~ رواية : سجينتي ~

** البارت السابع **

قراءة ممتعة للجميع ツ

وصلنا في البارت اللي فات لما يوسف سأل كنان ازاي حينتقم من جوليا...

فنظر كنان الى يوسف ثم ابتسم بطريقه مخيفة وقال : حتجوزها.

صُدم يوسف عندما سمع ذلك وقال : ايه ؟؟ عايز تتجوزها بجد ؟؟

فنهض كنان واجاب : ايوا.. عايز اتجوزها.

يوسف : كنان انا مش فاهم انت ازاي حتنتقم منها لو اتجوزتها ؟

كنان : مهو انا حنتقم منها بالطريقة دي...يعني هخليها تتمنى الموت ومتشفهوش لما اتجوزها وهوريها ايام سوده.

فنهض يوسف بدوره واردف قائلاً : لا يا صاحبي... متخليش قلبك الطيب يقسى بالشكل دا ، انت مش كدا .

كنان : انا معنديش قلب...دا مات من سنتين ومفضلش فيه غير الحقد والكره .

ربت يوسف على كتفه وقال : فكر يا كنان.. فكر يا صاحبي قبل ما تورط نفسك في دوامة عمرك مهتعرف تطلع منها تاني.

كنان : المسألة مش عايزه تفكير لأني اتخذت قراري خلاص وحتجوز البنت دي بأي ثمن .

فتنهد يوسف وسأله : ولو قلتلك اني همنعك تعمل كدا هتعمل ايه وقتها ؟

فنظر كنان اليه بجدية واجاب بقوة : ساعتها هعتبر ان صداقتنا الطويله انتهت وانك بقيت غريب عني وبرضو مش هتمنعني اتجوزها.

يوسف : معقول انت تقول كدا ؟؟ مكنش العشم يا كنان.

كنان : يوسف متعمليش فيها الصديق الطيب اللي خايف عليا دلوقتي.. يا اما توقف جنبي علشان اخد بتار سمر يا اما تسيبني اعمل اللي انا عايز اعمله من غير متفتحش بوقك بحرف واحد.

يوسف : ماشي يا كنان... حقف جنبك لأننا صحاب ودا واجبي بس عايزك تعرف ان اللي انت عايز تعملو دا غلط وحيجي يوم تندم عليه اوي .

كنان : متشكر على النصيحة بس انا عارف مصلحتي كويس.

يوسف : براحتك يا صاحبي... انا حكون جنبك على طول ويا رب ترجع لعقلك وتتنازل عن القرار الغلط اللي انت اتخذته دا ، سلام دلوقتي.

قال ذلك ثم غادر ، اما كنان فنظر الى نفسه في المرآة المكسورة وقال : انا مش ممكن اتنازل عن يللي هعملوا قبل ما اخلي فتحي الحقير والواطي اللي اسمو عزيز دا يدفعوا التمن غالي...اما انتي يا جوليا فحسابك حيكون من نوع تاني خالص انا بوعدك .

قال ذلك ثم خرج من غرفته ونزل الى الطابق السفلي وهو ينادي : سوسن....سوسن انتي فين ؟