"Ok lang. Wala pa jud diay sila nakalimot sa kagahapon. Wala pa jud diay ko nila napasaylo." naingon nalang ni Vlad na nagngisi.
flashback. .
"Vladimir Flores. Hatagan ka nako ug second chance maong buhata intawn ni para maka graduate ka dong." naingon nalang sa ilahang adviser kay duha duhang maka graduate si Vlad sa high school kay tungod lagi sa naadik ni ug dinuwa ug Dota. Ug si Lenvy pud ang namugos sa ilahang adviser na hatagan ug second chance si Vlad para dili ni kasuk an sa iyahang mga ginikanan na toa sa america nagtrabaho.
"Daghang salamat ma'am. Akoa na jud ning buhaton para maka graduate ko." tubag pud ni Vlad sa iyahang adviser ug iyahang giingnan si Lenvy sa maayong balita ingani. Perting lipaya ni Lenvy sa gibalita ingani pero wala kahibaw si Vlad na si Lenvy jud ang nangita ug paagi para maka graduate lang jud si Vlad. Sukad ato kay kanunay na silang mag uban ni Vlad ug ni Lenvy kay tabangan man siya sa project ingani.
Pero usa kagabii ingani kay niduaw si Lenvy kang Vlad kung gihimo na ba niini ang project kay hapit na ang deadline ingani.
"Hoy! Hununga kuno ng imohang dota diha ug trabaho a na ning imohang project diri." badlong ni Lenvy katong nabantayan niya na nagduwa na pud ni sa laptop si Vlad ug Dota. Wala siya paminawa ni Vlad pero gipasagdan ni niyang magduwa.
"Wala pa gihapon na mahuman?" pangutana ug usab ni Lenvy pagkahuman sa duha ka oras pero wala gihapon siya pansina ingani.
"Unsa man Vlad? Gusto kang mo graduate ug high school o gusto kang mo graduate inganang Dota?" tungod sa kalagot ni Lenvy kay iyahang gikuha ang laptop ni Vlad ug gibalibag ug kusog sa sawg. Nabuak ag iyahang laptop ug naay ubang parte ingani nga nanggilagpot tungod sa kakusog sa iyahang paglabog ingani sa sawg ug iyaha ng gibiyaan si Vlad na nakurat sa gibuhat ni Lenvy ug sa naguba na niyang laptop na dili na ma itsura. Naglakaw na siya pauli sa balay ingani bisan pa ug gabii na ug layu layo pa ang ilahang balay. Samtang galakaw si Lenvy kay naghilak pud ni tungod sa kalagot niya kang Vlad na wala gahuna huna na hapit na ang deadline sa iyahang project ug nag sige ra hinoon ug duwa sa laptop ingani.
"Hi miss!" tawag sa usa ka laki na iyahang nalabyan. Naa pud ni kauban pang duha ka laki na pulos nanigarilyo.
Wala na siya nilingi ug nagpaspas na ug lakaw. Iyahang gitrapuhan ag iyahang mga luha ug ready ng modagan kay gikulbaan siya sa tulo na laki na nagsunod na niya.
"Gaaway mo sa imohang uyab miss? Ako nalang ang uyaba kay may pagka bolok bolok pud ng imohang uyab dah." singgit sa laki niya.
Gipaspasan pa ni Lenvy ag iyahang mga lakang ug tungod sa iyahang kakulba kay nakadagan na siya ug kinapaspasan. Nagdagan lang siya na walay lingi lingi pero tungod sa nagkurog kurog na iyahang mga tuhod kay nadagma pud siya sa dakong bato na nagpataliwa sa dan kay wala pud siya nakabantay. Pero wala siya nakabantay na naa nalang nipakalit ug gunit niya ug gipabarog siya.
"Ok ra ka? Mura man ka ug gigukod."
"Pwede ba. Pasagda e nako." singka niya ingani ug naglakaw na nga nagtakiang.
"Sorry na ganina. Sayop nako maong ayaw na kasuko Lenvy." pangayo niya ug pasaylo samtang nagsunod siya ingani.
"Nganung nisunod man ka? Ay oh diay kay akoa man diay giguba ang imohang kalipay. Maayo diay akoa natong gibuhat pa sauna para dili naka mahingag inganang imohang major subject na DOTA."
"Uy! Nag LQ sila." sulpot pud sa tulo na nagsunod ganina kang Lenvy.
"Pwede ba bai. Panguli na lang mo sa inyoha ug ayaw mo pag apil apil sa amoang problema." singhag ni Vlad sa tulo na mga laki na sige gihapon ug pabuhot sa ilahang mga sigarilyo.
"Uy! Isoga gud nimu." tubag pud sa usa ka laki na gitumban tumban ang naupos na niyang sigarilyo.
"Vlad! Ayaw na sila pansina." pugong pud ni Lenvy kang Vlad na gikumo na ang kamot ingani ug nagpugong sa kalagot.
"Ako pa nimu bai. Kinahanglang imoha ning higugmaon imohang uyab. Imohang haplos hapluson. .Ahh!" reklamo ingani sa nagsumbag niya samtang gagunit sa baba na nagdugo nga maoy naigo sa sumbag ni Vlad. Wala naman gud kapugong si Vlad kay gi haplos haplos sa usa ka laki ang dagway ni Lenvy mao tong iyaha ning nasumbag.
"Away jud imohang gusto ha." istorya atong usa pud ka laki ug gitabangan na nila si Vlad ug sumbog. Wala na nakasagang pa si Vlad kay unsa ba lagi pud iyahang mabuhat na tulo iyahang kontra. Maayo unta ug si superman pa siya o di kaha si san goku para mo super saiyan siya dayon pero ordinaryong tawo raman pud siya ug dili kaayo kamao makipag away o makigsinumbagay maong gidawat nalang niya tanan ang mga sumbag ug patid gikan sa duha ka laki.
"Sakto na ui." badlong atong usa nila ka kauban na igo ra nitan aw sa gibuhat sa iyahang duha ka kauban.
"Sakto na!" singgit ni Lenvy katong iyahang nakit an na perti ng bun oga ni Vlad. Nakakita siya ug dakong kahoy ug iyahang gibunal bunalan ang tulo ka mga laki. Tungod sa kalagot sa usa kalaki na naigo sa kahoy sa iyahang dagway kay nipakalit lang ni ug kuot sa gitapigan ingani na kutsilyo.
"Ayaw! Ako na lang ang bun oga ninyo. Ayaw ninyo siya idamay." pakilooy ni Vlad bisan ug naghigda na sa yuta ug gadugo na ang iyahang dagway kay nakabantay siya sa kutsilyo na gipagawas sa usa ka laki. Wala siya paminawa ug gibun og lang siya ingani ug sumbag.
"Hoy! Nganong imoha man ng gihulbot. Dili daw nato hilabtan ag baje ui." badlong sa usa ka laki sa iyahang kauban.
"Hoy Vlad! Mata diha." dool ni Lenvy kang Vlad na nawad an na ug kusog ug gipiyong na ang mga mata ingani.
"Kamo ang dapat mamatay!" singgit ni Lenvy samtang gihinaykan ug bonal ang laki na nagbitbit ug kutsilyo. Tungod sa kapungot sa laki kay iyaha ng gihan an si Lenvy sa kutsilyo.
"Dagan na." hinay na tingog ni Vlad maong nidool ug kalit si Lenvy niya.
"Vlad! Ayaw ug piyong piyong diha." hilak na ni Lenvy na wala nakasabot kung nganong niabot sila inganing sitwasyona. Iyahang gipahigda si Vlad sa iyahang paa ug iyaha ning gigakos.
"Ayaw bai!" badlong sa usa ka laki sa kauban ingani na ready ng dunggabon si Lenvy. Apan wala siya paminawa ingani.
"Ka sweet sa ilahang relasyon." naingon na lang sa laki ug dunggabon na si Lenvy.
"Lenvy!" sagang ni Vlad sa iyahang lawas didtong Lenvy ug siya mismo ang nadunggaban sa likod ingani.
"Vlad. Hoy Vlad! Tabang!" singgit na ni Lenvy na wala na nakasabot sa iyahang gibati ug buhaton.
"Dia pa!" singgit atong nagdunggab ni Vlad kay dunggabon na pud ni niya si Lenvy.
"Sakto na!" pugong ingatong usa ka laki ug giilog ag kutsilyo ingani pero imbis na mailog na ni niya kay gibali siya ug dunggab ingani.
"Ahhh! Demonyo ka!" singgit ni Lenvy ingatong nidagan na ang duha ka laki ug gibiyaan lang ang ilahang kauban ingani na nadunggaban sa may braso ug nakuyapan ni pagkakita ug dugo samtang si Vlad kay wala nay kusog ug nakapiyong na ang mga mata.
sumpayan pa. .
-------------------------------------------------------------------------------------------------------------------
Salamat sa pagbasa higala!
Kapitulo Sais
Start from the beginning
