Pagdududa (one shot)

Pagdududa OS

"Mahal na mahal kita Chesca. You know that I'm not good at long sweet messages but will you marry me baby?"
---

Umupo ako sa may kama bago nag-inat. Alas cingco pa lang kaso kailangan ko nang bumangon para makapaghanda na para sa trabaho mamaya.

Lumingon ako sa may kanan kaso bakante kaya napakunot ang noo ko. Ang aga niya atang nagising ngayon? Akma na sana akong aalis nang sakto namang pagbukas ng pinto.

"Good morning baby"

I looked at him with a confused look pero napalitan ng pagpigil ng kilig habang papalapit siya sa'kin. Paano ba naman e bihira niya lang gagawin yan sa'kin; kapag natamaan lang ata ng kung ano sa kaluluwa niya.

Pagkalapag niya ng tray na may breakfast na pangdalawahan at kape, binigyan niya ako ng halik sa noo. Ramdam ko na rin ang pamumula ng pisngi ko sa pinaggagawa niya. I know it's just a simple gestures but for me it's not. Bihira lang siya maging ganito kaya ganito na lang ang epekto niya sa'kin.

"Ano namang kaluluwa ang sumanib sa'yo ngayon aber?" Natatawa kong sabi sa kanya at pinisil ang chubby cheeks niya. Sumimangot naman siya sabay irap sa'kin. Hinawakan din niya ang pisngi niyang namumula na dahil sa panggigil ko.

"Tsk. Just eat, lumalamig na ang pagkain. Dami mo pang dada." Masungit niyang sabi habang inaayos yung adjustable table sa tabi ng bed at inumpisahan ng kumain. Bwusit na lalakeng 'to, daig pa akong babae kapag may regla e.

Magkaharap kami ngayon; siya, nag-umpisa nang kumain kaso ako nakatingin lang sa kanya hanggang sa mapatulala ng hindi ko namamalayan. Dun niya napansin na hindi ko pa ginagalaw yung pagkain ko.

Tinignan niya ako saglit at walang imik niyang kinuha yung kutsara kaya nagtataka ako. Hindi ko alam yung gagawin niya pero natauhan lang ako nung nakaharap na sakin yung kutsara na may kanin at ulam.

"Kain na. Ayaw mo ba?" Hindi ko alam kung ano ang isasagot o gagawin ko. Hindi lang magsink in e. Hindi ako sanay na ganito siya.

Ano ang meron ngayong araw na'to? May nakalimutan ba akong araw na espesyal?

"Ah...ehm ako na. Siguro half asleep lang ako kanina." Pigil hininga at medyo awkward kong sabi sa kanya. Hindi nakatakas sa akin yung pagngiti niya kaya napangiti na rin ako sa kanya. Kinuha ko na yung kutsara at hinalikan naman siya sa may pisngi.

"Thanks po" Tumango naman siya at ipinagpatuloy na ang kumain.

Nabalot naman ng katahimikan ang kwarto pwera lang yung pag-ingay ng plato at mga kutsara't tinidor na gamit namin. Malimit lang kasi siyang magsalita kaya wala ng pagtataka ang malimit din niyang pagpapakilig o pagiging sweet. Minsan nga naisipan kong pakainin siya ng sandamakmak na asukal para naman langgamin.

Teka, kung ganun ano naman kaya ang mangyayari? Paano kaya siya maging super sweet? Hmm...hihi baka naman--

"Anong tinatawa mo dyan?" Nakakunot noo niyang tanong sa'kin kaya napaangat ako ng tingin sa kanya. Ngumiti lang ako at umiling.

Kung hindi ka ba naman isa't kalahating baliw, Chesca. Sus.

Tapos na siyang kumain kaya nag-aantay siya habang inuubos na lang niya yung kape niya.

Hindi ko maiwasan na isipin ang ilang memories naming dalawa noong magbf-gf pa kami. Kagaya lang din naman ng normal na relasyon ang takbo ng sa amin. Syempre, hindi maiiwasan ang tampuhan at selosan na magiging rason ng away. Mag-aantay kung sino ang unang susuko para humingi kaagad ng tawad para magkabati at magkaayos bago matulog. May asaran at kulitan din na halos mapapahiga na lang at mahingal sa sobrang pagod.

Hindi ko nga maisip na hahantong kami sa panahon ngayon kung saan ay malapit na kaming ikasal. Sobrang saya ko nga ng magpropose siya sa akin. It was one of my special and blessed day for me- for the both of us.