Boyfriend Corp. Book 2 : After Contract

Chapter 28

"Have we met before? Sobrang familiar mo kasi." Tanong sa'kin ng nasa harapan ko.

"Oo nga. Feeling ko rin nakita na kita dati." Umagree yung isa sa kabilang side ng table.

"Kayo talaga!" sumingit na si Aly sa usapan. "Ang seryoso niyong magtanong! Mamaya hindi na yan sumama kapag inaya ko ulit!"

Alam naman kasi ni Aly na hindi ako sasama kung may dala akong sasakyan o hindi ako napiitan. Nagreact yung iba naming kasama. They're all saying na familiar ako pero wala e. Hindi ko talaga sila kilala. Yung iba kilala ko kasi napakilala na ni Aly samin dati pero hindi ko rin maalala yung pangalan nila.

"I'll give you a hint." tumingin si Aly sa likod niya. Napainom ako sa boteng hawak ko. My third bottle. See? Imposibleng hindi mapaparami ng inom.

Narinig ko yung biglang ingay mula sa kabilang cottage kung nasan yung ibang lalaki. Malamang it's about Matt. Napansin kong malapit na naman maubos yung beer na hawak ko. Lagi kong nakakalimutan na kelangan kong magdahan dahan. Psh.

"This guy." Napatigil ako sa paginom nung naramdaman kong biglang bumigat yung balikat ko at nung may umupo sa pagitan naming dalawa ni Aly.

"Hey."

"Hoy Russ, dito ka!" tawag sa kanya nung mga lalaki sa kabila.

"Dito muna!" sigaw ni Russ pabalik.

"Du-duty ka lang e!"

Nakita ko lang na inabutan siya ng bagong bukas na bote ng beer kaya natanggal yung pagkakaakbay niya sakin. Nagtaka ako nung inabutan na rin ako nung babaeng katapat ko. Oh, bantay sarado nila ang beer ng bawat isa.

Ahsht, Gab. Magdahan dahan nga kasi.

"Si Russ? No offense, girl ha." Sabi nang isang babaeng katabi ni Aly. "Die hard fan at devotee si Russ noong childhood love niya."

Hindi ko na sila pinansin. Lumingon ako sa dagat. Hindi man lang ako tinetext ni bebs kung nasaan ako.

"Oo nga. And the last time I check, hindi pa rin nakakamove on ang lokong 'to. Baliw na baliw pa rin sa babaeng 'yon!"

"What's her name again?"

Bigla akong siniko ni Russ, "Ano daw pangalan mo?"

"Gab." Sagot ko agad dahil hindi ko alam ang pinaguusapan nila.

"I thought Alexa ang pangalan mo? Ayun tawag sa'yo ni Aly." Turo niya kay Aly. "And why do you have to ask for her name? Nanchi-chix ka lang, Russ e! Nakalimutan mo na ba ang child—No way."

"Nakain na ba ng majors ang utak niyo?" pangaasar ni Aly sa kanila.

Ano bang nangyayare? Napatingin ako kay Russ nung ngumiti ito at ininom yung beer. Gusto ko sana siyang tanungin pero nakakahiya kasi malalaman nilang hindi ako nakikinig at hindi ako interesado sa pinaguusapan nila.

"Seeing you and her together now.. ibig sabihin," nagbilang yung babaeng nasa tapat ko, "Eight years of waitingg? Woah! Russ congrats!!"

Eight years of waiting? Tumingin ako kay Russ and this time, medyo namumula na yung pisngi at tenga niya. Napakurap ako nung nilingon niya din ako at pinisil niya ang ilong ko.

"Lasinggera."

"Pucha Russ, layo! PDA e!" napakunot ang noo ko dun sa sinabi nung isang babae na medyo malayo samin. Wala akong maintindihan pero sure na sure akong nalilito na talaga ako sa pinaguusapan nila. At oo, nahihiya ako.

Nakailang pang-aasar pa sila kay Russ at nakailang agaw rin siya ng bote ng beer ko dahil gusto nila akong painumin pero si Russ ang may ayaw. In the end, hindi na nakahindi si Russ at pinapabayaan na ang mga kabarkada niya.