Ako Nalang ( One Shot Story )

Ako Nalang

"Siguro'y umiibig, kahit di mo pinapansin, magtitiis nalang ako magbabakasakaling ika'y mapatingin...."

Tahimik lang akong nakikinig kay Olivia Salvador habang kumakanta siya at gumigitara. Ang ganda-ganda talaga niya. Bakit kaya Siguro ang pinili niyang kanta? Siguro dahil madali lang. Siguro baka dahil rin dinidedicate niya para sa crush niya. At kung meron man, sino kaya?

Sana ako nalang

Pagkatapos ng kanta ay nagpalakpakan kami lahat. Sana hindi nila mapansin na gusto ko si Olivia, nahihiya kasi ako na baka tuksuhin kami ng mga kaibigan ko gaya ng ginawa nila sa amin ni Aries. Seatmate ko si Aries at nagkagusto ako sa kaniya, pero hindi niya ako gusto. Hindi ko alam kung alam na ba niya na nagustuhan ko siya o sa tingin niya ay trip lang iyon ng mga kaibigan namin. Ang alam ko lang ay hindi na siya ang napupusuan ko kung hindi ang babaeng nasa harapan ko na naglakad patungo sa upuan niya habang may bitbit na gitara.

"Ang susunod na magtatanghal ay ang lakambini at lakandula na nagmula Grade 9 Perseverance." Sabi ng guro namin. Tumayo na kami ng kasama kong si Marie at ang kabarkada kong si Allen na kasama kong magigitara. Habang hawak-hawak ko ang gitara ko ay pumunta ako sa harapan at umupo. Pumagitna si Marie sa aming dalawa ni Allen. Pinatugtog namin ang gitara.

"Naghahanap ka ng maaya
Pagkat sadyang walang magawa
Nagsasayang ng bawat oras sa wala (hala)...."

Natapos na ang kanta at medyo dismayado ako sa resulta. Hindi kasi narinig ng maayos ang pagtugtog ni Allen, at si Marie naman ay palaging nakatingin sa'kin. Wala ring emosyon ang pagkanta niya. Sigurado na talo kami sa event na ito. Pagkatapos ng event ay bumalik na kami sa mga classroom namin. Umupo ako sa likuran kahit hindi naman ito ang totoong pwesto ko.

Tiningnan ko ang gitara ko, at naalala ko si Olivia. Pinatugtog ko ang gitara ko. Mas lalo akong nagp-practice para maipakita ko kay Olivia na marunong akong magitara at pareho kami ng hilig. Nagbabakasakali rin na mapansin niya ako dahil dito

Ano kaya ang ugali niya? Mabait kaya siya? Gustung-gusto ko siya kasi ang galing niyang magitara, kumanta at tsaka maganda pa. Maputi siya at may magagandang mata. Eh ako, gwapo rin ba sa paningin niya? Ano kaya ang tingin niya sa'kin? Magugustuhan din ba niya ako?

May pag-asa ba na maging kami?

Lumawak ang ngiti ko.

Sana...

"Mark, ba't hindi ka kumanta kanina?" Tanong sa'kin ni Ice, classmate ko na bestfriend si Aries. Babae siya kaya huwag kayong magpadala sa pangalan niya.

"Wala kasing available na mic." Sagot ko habang hindi pa rin tinigil ang pagigitara.

"Aaahh." Sabi niya habang tumango-tango. Kumuha siya ng upuan at umupo sa harapan ko.

"Alam mo iyong 'Stuck' ni Darren Espanto?" tanong niya. Hindi ako tumango at sinimulang tugtugin ang kanta. Tiningnan ko siya. Nakatali ang buhok niya at ngumingiti siya habang nakatingin sa mga chords na pinapatugtog ko.

''I was too dumb to notice
That there's something about you
What am I supposed to do?
I sure wish I knew''

Nagsimula siyang kumanta. Tamang-tama lang ang voice quality niya, sweet pero malamig.

"All the butterflies I felt inside never really mattered
Wishful thoughts and sudden smiles end up being shattered
What are we supposed to be
I'm hopelessly addicted to you
But you never felt the same

Time may pass us by
But you'll stay stuck on my mind
And that moment we stared that night
I thought it was right
But maybe I was wrong all along"