فيها
صبتها فيه صحن مع مويه لبست كفوف شفافه وصارت تحط علئ شعرها ببالها: هاللون خوراافيي اكيد بطلع شي غريب وحلو وبس خلصت خلته ساعه الا ربع وثمن غسلت شعرها ناظرت بالمرايه: واااوو يجننن فديتني اكيد اميره وجود بنقهرون مني هع
بعد نص ساعه دخلت اميره وجود وانصدموا في شكل مشاعل ،،
اميره بصدمه: مشاعل وش هذااا ؟؟؟
جود بنفس صدمة اميره: ليش شعرك لونه زهري ؟!
مشاعل بلا مبالاة: كيف بس ! حلو ؟!
اميره: لو تدري المديره تذبحك
مشاعل: والله لو تجي بنت ال### لتشوف شي مايعجبها
اميره طيرت عيونها: مشاعل تسب لا وتسب شي عيب
مشاعل: اقول شرايكم تبون اصبغ لكم مثلي
جود تأشر على شفة مشاعل: كيف خرمتي شفتك ؟!
مشاعل: بطريقتي
اميره بقهر: لو تدري دانه تذبحك
مشاعل عقدت حواجبها وسرحت بدانه
قالت جود: مشاعل مافي غير اننا نشرد ونروح لها
مشاعل: يا بابا افهمي لو شردنا يرجعونا ولو رحنا لدانه مافي مكان ننام فيه
اميره :ايه صح كلام مشاعل
مشاعل: ما علينا الحين تعالوا نسوي شي مفيد
نخلي البنات ونرجع لدانه
الساعه 11 ونص قفلوا المحلات والناس طلعت مابقئ غير الموظفين وكانوا مجتمعين علئ طاوله كبيره
عبدالله: اليوم بتستلمون رواتبكم يا شباب
واحد من الموظفين: ووه اخيرا مابغينا
واحد ثاني: بكره باخذه كله اجازه من التعب
واحد ثالث: اي والله ودنا لكن من يجي مكاننا
الثاني: الفلبنيين من غيرهم
هتان: اقول بدر كيف شغلك اليوم
دانه: بخير والله واعجبني
راكان: ايه اكيد بكون بخير دام سطام مو عندك
عبدالله ناظرهم: راكان هتان ابيكم بسالفه تعالوا
راحوا له اما دانه كانت تناظر الموظفين
وبعد ربع ساعه جا هتان وراكان
راكان: بدر تعال شوي
دانه راحت لهم: هلا ؟!
راكان: شوف يا طويل العمر بالنسبه للشقه وللي ماعندهم مكان يرجعون له يصير كل ثلاث في شقه فعشان كذا بتصير معي انا وهتان
دانه فتحت فمها من هول الصدمه: هااا
راكان ضحك علئ صدمتها: ههههه شفيك انصدمت
دانه: طيب انت ماعندك اهل تروح لهم ؟!
راكان: لا ابوي متزوج ومحب انام عندوه واروح لهم يوم جمعه وسبت وباقي الايام اقضيها مع هتان بالشقه
هتان: اما انا اهلي بالشرقيه وانا شغلي هنا واسافر لهم كل جمعه والسبت الليل ارجع الرياض
دانه: اهاا طيب والي اسمه سطام وين يسكن ؟!
راكان بقرف: الحمدلله ان سطيم عنده اهله ولا كان غيرت شغلي بكبره لو ينام بالشقق عندنا
هتان: هههههههههه لايسمعك
راكان: ع زق يا رجال الحين خل نروح الشقه تعبااان وبنام يله خننمشي
هتان ودانه راحوا مع راكان للشقق وكانت شقق عزابيه وشقة دانه الدور الثالث شقه رقم 30
دخلوا الشقه وكانت عباره عن غرفتين وصاله وحمام ومطبخ صغير وغرفة غسيل
راكان: بدر شوف هذي غرفتي وهذي غرفة هتان عاد انت شوفلك الصاله تنام فيها
دانه: لا ابي غرفه ولا بكلم عبدالله يعطيني غرفه
هتان: لا شدعوه تقعد لحالك خلاص انا بنقل عند راكان وانت خذ غرفتي شرايك ؟!
دانه من النوع الخواف قالت: لا بنام معك بنفس الغرفه
راكان: حلو كذا لاني محب احد ينام عندي
دانه سحبت شنطتها ودخلت غرفة هتان ناظرت فيها وكانت عباره عن سريرين وخزانتين ودولابين ابتسمت بنفسها وراحت لم دولاب فتحته ولقت فيه ملابس قفلته وفتحت الثاني وكان فاضي فتحت شنطتها وبدت تطلع وتصفط بالخزانه
دخل هتان: شتسوي هالحين رح نام وبكره تزبط لبسك
دانه بتعب: صادق اخذت لها بجامه سبورتي وراحت الحمام غيرت وفصخت المشد لانه ضايقها حيل وراحت تنام ...
اليوم الثاني الساعه 1ونص الظهر كان يوم جمعه
قامت دانه من النوم ناظرت سرير هتان وكان فاضي راحت الحمام تروشت لبست المشد وبنطلون سبورتي وجاكيت واسع لونه رصاصي مقلم
قعدت بالصاله ودقت على شخص من زمان ما سمعت صوته وبعد كم رنه رد: هلااااا دننننوووو
دانه وخرت الجوال منزعجه ورجعته: وجعه صوتك خرم اذني
صوت انثوي: هههههههههه سلامت اذنك اخبارك يا زفت من طلعتي مادقيتي علينا
دانه: يا قلبي اسفه وربي انشغلت معليش كيفكم كيف مشاعل وجود ؟!
اميره تنهدت: بخير
دانه بشك: ميري قولي شعندكم ؟!
اميره قالت لها كل شي دانه بصدمه: مشاعل ايمو ؟!! كييفف ومن وين لها الصبغه وخرمة الشفايف ؟
اميره:تذكرين يومنك تطلعين تشترين ملابس وجينا معك
دانه: ايوه ؟!
اميره: شرتهن من محل من المحلات الي هناك
دانه بقهر: قولي لها دانه ماعادت تحبك
اميره: نفسيتها شانت حيل من بعدك
دانه بحزن: طيب سلمي على جود وميشو باي ،،
قفلت الخط وهي منقهره: اااهه يا مشاعل وش سويتي
فجاءه طلع من الغرفه وهو مصدوم ويناظر فيها
دانه من اللخمه وقفت: راكان انت ..
راكان يناظرها بغموض: انت يا بدر ... ،،،
في دار الايتام مشاعل بصراخ: ليه قلتي لها
اميره: لانك قهرتيني بتصرفاتك
جود: متئ كلمتك طيب ؟!
اميره: تو قفلت منها وتسلم عليكم
مشاعل: شب بس قال تسلم عليكم هي مافيها ذرة احساس يومنها تروح وتتركنا كذا
جود: اهي ماتركتنا هي راجعه يا مشاعل
مشاعل: على تراب بس « ودخلت الحمام
اميره بقهر: يعني ليه هي فجاءه صارت كذا
جود: فقدت صديقتها الي تعتبرها ام لها وش تتوقعين منها تسوي تضحك وتفرح
اميره: حنا بعد نحب دانه ونعتبرها الام والاخت بس ما سوينا زي مشاعل لانها وعدتنا بالرجعه
جود: صحيح كلامك بس يمكن مشاعل غير عنا
اميره تنهدت وراحت للحمام: ميشو حبيبي اطلعي انا اسفه وربي لو ادري ماقلت لها
مشاعل: ،،،،،
نهاية البارت الثامن ^*^
توقعاتكمم :)
سبحان الله وبحمده عدد خلقه ورضا نفسه وزنة عرشه ومداد كلماته
