That Forbidden Love (TFL SERIES #2)

Chapter 6

"Saan po 'to galing, ma?" Tanong ko habang hawak pa rin ang kwintas.

"Your dad gave it to me when we're having our first dance,"

Para akong batang kinilig sa maiksing kwento niya. "Ang sweet po pala talaga ni papa."

Ngumiti si mama. "He's sweet that you'll never expected him to be." Hinalikan ako ni mama sa ulo.

"Susunduin ka ng papa mo mamayang 12 midnight. Uuwi muna kayo rito at bukas na ng umaga pupunta sa lola mo, okay?"

And with that, bumalik na ang dating mukha ni mama sa tuwing sinesermunan niya ako ng mga paalala. She's been strict and always will be.

"Opo, mama." Sabi ko.

Pagkatapos kong mag-ayos, sinoot ko na ang 2-inch heels ko na halatang hindi ako sanay gumamit nito. Maliit lang ako pero hindi ako maghihiling na magsoot ng 3 inches na heels kung alam kong matatapilok lang ako. Atleast sa 2 inches ay kaya kong i-manage ang posture at balance ko habang naglalakad ng dahan dahan.

Nakita ni papa kung gaano ako kabagal maglakad. Natawa siya nang tingnan ang paa ko.

"Wala ka pang make-up pero ang ganda mo na." Aniya saka niya kinuha ang kamay ko upang ipalupot sa kanyang braso.

Nilingon ko siya. He'll always be my first everything. "Dapat po yata mag-sandals na muna ako para komportable." Hindi ko pinansin ang pagpuri niya.

"You'll be comfortable in time. Trust me." With that, I know I should trust him. Kahit anong sabihin niya, maniniwala at magtitiwala ako.

Nagpaalam na kami kay mama at hinatid niya kami sa labas kung saan naka-park ang kotse. Pinagbuksan ako ni papa sa front seat. Bilang na bilang lang din ang pagkakataon na makakatabi ko si papa habang siya ay nagda-drive. Syempre palaging sa likod ang pwesto ko dahil dito si mama.

"Pa, why are you so cool?" Tanong ko habang nagbabiyahe kami.

"What do you mean?" Ngumisi siya.

Napailing ako at lumingon sa kawalan. "Kasi po sa mga nababasa at napapanood ko, ang ama ang siyang pinaka-strict pagdating sa anak niyang babae. Pero ikaw, parang gusto mo na akong ipakasal e." Tumawa ako.

Narinig ko rin ang mahinang tawa niya. "It's not like that. Of course I'm not in the right mind kung kani-kanino lang kita ipagkakatiwala. Dads will always be protective to their daughters especially when it comes to love. Pero gaya nga ng sinabi mo, I'm cool."

Lalo akong natawa. Hindi na ako nagtanong pa. Alam kong kahit gaano ka-cool si papa, sobrang protective pa rin niya sa amin ni mama. Siya 'yung lawyer by profession outside but a dad at home. Kahit gaano siya ka-busy, he'll spend his free time with us.

Nakarating kami sa bahay nina Mia. Naaninag ko na rin ang Range Rover ni Lucas. Malamang ay ako na lang ang hinihintay nila.

"Is that Lucas' car?" Turo ni papa sa itim na sasakyan.

"Opo."

"I'm never wrong about how cool he is." Turan niya.

Hinalikan na ako ni papa at bumaba na ako ng kotse. I waved goodbye nang umikot na siya paalis. Humarap naman ako sa nakabukas na gate. Nasa labas pa lang ako ay naririnig ko na ang tawanan nila sa loob.

Pinihit ko ang pintuan at nakita ko sina Mia at Raizen na inaayusan na ng dalawang babae.

"Zanea, come here." Tawag ni Ms. Veronica nang makita ako. Umupo ako sa chair na nasa tabi niya. Mukhang siya ang mag-aayos sa akin.