Take A Chance (COMPLETE)

Chapter 5

"That's enough sweetheart baka kong saan pa tayo humantong pag hindi ako nakapag pigil." Hinaplos nito ang kanyang mukha. At mabilis na lumabas sa sasakyan para pagbuksan siya. At nang maisara kinuha naman nito si Dave at pinangko.

"Lets go Sweetheart" anito sa kanya para naman siyang namatanda. Sa ilang minuto ang nakalipas may endearment na agad ito sa kanya. Napaka pabling naman nito, obviously ito ang tipo ng mga hinahabol ng mga babae.

Mabilis niyang binuksan ang kanilang munting gate habang sumusunod naman sa kanya si Bernard. Pakiramdam niya nawalan siya nang dila nang mga sandaling iyon. Maliwanag ang kanilang Living room nanood pa rin si Manang Nelda ng programa sa T.V. Batid niyang hinihintay sila nito. Hindi pa siya nakakapagkatok bumukas na kaagad ang pinto.

"Aay....ginabi kayo...ay kasama ninyo si Mayor....Magandang gabi Mayor." Baling nito sa kasama niya. Nagulat man sa narinig niya, hindi na niya ito nilingon.

"Paki na lang d'yan sa sofa." Nang balingan niya ito.

"Gandang gabi din sayo...." Sagot nito. "Nope.... where his room doon ko na lang siya ilalagay, at tuloy-tuloy na ang tulog niya." Sabi nito.

"Okay lets go, sumunod ka na lang... nasa taas." May dalawang silid sa taas ang inuupahan niya, tamang-tama lang tag-iisa sila nang silid na inuukupa. Sa ibaba naman ang silid ni Manang Nilda. Sinanay na niya si Dave mula nang sumapit ito nang four years old, hiniwalay na niya ito sa kanya.

Nang mailagay nito sa kama ang kanyang anak. Mabilis niyang binuksan ang aircon para maging maayos na ang pakiramdam nito.

"Lets go...si Manang Nelda na lang ang bahala dyan." Yaya niya rito.

"Okay...but before we go..." Mabilis siya nitong hinila papalapit at masuyong hinalikan muli sa kanyang mga labi. Saglit lang iyon pero pakiramdam niya she fell like a jelly ace na nanlalambot. Sabay hawak nito sa kanyang kamay at hinila na siya palabas.

"Paano hindi na ako mag tatagal." muling basag nito sa pananahimik niya habang pababa sila.

"O-okay salamat ha.. n-naabala ka tuloy.." Hindi niya alam kung saan nangaling ang boses niya.

"Manang ikaw na muna bahala kay Dave paki bihisan lang ihahaitid ko lang si B-Bernard sa labas." Baling niya kay Manang Nilda.

"Sige aakyat na ko, Ingat po kayo Mayor." Baling nito sa lalaki.

"Okay po, Salamat po." Nakangiti namang sagot nito. Habang papalabas na sila nang pinto

"Hey! Papano dito na lang ako." Inabot nito ang kanyang kamay at bahagyang pinisil. "I'm going pag hindi pa ako umalis baka hindi ko na kayang pigilin ang sarili ko." Tumango siya.

"Sige thank you again...Ingat ka.... H-uh... ikaw pa pala ang Mayor." Sabi niya dito.

"So it's a big deal." Kunot nong sabi nito.

"No...No hindi naman....nagtataka lang ako kanina pa tayo magkasama hindi rin nabangit nila Ate."

"Ah ganon talaga pag kasama ko sila, walang Mayor-mayor sa amin. Paano hindi na ko magtatagal, pahinga ka na din." Anito at mabilis siyang ginawaran ng halik sa mga labi.

"Night Sweetheart.." bulong nito sa kanya. Ilang saglit pa sakay na ito nang kanyang sasakyan at mabilis na lumisan. Para naman siyang namatanda nang mga sandaling iyon.

God what's happening to me? Bakit siya pumapayag na mahalikan nang lalaking iyon na mahigit tatlong oras pa lang niya ito nakilala at nakasama. Oh my god.... And the endearment that he use for her. ...Crazy... but she likes it.

Napabuntunghinga siya, at bakit tuwing hahalikan siya nito ay nawawala siya sa kanyang sarili. She must be crazy.... Agad niyang isinara ang munti nilang gate nang hindi na niya natanaw ang sasakyan nito at mabilis siyang pumasok sa loob. Pababa na nang hagdan si Manang Nelda.

"A-ah okay na po ba si Dave manang?" Tanong niya dito.

"Ah oo nabihisan ko 'nga hindi man lang nagising ang batang iyon, mukhang napagod ng husto." Sabi nito.

"Hindi ko na po iyan naabutan gising mukhang nag-enjoy talaga siya sa buong maghapon niya kina Ate."

"Hay nagtaka ka d'yan sa anak mo eh, hindi matatawaran ang enerhiya niyan, para bang walang kapaguran."

"Oo nga po, sige po maiwan ko na kayo dito, ibig ko na rin pong magpahinga." Paalam niya.

"Sige Eneng mauna ka na susunod na rin ako, abay tatapusin ko lang itong inaantabayan kong telenovela." Naghihikab na ring sabi nito.

PABILING- biling siya sa kanyang higaan may isang oras na siyang nakahiga, ngunit ni kisap ng kanyang mata ay hindi pa niya nagagawa. Hindi rin siya makapag concentrate kong haharap siya sa kanyang computer para mag trabaho. Dahil halos sakupin na ni Bernard ang kanyang buong imahinasyon ng mga sandaling iyon. Sa apat na taon niyang hiwalay, ngayon lang siya nakaramdam ng ganon.

Ni minsan hindi nakuha ng isang lalaki ang kanyang atensyon, pero sa isang ito mula noong nagtagpo ang kanilang paningin sa loob ng Florencia hindi na naalis sa kanyang isip ang binata.

At sa sandaling nagtagpo sila kanina sa bahay ng pinsan niya, may kakaibang spark siyang nararamdaman at ganon rin ang binata. Sinalat niya ang kanyang labi, parang nandon pa rin ang mga labi nito, medyo nangapal nga ang mga iyon. Ganap na alas tres ng madaling araw bago siya hinila ng antok.

Alas sais pa lang ng umaga ng magising siya, halos tatlong oras lang ang itinulog niya. Nais pa sana niyang matulog ngunit hindi na niya mapilit ipikit muli ang kanyang mata, minabuti niyang bumangon, naghilamos at nag toothbrush siya. Dahil nakapaghanda na si Manang Nelda ng almusal minabuti niyang magdilig muna ng kanyang halaman.

Kahit medyo maliit ang space ng kanyang apartment minabuti niyang magtanim kahit papano ng mga halaman, inilagay niya ang mga ito sa isang paso, sa mahigit dalawang buwan pa lang nila rito, naging maganda at malusog na agad ang mga ito, pasaan ba't hindi rin tatagal mamumulaklak rin ang mga iyon.

Nakagawian na niya ang mag-alaga ng halaman, ito ang nagbibigay sa kanya ng therapy, nagiging panatag ang isip niya, pag masyado siyang naka focus sa kanyang computer. Dito siya nakaka pag relax.

Buong mag hapon silang nagbonding mag-ina, ipinagluto niya ito ng pasta, naglaro sila ng online game sa kanyang computer, nag-nap silang mag ina na magkatabi at magkayakap, kahit hindi sila lumabas ng araw na iyon, nag enjoy naman ng husto ang anak niya sa buong mag hapon.

Nangungulit lang naman ng husto ito sa kanya kaya, Pinangakuan niya itong ibibili ng PSP sa darating na mga araw basta, ipinangako nitong mag aaral ng mabuti. Halos hindi nila namalayan gabi na pala, kahit nasa bahay lang sila maghapon, nag-enjoy naman ito, pagkatapos nilang maghaponan ilang saglit pa naghihikab na ito sa tabi niya, nasa silid niya ito, naglalaro uli ng online game. Ilang saglit pa nagpaalam na itong matutulog na, na agad naman niyang hinatid sa sarili nitong silid.