المستحيل // حسين السيد

{9}

البارت ده قريب لقلبي عشان هو حتة من معاناة جدتي مع نفس مرض بابا ريتا. ادعولها بالشفاء 👼🏼❤️❤️
*حسين*
"يلا يا حسين نمشي احنا بقي عشان الوقت اتأخر."
"اه يلا بينا احنا كمان يا سارة عشان نلحق نراوح."
"ليييه متخليكم شوية." روان قالة
"مش حينفع اصل عندنا تمرين و لسة عقبال ما نراوح كمان، احنا بيتنا بعيد عنكم بكتير." وردة رد عليها.
"قشطة اوكي"
لقيت سارة و ريتا كانوا ماشين رايحين العربية روحت ناديت علي ريتا.
"نعم" لفيت و ضحكتلي، يخربيت ضحكتك.
"حشوفك بكرة في التمرين؟"
"اه اكيد."
"طيب. تصبحي علي خير"
"و انت من اهله." و ضحكتلي و راحت علي عربيتها.
-

*ريتا*
"نضفنا ا ريتا و بقي يجلنا ورد و شوكولاتة"
"خمسة و خميسة يختي متحسدينيش. انا مصدقت اتصلحنا."
"معجبة به خلاص ها؟"
"اه"
"و هو كمان شكلوا معجب"
"بجد!"
"مش عارفة مش عاوزة اعشمك يعني بس ده احساسي."
"يارب احساسك يطلع بجد" قولت في سري.
-
صحيت الصبح و عملت فطار ليا انا و سارة و بابا. فطرنا و نزلنا روحنا عل نادي.
روحنا انا و سارة قعدنا علي الدكة بنتفرج عليهم، روان مجتش انهاردة للاسف.
كنت بتكلم مع سارة فجأة لقيت حسين جاه و سلم عليا و كان فرحان.
"ريتااااا عاملة ايه؟؟!"
"تمام الحمد الله ايه يبني منشكح علي الصبح كده ليه؟"
"عشان شوفتك."
ضحكتلة بكسوف و بصيت في الارض.
"انت مش المفروض تكون بتتمرن ايه الي جابك؟"
و ضربته بهزار.
"انا غلطان يعني اني جيت اسلم عليكي يا كلبة."
"طب روح بدل ما ابويا ينفوخك."
"ماشي" و ضحكلي.
-
بابا كان واقف عادي بيكلم الفريق فجأة مسك جمبه اليمين و اقعد يصرخ.
جريت عليه و سألته ماله
"مش قادر يا ريتا مش قادر تعبان اوي، اطلبي الاسعاف!"
"حاضر! حد يطلب الاسعاف بسراعة!!" زعقت و لقيت كابتن سيد طلب الاسعاف.
الاسعاف جات و اخدت بابا، ركبت معاه و حسين اصّر انه ميسبنيش لوحدي و جاه معايا. سارة كانت حتيجي ورانا بالعربية.
الممرض الي في الاسعاف ادله حقنة خليتة يفقد الوعي، مسكت ايد بابا و حضنتها و اعدت اعيط.
"انا خايفة عليه اوي. لو حصله حاجة انا حاروح فيها. انا مليش غيره يا حسين."
"متخافيش يا ريتا، حيقوم و حيبقي كويس متقلقيش انا و سارة معاكي."
فضلت ماسكة ايد بابا و قعدت ابص علي جسمه.
رجله كانت زرقاء و ورمة و بطنة كانت منفوخة جامد يارب استر.
-
وصلنا المستشفي و دخلوا بابا اوضة و دكتور راح كشف عليه و ركبله محلول مضاد حيوي و محلول البومين (حاجة الكبد بيفرزها و لما بيحصل تليف في الكبد، الكبد ما بيفرزهاش فا بيضطر الانسان ياخودها  عن طريق المحلول، شغل دكاترة بقي و كده 😂👊🏻)
-
الدكتور طلع و جريت انا و حسين و سارة عليه.
"ايه الاخبار يا دكتور؟ انا بنته"
"بصي، باباكي حالته بتسوء، و للاسف تليف الكبد ملوش علاج. و كمان بيسبب سرطان، بس انا انصحك انك متقوليش له انه جاله سرطان. بالنسبة لنفخة البطن، حتروح لو عملنا "بذل" مرة كل اسبوع عشان النفخة ديه بسبب تراكم المياه بدل ما بتنزل عن طريق البول بتتراكم في بطنه. بس الحمد الله في ناس زيه خفت بسبب المواذبة علي المضادات الحيويية منها الي احنا حطينهاله، يعني لسه في امل." (دكتورة يا ناس والله 😂😂)
"طيب الحمد الله!!"
"بس للاسف هو دلوقتي محتاج حد ينقله دم عشان الحديد الي في جسمه بيقل بسبب التليف الموجود. باباكي فصيلة دمه O+، هل فصيلة دمك كده ولا..؟"
"لا.....اعمل ايه انا دلوقتي!!"
"انا فصيلتي O+"
بصيت جمبي لقيتوه حسين.
"لا حسين مينفعش انت  لاعب كرة و كده ممكن تضعف، و نبي بلاش"
"لا زي ما الكابتن غالي عليكي هو كمان غالي عليا و انا لازم اساعده سيبيني اساعده."
"بس-"
"مفيش بس يا ريتا انا حساعده خِلص الكلام."
"طب اتفضل معايا يا استاذ حسين."
الدكتور قال له و اخده معا اوضة عجيبة كده.
-
"سارة انا خايفة علي بابا اوي."
"انشاء الله خير يا ريتا، انشاء الله خير."
-
-

Vote + Comment = New Part.
رأيكم يهمني