"Asa mo padong?" apas ug lakaw ni Meljane nilang Gad ug Prexious kay bag o palang nahuman ang usa ka subject nila. Nihunong sila ug giatubang dayon si Meljane kay kalit lang ning nangutana asa sila padong.
"Sa canteen kay magpalit snacks. Nganu man?" tubag ni Prexious na pinangutana sad.
"Libre mi nimu? Kuyog ta na. Asa man ag imohang maayohong uyab?" pangutana sad ni Gad kang Meljane na dili ganahan sa uyab ingani pero wala ni niya ingni na di siya ganahan kay basin ug malain si Meljane niya.
"Mao gani na akoang tuyo ninyo." tubag sad ni Meljane na giatubang silang Gad ug Prexious nga natinga sa iyahang tubag.
"Uy, nganong kami man ang imohang gipangitaan sa imohang uyab." reklamo sad ni Prexious niya.
"Ag dagway! Mao ganing nangutana ko ninyo kung asa mo kay librehon daw mo ni Orpheus kay tungod pud kay gitabangan ko ni Prexious paghimu sa iyahang visual aid. Mao na siya. Kuha niyo?" matud pa ni Meljane ug si Gad kay pasimpleng gisipatan niya si Prexious.
"Ay maoba. Naa pa man diay mi himoon ni Prexious ui maong dili diay mi makakuyog nimu. Diba Prex?" siko niya kang Prexious samtang nagngisi ngisi kang Meljane.
"Ay oh diay Meljane. Ingna nalang si Orpheus nga sa sunod nalang ha." pasumangil sad ni Prexious nga giguyod na ni Gad samtang si Meljane kay nahabilin didto na natinga sa ilahang nilihokan.
Katong nakalayo na sila kay gikasuk an dayon ni Gad si Prexious.
"Nganung nasuko man ka diha nga igo ra man ko nitabang ni Meljane. Sayang lang ang libre na snacks dah!" reklamo ni Prexious.
"Ahw sige apas adto ni Meljane. Di jud ka maglikay inganang Orpheus dah. Basin nakalimot ka nga imoha na siyang gibastid." pahinumdom ni Gad sa iyahang amiga nga nagmahay nganung iyaha ning gibastid.
Usa ka tuig man gud nanguyab si Orpheus kang Prexious katong freshman pa sila sa college pero katong murag M.U. (murag uyab) na kunuhay sila kay gihimo na si Prexious ni Orpheus nga personal alalay ingani. Si Prexious ang tigpa load ug tighemu sa mga project na mura jud ug maid ingani. Pagkahibawo sad ni Gad about ingani kay iyahang gibadlong si Prexious sa kabuang ingani ug gikasuk an. Mao tong naminaw siya sa iyahang amiga ug iyahang gibastid si Orpheus bisan pa ug na develop na siya ingani kay usa ka maid ang gipangita ingani ug dili usa ka uyab.
"Kung wala pa ka nako ingni sauna kay basin ikaw ang looy ron na sulogoon inganang Orpheus." pangasaba ni Gad na naglingkod sa may lingkoranan sa kilid sa usa ka room samtang si Prexious kay nisunod ug lingkod tapad niya.
"Nganung wala man sad nimu badlonga si Meljane?"
"Dili man magpabadlong maong pasagdan basin ug makamata ra na siya sa iyahang damgo."
"Gad pud ui. Supportive jud ka kaayo noh?"
"May pagnanasa pa jud diay ka ni Orpheus? Naa nay uyab si Orpheus ug kana si Meljane na amiga sad nato. Mahibaw an lang gani jud nako na magdool dool ka inganang Orpheus, madukol jud ka nako." panghadlok niya ingani kay dili jud siya ganahan ni Orpheus para kang Prexious.
"Grabeha sad ingana ui. Sige nalang lola. Hahaha!" katawa nalang ni Prexious.
"Lola ka diha." angal sad ni Gad ug nibarog na ni kay ni bell na para sa next subject nila.
Naglakaw na ni samtang nagsunod lang niya si Prexious na lawom kaayo ang gihuna huna kay naa jud siya'y gitago ni Gad about nila ni Orpheus. Kaabi man gud ni Gad na wala na silay communication ni Orpheus kay nagbag o naman siya ug number kay mao man pud na ang giingon pud ni Gad niya para dili na siya samokon pa ni Orpheus kay dugay sad ni nakadawat na gibastid ra ni niya. Didto sad nakuha ni Orpheus ang iyahang bag ong number didtong Meljane ingatong bag ohay pa ning nanguyab ingani. Gihatag ra sad ni Meljane dayon ag iyahang number kay wala man sad ni kahibawo na nanguyab diay si Orpheus didtong Prexious sauna kay dili pa man sila kaila ingatong freshman pa sila kay lahi pa man sila ug section pero pareha na sila ug kurso ingato ug karong 3rd year na sila na close-close kay pareha na sila ug section. Dugay raman unta siya katug anon pero maunhan man sad siya ni Gad ug hadlok maong pasagdan nalang niya kay amigo nalang ang iyahang tagad kang Orpheus.
