وآنت أجمل ما حصل لي ، لا تبتعد <3
في الليل
بيت أبو عبدالعزيز
في غرفة عبدالعزيز
كان ينتظر اخته جواهر اتجيه
عبدالعزيز:وأخيرا جيتي ؟
جواهر:ههههه آمر
عبدالعزيز: اول شي اجلسي ارتاحي هههههه
قعدت جواهر: وهذي قعده ..تفضل
عبدالعزيز:ابغاك تتكلمي شوي عن ريم بنت أبو حسن ...صراحه ابغى اعرف شوي عنها قبل لا اخطبها
جواهر:اووه علشان كذا مناديني هههههه ...طيب أني شفتها بس ثلاث مرات وبصراحه في هالمرات مرره ارتحت لها ...بنت طيوبه وتدخل القلب بسرعه ..لا تقول تبغى مواصفاتها ..اسفه مااقول هههههه
عبدالعزيز: ابدا مااستفدت منك
جواهر: ههههه مااقدر اقولك وهو لحد الان ماصارشي اكيد
عبدالعزيز: طيب ..تقدري تطلعي
جواهر: شكرا ع الطرده
"بتفتح الباب الا بدخول ناصر "
ناصر : هلا بتؤامتي ..ماشفتش من جى الليل ...وحشتيني
جواهر:الله يعينك هههههه ...امشي ...اخونا الكبير يبغى يقعد يفكر ههههه
"وطلعوا اثنينهم من الغرفه"
ناصر باستغراب: يفكر في شنو ؟
جواهر:ههههه علشان موضوع الخطبه ...يفكر هل يخطب او لا ههههههه
ناصر :اوووه
جواهر:نصور ويش رايك اخطب لك
ناصر غمز لها: عندك بنت الحلال ؟
جواهر:اووه افا عليك ....بنت خالتي فاديه
ناصر ضربها بعلبة المناديل : مالت عليك
جواهر:ههههههههههههه
......................
بيت أبو حسن
(سلمان وريم كانوا في غرفة ريم )
سلمان: الحين أنتي متأكده ان مافيه أحد في البيت ؟
ريم بخوف:ايي كلهم طالعين
سلمان:طيب انتي ليش خايفه ....لا تخافي ...خليك واثقه من نفسك وان شاء الله راح تنحل الأور
ريم:طيب
"سمعوا صوت جرس الباب"
ريم:تتوقعه هو ؟
سلمان:مستحيل يجي من الباب ... هذا فهد ,,,انا قلت اليه يجي
ريم خافت أكثر: وش قلت اليه ؟
سلمان:لا تخافي ما قلت له شي عنك ...يلا روحي غرفتي ولا تخافي
"راح سلمان وفتح الباب لفهد وهم يمشوا لغرفة ريم "
فهد والنوم فيه : وش فيك جايبني من سرير والله حدي نعسان
سلمان:صحصح لو سمحت ..بعد شوي راح تصير هوشه
"دخلوا غرفة ريم "
فهد بدا يصحصح: هوشه ..."باستغراب "هنا ؟
سلمان:ايي تعال وراي ...وانت ساكت
"تخبوا ورى الدولاب وسلمان ينتظر لحظة دخول بسام "
.......................................
سيارة خالد
"وقف عند بيت أبو جمانه وهو بكامل زينته ...نزل من سيارته وانتظر جمانه تجي ..فتحت جمانه باب بيتهم وهو فتح باب الساره وركبت وركب بعدها"
خالد مسك يدها وباسها : وحشتيني ي قمر
سحبت جمانه يدها وبحيا : خالد احنا في الشارع
خالد: انا لو ادري كان قلت لك أول شي أشوفك داخل
جمانه:ايي كان مابنطلع ابدا ههههههههه
خالد:ي عمري اللي فاهمني هههههه
جمانه:هههههههه
خالد:طيب وين تبغينا نروح الحين ؟
جمانه: اممم عادي أي مكان
خالد:حتى لو نروح جناحنا "وغمز لها "
جمانه:ههههه خالد وش فيك ...من قرب الزواج وانت صاير قليل ادب
خالد:هههههه شكرا على اللقب الجديد
جمانه:هههههه العفو
..........................................
نرجع بيت أبو حسن
في غرفة ريم
فهد بصوت خفيف: فهمني السالفه
سلمان: الحين راح تشوف كل شي بعيونك
"بعد دقايق حسوا بحركه عند النافذه ...وثواني الا وبسام داخل الغرفه وفي يده باقه ...فهد يفكر هذا شدخله هنا ..وهذي غرفة ريم"
بسام: ريوم ...وينك ؟ ...حاب أشوفك ...مو هذا اتفاقنا أبدا إنك ماتكوني موجوده
(هنا فهد عصب ومن غير ما يحس على نفسه طلع من ورى بسام ومسك يده وجابها لورى وشد عليها )
فهد بعصبيه : ممكن افهم شنو جابك هنا ؟
طلع سلمان قدام بسام وهو يصفق بعد ماصور بسام كذا صوره : يا سلام يا ولد خالتي ..كذا تسوي ...لا وفي بنت خالتك بعد
فهد طلعت قرونه يعني اللي فكر فيه صح : وش سويت يا ؟؟؟؟ تكلم
انطلقت صوت ضحكة بسام
سلمان: ممكن افهم ليش تضحك ..." وضربه كف" مع أنك أكبر مني ..بس ابدا ما توقعت في يوم من الأيام انك تسوي كذا
بسام : انتوا فاهمين الموضوع خطا هههههه...ترى هي الي بدأت معاي وقالت لي تعال الليله
سلمان: بعد وتكذب عيوني اللي شافت الرسايل يا الخاين
بسام:ههههه طيب انا خاين بس ترا هي اللي أغرتني و
فهد ماقدر يستحمل كلامه وصار يضربه من غير شعور وبسام مستسلم له ويضحك
سلمان وهو يسمك فهد : فهد لا تنجس نفسك فيه ...هذا واحد ما يستاهل "وجه كلامه لبسام" يكون في علمك من اليوم وطالع اذا أرسلت لها رساله او سويت لها شي ماراح يردني ان اسوي فيك شي وتعرفني انا مجنون
بسام تكتف: خلصتوا ؟ ....انا ريم دخلت مزاجي وماراح يمنعني أي شي ان اسوي اللي ابغاه معاها
فهد رجع ضربه مره ثانيه مو قادر يستحمل ان يسمع الكلام اللي ينقال عن ريم ....وبسام قعد يقاومه وسلمان يفك بينهم
سلمان:بسام ..اذا تكرر أي شي راح توصل كل الرسايل لخالتي والدليل عندي ..الحاله اللي جت لريم بعد زيارتها لكم
بسام: يصير خير ههههههه
سلمان: خاف الله هذي مثل اختك ..تخيل يصيب خواتك كذا وش راح يصير فيك
بسام عصب : مالك شغل في خواتي
سلمان ابتسم: شفت ؟ عصبت ...وحبيت اقولك ان اللي تسويه الحين راح يرجع لك اكيد في يوم من الأيام ...في خواتك او حتى زوجتك ..والحين يلا من غير مطرود ..واتمنى ان ما ترويني وجهك مره ثانيه لان ما يشرفني ان يكون عندي ولد خاله مثلك
فهد بعصبيه : ما سمعت يلا اطلع
بسام: ههههه طالع طالع ...لا تعصب يا حلو " وطلع من النافذه ولا همه شي "
فهد لف لسلمان: ممكن افهم السالفه ؟
سلمان: مو لازم تفهمها
فهد : سلمان لا تعصبني زياده ....كفايه ولد خالتك الزفت هذا
سلمان: السالفه بكل اختصار ان هالبسام مأدي أختي بالرسايل واخر رساله وصلتها ان اذا ما تواصلت معاه راح يجيها غرفتها ..وهذا هو جى
فهد:طيب وشوا لحاله اللي تكلم عنها عن ريم ؟
سلمان:فهد سالفه وانتهت ان شاء الله ...اللي صار ما يطلع برا
فهد ساكت وباله بعيد
سلمان:بس تدري ...مع انك ماتعرف السالفه بس ماقصرت في الضرب فيه ..اشكرك والله
فهد بابتسامه: هذي بنت خالي واخت الغالي
سلمان بابتسامه: ايي صادق ومثل اختك بعد
فهد من غير مايحس:لا مو مثل اختي
سلمان بصدمه: شنو
فهد: ها لا لا ولا شي ..خلاص خلصت مهمتي ..كفايه مقومني من السرير ...تصبح على خير "وطلع "
سلمان:شكلك انفضحت يا فهيد ههههه كيف ماانتبهت من قبل "تذكر بسام " بس هذا قتلني بروده كان ودي اقتله ..ان شاء الله مايصير الا الخير...اروح اطمن ريم
فهد بعد ماطلع من عند سلمان
.....: معقوله كلامه صحيح ان ريم اللي بدأت ...لا لا طبعا مو صحيح ....ريم تحبني ومستحيل تسويها ..بس طيب كان يتكلم بكل ثقه ...ايي كان يتكلم بثقه علشان لا ينشك فيه ...بس انا لازم اعرف شنو هالحاله اللي جت ريم بعد زيارتهم ...معقوله سوا لها شي ..لا لا لو سوا لها شي كان سلمان ما قصر فيه ..اووه سلمان ...شكلي فضحت نفسي قدامه ...اووف ...وش فيها لو درى ع الافل مااسوي شي بالحرام والحمدلله
.................................
في لندن
(تركي جالس في الصاله ومشغل التلفزيون وباله ابدا مو معاه ...جت ام تركي وجلست جنبه وماحس لها )
ام تركي ربتت على كتفه: يمه تركي ...فيك شي ؟
تركي انتبه: ها ..لا بس احس بضيقه ماادري ليش
ام تركي : اقرا قران يا ولدي ,..وان شاء الله تروح
تركي:ان شاء الله "اخذ القران من جنبه ولان كان طاهر بدا يقرا بصوته خاشع وبعد ما قرأ حزب ...لف لامه "
تركي: يمه ..عاجي تسولفي لي عن أبوي
استغربت ام تركي بس تداركت وقالت بابتسامه : تبغى أي سالفه ؟ اني قلت لك كل السوالف اللي اتذكرها
تركي:هههههه عادي أي وحده ...اول مالتقيتوا ببعض
ام تركي :التقينا اول مره هنا ....كنت جايه مع اهلي زياره ...وابوك من نسايبنا من بعيد يعني مانشوفهم واجد ...وفي مره ابوك شافني صدفه ...وبعدها صار يتعمد الصدفات علشان يشوفني الين ما جى وخطبني وتزوجنا هنا لان كان عنده عمل لمدة سنتين ...وبعد سنه من زواجنا جبتك هنا بعد
تركي:يمه مو كأنها السالفه مختصره ههههههههههه
ام تركي: شفت أنك حافظها ..ليس اعيدها بعد ههههه
تركي بحزن: احب اسمع أي شي عن ابوي وخصوصا ان ماعندي ولا ذكرى عنه او معاه ...وحتى اعمام ماعندي
ام تركي عورها قلبها على ولدها: ايي جدك وجدتك ما جابوا الا ابوك وبعد زواجنا بثلاث سنين توفوا
تركي:الله يرحمهم
...................................
عند جمانه وخالد
خالد: هههههههههه
جمانه:ههههههههههه
خالد:صحيح جمون ..مو كأن نسينا السالفه اللي تجمعنا علشانها
جمانه:ايي صح ..."بجديه " خالد ....انا راح اقولك قصتي وليش لما تجيب طاري الزواج او حتى لما بكيت ليلة ملكتنا و
قاطعها خالد: بس جمون اذا مو حابه تــ
قاطعته جمانه: لا انا حابه اقولك ولاني وأخيرا ان شاء الله تغلبت ع السالفه "بابتسامه" بوجودك معاي
ابتسم لها خالد
جمانه: السالفه بدات لما كنت في ثالث ثانوي كانت عندي صديقه اسمها بسمه وعلاقتنا مرره قويه
خالد:اللي شفتيها في المول صح ؟
جمانه:ايي هي نفسها ....مثل ماقلت لك علاقتنا مره قويه ...واحنا في ثالث انخطبت لو تعرف ذيك الحزه وش صار ..استانست لها بالحيييل وبسرعه تزوجت بعد يعني كنا مازلنا في ثالث ثانوي بسبب ظروف زوجها ....كانت معانه في نفس الصف بنت تغار من علاقتنا ماتقدر تشوفنا مع بعض "بأسى " بس للأسف مااكتشفت دا الشي الا بعد فوات الأوان ...ع العموم فبعد ماتزوجت بسمه حاولت تتقرب مني واني كان عادي يعني ماقلت لها شي وماحسيت انها كانت تخطط علشان تفرق بيني وبين بسمه "سكتت شوي وتمنع دموعها لا تنزل"بعد شهر من زواج بسمه ...جتني بسمه وهي قالبه عليي ...حاولت اعرف السبب منها بس مارضت تقول ....وبعد مده تقريبا عرفت السبب وياليتني ما عرفته ...اتضح ان فجر
قاطعها خالد: مين فجر؟
جمانه:فجر هي نفسها اللي كانت تتقرب مني وغيرانه من علاقتنا
خالد باهتمام: طيب ..كملي ؟
جمانه:اتضح ان فجر موصله كلام لزوج بسمه عن بسمه بس كأنه على لساني ووصلت كلام لبسمه ان أني على علاقه مع زوجها ...صارت مشاكل بين بسمه وزوجها ووصلت للطلاق ..." بدأت تبكي " وبنظر بسمه ان أني السبب .....من هذا الموقف كرهت الزواج والعلاقات لانهم هم السبب في قطع علاقتي بصديقتي "حطت يدها على وجهها وهي تبكي " عرفت ليش مااحب سيرة الزواج ورفضت ناس كثيرين ....يمكن تقول هذا الشي ما يستاهل هذا كله بس هذا الشي تعبني من ست سنوات ...علاقتي مع بسمه كانت اقوى من خت وختها واللي هدمها الزواج
"تقرب منها خالد وحضنها وصار يهديها"
خالد:اهدأي جمانه ...أكيد ماتنلامي اذا كذا كانت علاقتكم ..طيب ماقدرتي توصلي لها اقصد بسمه يعني ؟
جمانه:ماقدرت غيرت كل ارقامها ...حتى الفصل اللي يجمعنا غيرته ...صرت اروح لها وماتطلع لي
خالد:امحي هذي السالفه ..انتي مظلومه ...واكيد راح يجي اليوم اللي راح تنكشف فيه الحقيقه
جمانه هدأت شوي
خالد بابتسامه : بعدين انا موجود واذا تبغي اصير لك بسمه وكل أهلها بعد هههه
جمانه ابتسمت
خالد:ايي كذا ابتسمي ....خلينا نشوف أسنان اللؤلؤ ...بكذا أكون عارف كل شي عنك...ويكون مافيه بكا بعد اليوم ودامني عرفت السبب مستحيل اخليك تبكي في حياتك ..ماتبكي الا عند موتي
جمانه بسرعه: بعد عمر طويل ...لا تقول هالكلام
خالد ركز في عيونها وهي مازالت في حضنه: جمون تحبيني ؟
جمانه نزلت عيونها وابتسمت: خالد ترا تأخرنا وعندي بكره امتحان
"وابتعدت عن حضنه بحيا"
خالد: راح امشيها لك هالمره ههههههه
.........................
بعد يومين
يوم الجمعه
العصر
.........: كييف ...متى تزوجت لا وعندها ولد بعد ...متى صار كل هذا ,,,انا لازم ابحث وادقق بالامر بنفسي
....................................
