التقيتك غريبة وودعتك حبيبة الموسم الأول /للكاتبة:شهد الراشدي /مكتملة💕❤️

البارت ١٠

البارت العاشر

~~~~
~~~~
~~~~
~~~~
~~~~
~~~~
~~~

‎الريااااض ....
‎نزززل الاصنصير وهو متنرفز لين متى وهم يسيؤن الظن فيه طفش من هالعيشه الي ما وراها الا النكد!!!
‎فتح باب الاصنصير على الصالون الرئيسي للاستقبال
‎....بصوته الجهوري:اووووووووه فصولي هنا والله الساعه المباركه
‎فيصل رفع راسه وتمنى انه ماشافه اكره خلق ربي عنده جالس قدامه بشموخ
‎غالب توه جاي من الشرقيه وجلس في الصالون الرئيسي اذا حضر لازم اهل البيت كلهم يسلمون عليه ....
‎الصالون كبييييررررر فيه تحف في الزوايا لمجسمات مجنحه فازات كبيرة بني غامق كان الصالون كأنك داخل متحف حق آثااار جرار الي مكسور اطرافها لوحات اسطوريه صوور تاريخيه الكنب درجات البنني والبيج تنسيقه رااقي جدااا
‎كان غالب متوسط الصالون يعني وجهه قبال الاصنصصير تفاجأ من وجود ولده هنا كان يشوفه في الصحف والمجلات ...
‎فيصل ﻻبس بنطلون جنز اسود وبلوفر رصاصي مرسوم عليه دراجه ناريه وﻻبس ساعه سوداء عريضه وبوت رصاصي بربطات سوداء..
‎تأفف بقلبه وش جابه الحين : ايه هلا
‎غالب اشر على الكنب الي جنبه :تعال سلم على الي مفتقد دلوعه
‎فيصل تقرف يعرف ابوه عمره مايفكر بعياله اكيد يبي شي : مستعجل الحين!
‎غالب يستهبل:اوووه مستعجل واذا قال البابا بدو اياك ي ألبي مابدك تجي؟!
‎فيصل عصب اول اخوه والحين ابوه: خير وش عندك مايجي كلامك من الهواء
‎غالب انقلبت ملامحه للجديه :اجلس وانثبر هنا الشرهه علي ارحب فيك بغيتك بكلمة راس خابرك ي الفاشل ماوراك الا قلت الحياء!!
‎فيصل تكتف وعينه بعين ابوه :من شابه اباه ماظلم !!!
‎غالب تنفرز الورع ذا زودها معه اشر للكنبه الي جنبه : انثبر هنا ي عاق عندي كلام لك ولاخوانك يلله !!
‎فيصل تكى على طرف الجدار مال بجسده الرياضي :انا هنا بخير ي الطيب
‎غالب تنهد لف على عقاب :وينهم هذول ؟!
‎عقاب اسوود البشره عيونه صغيره معضلل ببحه: الحين جاين
‎دخلو ا الشباب هاني ومحمد وعلي الي بعده رائد
‎هاني توه جاي من الشركه ابو طالبه : السلام عليكم
‎فيصل وغالب وعقاب واثنين من الحرس :وعليكم السلام والرحمه
‎هاني يطالع فيصل هنا وابوه موجود شسالفه: ...........
‎رائد يطالع فيصل بكره كان رائد رابط شاش على راسه:هلاا يبه تو مانور الب
‎قطع عليه غالب المبتسم : اقعد اقعد ي بياع الحكي!!
‎قرب رائد من ابوه يتمصلح وجلس: خير يبه مجمعنا هنا
‎محمد وعلي جالسين بهدوء :هلا يبه
‎هاني يأشر لفيصل يقرب ويجلس بس حرك راسه بلا تنهد هاني يعرف علاقة فيصل وابوووه اقل كلمه تنقال هي زززززفت !!
‎غالب شاف عياله حوله الي من زوجته مزنه :افطرتوا ؟!
‎هاني :حمدلله
‎رائد يطالع ابوه يحس بفخر ابوه مجرررم : ﻻ
‎ومحمد وعلي :ايه
‎غالب :اوك خلونا نفطر
‎فيصل :انا مستعجل مو منتظركم عندكم شي قولوا!!
‎رائد بكره :من متى انت من افراد العايله ي ولد السورية!
‎فيصل شاف قدامه فازه صغيره ورماها بكل قوته على رائد: اصص ي كلببب!
‎رائد بحركه سريعه نزل راسه ثانيه وحده وتصك بالجدار وتنكسر الف قطعه
‎غالب عصصصصب :انت ما تستحي على وجهك واذا جاني شي منها وﻻ اذيت اخوانك ي بن عا...
‎فيصل موقادر يتحمل اكثر من كذا قاطعه:العاهرة الي تقول عنها هذي طفله عمرها 15 سنه ماتعرف شي عن الحياة شفتها جايه من المدرسه جننتك ي نسونجي اخذتها غصب عن اهلها وتزوجتها واخر شي موتها لان الي زيك مافي احد يبع كل شي علشانه انسان وسخ يمشي ورى شهواته ماله حق يحكم على الاخرييين وتجي لانها ماتت وهي عند اهلها توصفها بالفجور شف نفسك اول
‎غالب وقف والدم يفور ويهدد بسبابه بوجه فيصل : ثمن كلامك ﻻيجيك الي مايسرك ي وورع اعطيتك وجه انقللع من بيتي انقللع!!
‎فيصل ببروود بعكس الي يحسه:انا طالع كذا كذا انت الي وقفتني
‎غالب والشرار يتطاير من عيونه : برررررررررااا ﻻاشوف وجهك ﻻ اعرفك وﻻتعرف احد من الحاضرين هنا انت مخلوع منا!!!!
‎فيصل حرك اكتافه بمعنى عااادي وطلع من القصر وهووو اخر همه
‎نزلت دمعه حاره من خد مشاهد للاحداث الي تصير مسحتها بسرعه وراحت جرري لجناحهم دخلت وهي تبكي ارتمت على سريرها ودفنت راسها في المخده اسيل بقهر على عمها :ليه كذااا ليييه ؟!
‎غدير متغطيه استغربت وش عند اختها همست لنفسها وهي تسمع اختها تبكي بألم :احسسن مو انا لحالي اغرد هنا وغطت وجها !!!
‎مزنه تنهدت وهي تشوف المنظر حق فيصل بهمس : الله يصبرنا عليك
‎دخلت الصالون بجلابيتها الفخمه ورسمت جسمها الفاتنه عمره 40 اللي يشوفها يقول عشرينيه :هلا نووورت ي ابو صقققر الدااار..
‎طالعهاااا بإعجااااب عيونه معلقه عليهااا تزوجها وهي عمرها13 سنه وخلفت منه 6 بنتين 4 عيال تنهد يبي يطلع حرته عليها : كان ما جيتي احسن ماكأنك طولتي 
‎مزنه وهي توخر عيونها عنه :ما كنت ادري انك هنا الا قبل شوي وجيت بدخل سمعت هوشتك مع فيص..
‎قطع عليها ويحس اادم تجمع بمخها من العصبيه :ببس!! ابي فطوري وﻻﻻاقول
‎العيال طفشوا لين متى وهو يعامل امهم كذا ماعدى رائد الي مبسوووط بيتشقق مفتخر بأبوه ومدلعه كل طلباته مجابه رائد بطفوله :يبيه نبي نفطر وين الجيعان الي قبل شوي اشوفك هوونت يوم شفت الوالده كاشخه اااخ ي يبه جابت راسك الوالده يحرك يده لاحقين ﻻحقين خلونا نفطر اول
‎علي وهاني ومحمد يطالعون رائد بكررره وحقد زودها هالبزر وصخ ولسانه متبري منه ..
‎غالب ضحك من قلب :هههههههههه ي رجال وش عندك مستقعد لي امس جارح واليوم انت الله يصبرنا علييكم
‎علي طفش : يبه انا استئذن
‎غالب : ووين ووي..
‎قاطعه محمد :وانا بعد استئذن مشغووول
‎غالب :اشوف مالكم خلق لي اقوول اجلسوا عندي لكم موضوع
‎هاني بقلت صبر: ممكن تبدى بطرح موضوعك !!!
‎غالب :ههههههههه طيب ي استاذ هاني الموضوع ومافيه بعد الاسبوع هذا ابيكم كلكم هنا في الرياض يوم الاثنين ي ويل الي يتخلف عن الموعد
‎الكل سكوووووت وش عنده ....
‎رائد رلقافه : ليه يبه كل اخواني 13 بيحضروون؟!!
‎غااالب يشرب يكمل عضيره : ايه ال13 الي ما وراهم سنع وصيت ماجدوه بتنفتح
‎رائد ببلاها :هاااه؟!!
‎علي بلع ريفه بخوف مايدري ليه: طيب وين هنا ببيتنا؟!
‎محمد تنهد: طيب نجهز عشى شي ؟!
‎غالب : ﻻﻻ بنسويها ببيت وجه الفقر عبد الملك
‎رائد فهى مو فاهم شي :يبه مين عبد الملك هذا بعد ؟!
‎علي يرص على اسنانه :رائد انطم
‎هاني بسرعه:عبد الملك ال عبد القوي وش فيك ؟!
‎رائد :طيب ليش وجه فقر هذا من اكااابر الخليج وهو له تعامل في الشركة وﻻ يبه ؟!!
‎غالب بدون نفس يكرره ابو سعد: ايه موظفينه عندنا ما عليك منه
‎علي :طيب ليه ما نسويها عندنا هنا بما ان ماجد اخونا ؟!!!
‎غالب تنرفززز: هنااك وبس وبعدين ليه الشقى خلها هناك مانبي غثى وﻻي مزون وش رايك
‎مزنه تنهدت : الي يريحك ي بو صقر
‎غالب وقف :يلاه بروح جناحي برتاح
‎وقفوا كلهم احتراما ...
‎رائد :والفطور يبه ؟!!
‎غالب وهو معطيه ظهره: كل لحالك وﻻ مع اخوانك انا تعبان
‎رائد بمكر :هاااااه تعبان اجل الله يقويك يبه لف لامه يبه يقول تعبان غمز لها
‎محمد ضربه في راسه بنفس الوقت وعلي اعطاه بكس في بطنه
‎راااائد بألللم:ااااااخ وش عندكم علي اول المنبوذ هذاك والحين انتم خير
‎علي بحده : كل ترااب ي كلب والله لاربيك صحححح الحين !!!
‎محمد بعصبيه:ثمن كلامك والله ليته تبرى منك وﻻ فيصل انظف منك ي وسخ !
‎هاني تنهد اخوانه ادو الواجب :يلاه يمه انا استئذن
‎قبل راسها و وطلعت على صوت غالب وهو ينادي عليها
‎راائد يصفق :اووووه يبه الله الله خللك فحل
‎علي تفل في وجه :تفووو عليك ي كلب تقل خويتك مهي امك !!!
‎مسح وجه بقهر:خير هذا ابوي وهذي امي وش تبي انت داخل عرض محد طلبك
‎محمد والشرار يتطاير من عيونه:والله ي رائد الزفت لو تنعاد لاشرب من دمك تفهمممم ولا لاااا؟!!!
‎رائد هز راسه بخضوع خايف منهم بيلعبون به تنس :طيب توبه
‎هاني راح للدور الاول مر على بناته فتح الباب لقى سمع صوت انين وشهقات
‎استغرب شغل الانوار قال بحنان : وش فيهم الحلوين مين يبكي ي عيون ابوكم
‎اسيل راحت لابوها جري وارتمت في حضنه :اهئئ يبه عمي فيصل ليه كذا !!!!
‎تنهد هاني بتعب :السالفه قديمه يمه قديمه وش تبين فيها
‎اسيل وهي دافنه راسها بحضنه :اهئ ابي عمي ابيه ليه ظالمينه كذا وسالفة امه صدق يبه اهئئئئئ!!!
‎غدير تمثل البكي وخرت بطانيتها وراحت لابوها تبكي غارت من اختها
‎هاني فتح يدينه لها اكثر : يوووه كل ذا لفيصل كذا اغار انا اقلب رائد الحين
‎اسيل بضحكه وبكيه في نفس الوقت :ابي تفسير يبه ماالي دخل ليه كذا
‎غدير تبي حقها عمها سطرها كف محترم فكرهته :احسن الي سوه جدي
‎هاني انقلبت ملامحه للصدمه:خيرر ي بنتي ليه كذا
‎غدير بحقد :سطرني كككف يبه تخيل اهئئ بكت من القهر
‎هاني تفاجأ فيصل عمره ما مد يده على مره مستحيل : ليه وش صار؟!
‎اسيل بدفاع عن عمها :يبه خلها تستاهل هي تلي بدت كان يقوول ......
‎حكت له الي صااار كان يسمع بعنايه تنهد بقلبه يعني اعطاهم فكره عن الموضوع طالع لبنته:انتي الغلطانه وهذي بنت عمك شرفها وسمعتها من سمعتك ﻻتتكلمين كذا عنها وش تبين يقولون عنا الناس كلامهم ما يرحم ييمه خافي على نفسك واهلك وطالعي شيبي تبين الناس تتكلم فينا
‎غدير سكتت تطالع ابوها الي من ييوم ما تخرج من الثنوي وهو مع ابوه كارفه كرررف ما يشفونه الا مرتين في الشهرررر
‎غدير بحزن :اسفه يبه حقك علي ومع ذالك احس اني ما حبيتها هالبنت
‎هاني تنهد مستني المصيبه الي في الطريق جاي : انتي بعد كم يوم بتشوفينها هي اكيد حبوبه مثل ابوها وشوفي فيصل انتي مو تحبين فصول رغم الكف
‎حطت يدها على خدها عضت شفتها :ايه صح احبه احسه مسكين وهو طيب يطلعنا ويمشينا بس قهرني بالكف
‎اسيل رفعت راسها تطالع غدير : احسسن تستاهلين كلامك كبير ورجعت دفنت راسها بصدر ابوها تخبي وجهها من نظرات غدير الي بتحرقها
‎غدير بقهر :يبه ننبي نفهم وش سالفة عمي فيصل وعمي ماجد نبي الصدق بدون تشفير يبه !!
‎تنهد شكله بشرح لهم الي صار تعدل بجلسته غمض عيونه بيشرد القصه حسب ما شاف بعيونه قبل 25 سنه : طيب اسمعوا
‎اسيل وغدير كلهم اذان صااغيه : ................