المستحيل // حسين السيد

{4}

"طب يلا نراوح عشان الوقت اتأخر"
"ماشي استني هروح اسلم علي بابا."
"ماشي انا هروح العربية."

روحت النفق الي بيطلعوا منه و كنت ماشية في امان الله فجأة لقيت حسين خبط فيا و نار نزلت علي نفوخي، اعدت اصرخ و من كتر الصريخ اغمي عليا.

*حسين*
كنت ماشي و مروح و كان في ايدي قهوة، كان نفسي فيها بصراحة، خبط من غير قصدي في ريتا و قهوتي وقعت علي وشها. اعدت تصرخ و اغمي عليها.

نزلت جمبها عل ارض و اعدت اهز فيها "ريتا!!"
"انتي سمعاني؟؟ يا ريتا!!"
لقيت سعد جاي جري ورايا.

" حسين انت اتجننت؟ هو انا مش اتنيلت قولت متلمسهاش؟!"
"والله ما عملت حاجة انا خبط فيها من غير قصدي و القهوة وقعت عليها."
"طب انا حتصل بالاسعاف."
"ماشي بسراعة و نبي"
مع انها عذبتني في التمرين و مكنتش تايقها بس انا قلقان عليها اوي و مش عارف ليه.
-
الاسعاف وصلت و ممرضة نزلت تبص عليها، عقبال ما الاسعاف وصلت كان الفريق كله ملموم حولينا.
"ايه الي حصل؟" رمضان سأل مخضوض.

"انا..و-وقعت.."
"متخلص يا حسين. نيلت ايه؟" عمرو زعق.

"القهوة بتاعتي وقعت عليها بس من غير قصدي والله"
الممرضة جات و قالت ات ريتا لازم تروح المستشفي.

في ناس جات و شالت ريتا، جلدها الي وقع عليه القهوة كان احمر احمرار غير طبيعي، صعبت عليا اوي.

روحت سألت الممرضة لو ينفع اركب معاها الاسعاف و وفقت.
"فين عيلتها؟" الممرضة سألتني.

"باباها في الستاد لسه و مامتها معرفش اي حاجة عنها"
سمعت صوت تليفون بيرن لقيتوه تليفون ريتا. سارة كانت بتتصل، كنت خايف ارود عليها بس دي صحبتها بردو.
"الو"
"الو مين معايا؟"
"انا حسين"

"ايو يا حسين هي ريتا معاك؟ اصلي انا حاموت و اروح و هي بقالها تلت ساعة بتسلم علي ابوها."
"اه--اصل.."

"اصل ايه؟ ايه الي حصل يا حسين؟"
"اصل انا وقعت قهوة عليها من غير قصدي و اغمي عليها و نقلنها المستشفي"

"يا نهار اسود! مستشفي ايه؟!"
"مستشفي ******"
"طب سلام انا جاية."

وصلنا المستشفي و اخدوا ريتا اوضة عجيبة كده. فضلت قاعد مستني لحد ما فجأة سمعت صوت زعيق.
"حسين!"

خفت ابص عشان عارف ان ده صوت الكابتن.
"عملت ايه يا حيوان؟"
زعق تاني و اداني بوكس محترم خالا مناخيري تنزل دم.
-
-
-
-
Vote + Comment = New Part 😍❤️