I Wouldn't Mind

Chapter 7

"Hahaha. Di uubra ang galawan mo Nak, wag trying hard. Let's go na bago ka pa mahampas ni Ms. Reyes." Sabi lang ng Dad niya na ngingiti-ngiti.

Lumabas na nga kami at nakaabang na yung kotse yata ng Dad niya sa amin. Hongtaray ng Ford Ranger! Bumaba yung driver saka iniabot kay Alyssa yung susi na nanlalaki naman ang Mata.

"D-Dad?"

"Yep. This is your new car." Sabi lang nito na parang namigay lang mg kung anong pasalubong sa anak.

"Oh my gosh, Dad! I love you! Pero ba't ang aga?"

"Why? May binigay ba akong time kung kailan ko papalitan ang kotse mo?"

Aw. Spoiled Aly. Hahaha. Ang epic ng mukha niya, napanganga talaga.

"Thanks, Dad. The best ka... Pero san ko naman ipapapark yan sa Apartment ko? Hehe."

"Don't worry. Ibabalik ko na rin ang susi ng condo mo at pwede ka nang bumalik anytime sa bahay."

Jusme. Rich kid ba! Para naman tong si Vic nung kabataan namin. Laki sa layaw at spoiled sa Daddy!

"Ah! No, no, no!" Agad na tutol ni Aly na may hand gestures pa. "Wag, Dad. I'll end my summer with this current set up." Seryoso niyang sabi.

"Ha?" Tanong ng tatay niya na parang gulat na gulat.

"I'll drive this one for now pero ipapahatid ko rin sa bahay ah? Hehe. I'm enjoying what I have pa, Dad. Pero thanks, you're the best. Tara na?" Sabi lang nito.

Wow. Akala ko spoiled. Or baka natuto lang? Hehe. Masaya naman kasi talaga ang simpleng buhay. Like Vic... My Vic 12 years ago. Ewan ko na nga lang ngayon.

Damn Mika! You can't even take her out of your mind! Magpakipot ka naman kahit konti!

"Babe, dito ka na sa passenger." Tawag sa akin ni Alyssa na nakaabang na pala't binuksan ang pintuan.

"Babe ka diyan!"

"Sabi ko nga boss eh. Hehe." Kakamot-kamot niyang sabi.

Mabilis lang naman ang naging byahe. Sa fine dining pa talaga dahil doon daw sanay ang Dad niya. We had a really nice Lunch with his Dad, ang kulit nilang mag-ama, parang magtropa lang ang sobrang close. Ano kayang nagawang kasalanan nitong si Alyssa para parusahan siya ng ganon ng Dad niya? Hmmm.

After ng Lunch at kuwentuhan ay may sumundo na sa Daddy niya at kami naman dumeretso na sa site. So far. So good. Lahat umaayon sa plano namin. Mabilis din ang construction dahil masisipag ang tao.

"Oh, mga kuya! Magkape at mryenda muna kayoooo!" Tawag ni Alyssa sa mga construcion worker  kinahapunan.

"Ah, Ma'am, sandali lang ho. Hindi pwedeng tigilan sa paghalo ito eh baka manigas." Sabi nung isang kuya na naghahalo ng semento.

"Ah, hindi Kuya! Sumabay ka na sa kanila. Ako na muna diyan. Gagayahin na lang kita. Hehe." Sabi ni Alyssa saka akmang aagawin yung pala.

"Ay, Ma'am wag po baka madumihan ang polo niyo nito!"

"Ay, Kuya talaga. Okay lang yan sus... Pero sabagay, mahirap ngang gumalaw. Wait." Sabi pa niya saka lumapit sa akin habang nagtatanggal ng butones. "Boss, pahawak sandali." Sabi niya saka hinubad yung polo niya.

Para na namang natuyo ng di oras ang bibig ko. Nakasando na lang kasi siya ngayon so exposed ang braso niya... Tapos medyo fitted pa yung sandong suot nito... Tang ina, may abs!

Hay nako Mika Aereen! Tantanan mo! Bata yan! Si Alyssa yan! Mahuli ka niyan nako uulanin ka ng asar!

"Oh, Kuya, game na ako! Kain ka na muna diyan!" Sabi niya ulit kay Kuya.