فقط !
الحديث مع مَن تُحب
- راحةٌ نفسيه بِحد ذاتِها ♥
(نسمات الهواء تداعب شعره الذي طال بإهمال منه ويراقب حركات موجات البحر يود لو يرمي بهمومه على هذا البحر الهائج )
.......: آه أحتاج احد يساندني أحد أسولف اليه و .
"قطع عليه جواله كانت امه هي المتصله "
.....: هلا بالغالية
......: هلا تركي وينك ؟ من جينا من لندن ماشفتك
تركي: هههههه ان شاء الله يالغالية ربع ساعه بالكثير وانا عندك
ام تركي: عشر دقايق لا اكثر حتى جدتك ماشافتك
تركي وهو يركب السياره : هههههه خلاص في الطريق انا
ام تركي : بحفظ الله انتبه للطريق
تركي :ان شاء الله
ام تركي :مع السلامه
تركي: مع السلامه
(وصل بسرعه قياسيه لبيت جدته اللي يعيش فيه مع أمه وخاله ودخل وسلم على جدته سلام حار )
الجده : احنا نشوفك بس في الاجازات ويوم اللي تجي تطلع على طول
تركي: ههههه اسف يمه بس كان عندي كم شغلع خلصتها والحين جيت
(جاهم صوت خاله سيف )
سيف : هلا هلا باللي مانشوفه هلا بالدكتور
تركي قام اليه وحضنه : هههههه كلكم قايمين عليي اليوم
سيف: شخبارك شنو مسوي
تركي بعد تنهيده: الحمدلله تمام
سيف حس اليه بس سكت علشان امه واخته:اقعد ليش واقف وبعدين شنو هالكلام اللي سمعته
تركي باستغراب: أي كلام ؟
سيف: تبغى تأخذ شقه علشانك انت وامك ما كأن هذا بيت جدك
تركي: قلت لا نزعحكم ونضيق عليكم
الجده شنو تزعجونا احنا اثنين وانتوا اثنين والبيت واسع ماشاء الله
سيف: وبعدين ماتسوى تأخذ شقه وانتوا ماتجو هنا الا قليل حتى لو تخرجت بتقعد معانا لا تحاول
تركي: ههههههه خلاص انا مااخذت شقه وانتوا سويتوا كذا عجل لو اخذت ويش بيصير
ام تركي: شفت قلت الك ماراح يرضوا
سيف: انزين اتركونا من هالسالفه ...مافيه عشا ترى جعت أنا
الجده : خلاص الحين نحطه
"نتعرف على العائلة "
أم تركي : عندها ولد واحد اللي هو تركي وتحبه وماتقدر تستغني عنه وهو كل دنيتها وهي عايشه مع تركي في لندن علشان دراسته وبس في الاجازات يجو ويسكنوا في بيت أمها
تركي : مملوح وجذاب فيه سماره خفيفه طالع على امه فيه غمازه في خده اليمين شخصيته غامضه شوي ومو الكل يفهمه وهو وحيد امه يدرس في لندن طب وباقي اليه سنه ويتخرج وعمره 24
سيف :أخو ام تركي .. شاب معتمد على نفسه وعمره 26
الجده : عندها ولدين وبنت اللي هم ام تركي وسيف وأبو صقر اللي راح نتعرف عليه من احداث الرواية
.........................................
(جالسة على الكرسي بملل ومستسلمه لعمل ختها بوجهها كل ذلك من اجل القضاء على الملل اللي مسيطر عليهم في الاجازة)
.......: والله خايفه من اللي تسويه
......: هههههه لا تخافي يجنن هذا تعليم رغدوه
......: بنشوف وشو نهاية تعليمها
.......: أوه افا عليك هههههههههه
"وبعد دقايق "
.....: يالله بشوره شوفي روحك
وقفت بشاير وشهقت: هبووه شنو سويتي فيني
هبة :بالعكس يجنن انتي مو متعوده تحطي اوفر
بشاير تشوف نفسها في المرايه :قلتيها مااحط اوفر
هبة : هالمره تغيير ...يالله الحين طلعي لك فستان ونكمل السهره
بشاير: روحي عني لا سهره ولا شي أصلا الحين بشيله
هبة مسكت ايدها : بلا جنون و...
"قطع عليهم طرق الباب ودخول أخوهم محمد "
محمد: هاي صبايا ..."بسخرية " هبة من هذي ماعرفتينا
بشاير بقهر : دام ماتعرفها اطلع برا عجل
محمد ضحك :هههههه بشايروه ماعرفتك
بشاير : ايي اضحك غير أني في هالبيت مسخرتكم
محمد : محشومه هههه بالعكس أصلا من حلاوتك ماعرفتك
بشاير : أيه اسخر بعد اسخر
محمد ضربها على كتفها بمزح : بشايرووه عاد لا تصيري سخيفه
بشاير بدت دموعها تنزل : لا اصير سخيفه أني أصلا سخيفه من زمان
محمد تقرب لها وحضنها :بشاير لا تصيري حساسه بزياده انتي تجنني
هبة : والله يجنن المكياج وانتي أصلا محلوتنه
محمد :يالله بشوره لا تقلبي الليلة علينا وهذا انا جاي أقول اليكم أني عازمكم
هبة : عاد بشايروه ماصارت
بشاير ابتسمت
محمد: وأخيرا هههههههه
بشاير : في ذمتك يعني حلو ؟
محمد بابتسامه : هو كان حلو بس الحين خربتيه من دموعك
بشاير شافت نفسها في المرايا وخافت
هبة :شفتي شنو صار هههههههه ه
محمد :يالله بنات اجهزوا بطلعكم طلعه ماتنسوها
هبة : الحمدلله نازله عليك الرحمه والرأفه
محمد: مالت عليك أصلا انتي ماتستاهلي
هبة باسته ع خده : فديتك يا احلى اخو
بشاير :وقت المصالح تجيك
محمد :مايحتاج تكملي اكيد وصلت هههههه
هبة: بسوي نفسي ماسمعت وبروح اغير ملابسي
محمد وبشاير :هههههههههه
"نتعرف على العائلة "
أبو محمد"ضاحي" :شخصيته قويه وكلامه لازم يمشي عصبي شوي بس في نفس الوقت طيب
ام محمد "نادية" : حبوبة مايهمها الناس أهم شي عندها بيتها وعيالها
محمد: 24 سنة يدرس صيدله ملامحه تجنن وفيه غمازه في خده ..مرح والكل يحبه بس اللي في راسه يسويه مهما يكون الثمن يعني بمعنى أًصح عنيد طالع على ابوه .
بشاير: 20 سنة تدرس تمريض ملامحها جميله وطفوليه ...حساسه مره ماتتحمل أي كلمه .
هبة : 18 سنة دلوعة العيله ...ومحبوبة الجميع .
......................................
(البيت يضج بصوت الدي جيه وفالتنها رقص ومستغله عدم وجود أهلها ومستانسه حدها )
..... وهي تهز : ايووه ..عاشو هههههههه
(دخل اخوها وعاشو الجو مع بعض الى ان خلصت الاغنيه )
ريم رمت بنفسها ع الكنبه:ويلــي تكسرت
سلمان: ههههه من متى وانتي ترقصي
ريم :ههههه افا عليك من يوم ماطلعو وأني مستغله الوضع "وغمزت له " سلمانووه من متى وانت تعرف تهز
سلمان:هههههه مايعلمو ...بس ويش رايك فيه
ريم:عجيب هههههههه
سلمان:شكرا اخجلتي تواضعي ههههههه
"بعد فتره "
ريم: سلمانووه
سلمان:اسمي سلمان لو سمحتي
ريم راحت قعدت جنبه : حبيبي اخوي جوعانه حدي اطلب لنا عشا
سلمان:هههههه ما حلمتي أصلا انا مفلس "واصلا هو عنده بس عناد لاخته "
ريم :اووف والحل
سلمان وهو يحط رجل على رجل : والحل يا حلوة تقومي تسوي الينا شي وناكله
ريم :هههههاي تحلم
سلمان وقف : عجل انا طالع اعزم نفسي عند واحد من الاصحاب
ريم وتسوي نفسها مسكينة : واهون عليك
سلمان وهو يضحك :افا عليك تهوني ونص
ريم : مالت عليك
سلمان وهو طالع :ههههه باي
ريم أخذت ريموت التلفزيون وهي منقهره :مالت عليه لا وحاسديني عليه اووف
"ثواني بس بس الا وسلمان داخل وفي يده اكياسووراه امه وابوه "
ريم :ها اشوفك رجعت
سلمان : مسكتنا الهيئة
امه ضربته على كتفه : الحين احنا الهيئه ونِعم التربيه والله
ريم :ههههه شفت هذي حوبتي
ابوهم : أقول بلا هدره وتعالي معاي وساعدي امك في شيل الأغراض
ريم :طيب "ومرت من عند اخوها وطلعت لسانه بوجهه"
سلمان:هههه ماتهمينياصلا شوي وبطلع
"نتعرف على العائلة "
أبو حسن "عبد الرحمن " : أخو أبو محمد ...انسان هادي ...ومايعجبه أي شي
ام حسن :طيبة وعلى نياتها من النوع المزوح بس وقت الجد جد
حسن : عمره 26 سنه متزوج "سارة " والحمدلله حياتهم مستقره بس ينقصها الطفل
سلمان :22 سنه شاب طايش عايش حياته مايهمه احد بس في نفس الوقت محبوب يدرس إدارة اعمال
ريم:19 سنه مرجوجه وفيها هبال وفيها بعض الصفات من اخوها سلمان وهي دلوعة أخوتها تدرس تصميم
.................................
بعد مضي ساعتين
(تقف أمام لوحتها التي ترسمها بتفنن هذه هوايتها التي لا تستغني عنها هذه الهوايه التي تستطيع من خلالها اخراج مشاعرها وهمومها التي لا يستطيع احد معرفتها )
......بإعجاب : الله الحين صارت الألوان روعه بس لحظه يبغى اليها اللون الأسود شوي
"التفتت لعلبة الألوان وماشافت اللون الأسود "
.......:اوووف يعني خلص ...طيب والحل
"دخلت ختها رغد "
.....: اتجنن اللوحة "عقدت حواجبها" بس ليش هالبؤس في كل اللوحات
جمانة : هذي الألوان اللي تعجبني
رغد :بكفيش بس ع العموم حلووة
جمانة :يسلموو
رغد وهي تنسدح ع السرير: تصدقي هو صحيح حبيت لندن بس وحشوني الاهل وبالذات هبة وريمووه وحشوني صديقاتي تدري باقي أربعة أيام ونرجع بسرعه مضت الأيام وتدري بعد لحد الان ما شريت شي لصديقاتي ....اييه لازم من بكرة ابدا اشتري لهم ...وانتي مابتشتري شي لاحد ؟
جمانة سكوت وبهدوء تكمل اللوحة الثانية
رغد: اكلمك انا
جمانة ولا همها
رغد:اووف منك ..."وطلعت برا الغرفه والتقت بأمها "
ام جمانة :شنو فيك معصبة .؟
رغد: بنتك تنرفز وترفع الضغط بعد
ام جمانة : اتركيها في حالها ..هي هاليومين فيها شي
رغد : اييه مره هذا حالها من زمان
ام جمانة : عيب تتكلمي عن اختك كذا
رغد :طيب
ام جمانة : اذا انت يزهقانه كلمي وحده من بنات خالك او عمك
رغد وهي رايحه الغرفه: اييه والله فكره
"أخذت جوالها واتصلت لهبه بنت خالها وبعد اربع رنات رفعت هبه "
رغد: الوو
هبه :هلا والله رغووده ..شخبارك ..؟
رغد:الحمدلله ...انتوا شخباركم وحشتيني
هبه :وانتي اكثر تمام الحمدلله ...ها متى بتجوا ؟؟
رغد:بعد أربعة أيام
هبة : توصلوا بالسلامه ان شاء الله
رغد:ان شاء الله ....انتي مو في البيت ؟؟
هبه:لا طالعه مع محمد الليله رأف علينا وطلعنا
رغد: ههههه حرام عليك محمد يطلعكم
هبة :بععد اتدافع عنه
رغد:اكيد هذا ولد خالي هههههههههه ....طيب اخليك الحين سلمي على بشاير وخالي
هبة : يوصل ان شاء الله
رغد :مع السلامه
هبه : مع السلامه ...بشاير تسلم عليك رغد
بشاير : الله يسلمها ..متى بيجوا صاير اليهم وحشه
هبه : تقول بعد أربعة أيام
محمد: تدروا غيرت رايي ماراح اوديكم لا البحر ولا مجمع ماتستاهلو
بشاير: ليش شنو سوينا
محمد يسوي نفسه زعلان : انا مااوديكم مكان علشان تقولي رأف علينا
هبة :ههههههههههههههه
بشاير:ابدا مايناسبك الزعل
محمد بسخريه : ههه
بشاير: فديت اخوي
هبه :بششاير تخيلي مو موجود محمد في حياتنا اووه تصير نكد في نكد
بشاير:ايييه من اللي تالي بيطلعنا الله يخليه لنا
محمد: اييه رقعو رقعو
بشاير وهبة :هههههههههههههههههه
بشاير: الله لا يحرمنا منك
اروى: ياليت مثلك اثنين
محمد: لا تحاولو مافيه مجال
بشاير : ماشفت مثل دلعك يالعيار
