O aming Ama, Ikaw na nagkaloob sa amin ng Iyong Anak na katulad nami'y minsang naging isang paslit; naglaro at nangailangan ng pagkalinga; patuloy Ka naming sinasamba ng may marubdob na pagtitiwala at pagdakila.
Tulungan Mo po kaming muling maging tulad ni Sto. Nino, puno ng pagmamahal at pagtitiwala sa Iyong walang hanggang kapangyarihan.
O aming Ama, inaalay namin sa Iyo ang aming buhay. Ihinihingi po namin ng tawad ang lahat ng aming mga kasalanan. Turuan mo po kaming mahalin ang aming kapwa-- lalo na po ang mga pinakahamak sa amin. Buksan po sana namin para sa kanila ang aming mga buhay. Lumapit po sana kami sa kanila. Maramdaman po sana nila sa pamamagitan namin ang Iyong pagmamahal.
Sa pangalan ni Sto. Nino na lumaki, bininyagan ni San Juan Bautista sa Ilog Jordan, nakisalamuha at naglingkod sa mga makasalanan, ipinako at namatay sa krus, muling nabuhay, umakyat sa langit at muling babalik sa huling araw. Amen.
( Ito ay mula sa Katolikong blog na Sa Isa Pang Sulyap - http://saisapangsulyap.blogspot.com )
YOU ARE READING
Kapistahan ng Panginoong Hesus, ang Banal na Sanggol - 15 Enero 2017
SpiritualAng ating Ebanghelyo at mga Pagbasa, Gospel Reflection at Panalangin para sa Kapistahan ng Panginoong Hesus, ang Banal na Sanggol (15 Enero 2017). "Tandaan ninyo ito: kapag hindi kayo nagbago at tumulad sa mga bata, hi...
