ஹாசினி

ஹாரூஷ் தயக்கத்தோடு அனைவரையும் பார்த்தான். பின் நிதானமாக தொடங்கினான்.

"நான் கதிரை தேடி வெகு நேரம் காட்டுக்குள் அலைந்தேன் அப்போது திடிரென்று ஒரு உருவம் என்னை நோக்கி வருவதை கண்டேன். திடுக்கிட்டு பயத்தில் நான் மெல்ல அடி எடுத்து வைக்க தடுமாறி ஒரு பள்ளத்தில் விழ சட்டென்று ஒரு கை என்னை பிடித்தது. திரும்பி பார்த்த போது அங்கு யாரும் இல்லை. அடுத்த நொடி கதிர் அலரும் சத்தம் கேட்டு அந்த திசையை நோக்கி ஓடினேன். அப்போது நான் அங்கு கண்ட காட்சி." என்று கூறி பயத்தில் எச்சிலை முழுங்கினான் ஹாரூஷ்.

"அப்போ என்ன நடந்தது ஹாரூஷ்" என்று சிவா கேட்டான். ஹாரூஷ் தயக்கத்தோடு அனைவரையும் பார்த்தான்.

"சொல்லு ஹாரூஷ்" என்று பூஜா கூறினாள்.

"அந்த இடத்தில் கதிர் மட்டும் பயத்தில் நின்றுக்கொண்டு இருந்தான். சட்டென்று அவன் தலையை யாரோ பிடித்து அருகில் இருந்த மரத்தில் வேகமாக தேய்ததை நான் கண்டேன். நான் வேகமாக ஓடி அவன் அருகில் சென்றேன். அவனை இழுக்க முயன்ற போது ஏதோ ஒன்று என்னை தள்ளிவிட்டது. நான் அதிர்ந்து போனேன். பின் வெகு நேரம் முயற்சிக்கு பின் கதிரை மீட்டேன்." என்று ஹாரூஷ் நடந்ததை கூறி முடித்தான். அனைவரும் என்ன சொல்வது என்று தெரியாமல் அமைதியாக இருந்தனர். அனைவருக்குள்ளும் பயம் அதிகரித்தது. இதுவரை பயப்படாத ஹாரூஷ் பயந்து இருப்பதை கண்டு அனைவரும் அதிர்ந்து உள்ளனர்.
*****
"ஹாரூஷ் நாம சீக்கிரம் ஒரு சாமியாரை அழைத்து வரலாம் டா" என்று சிவா கூறினான்.

"ஆமாம் நாளைக்கே அழைத்து வர வேண்டும்." என பூஜா கூறினாள்.

"ஏன் நாளைக்கு நான் சென்று இப்போலுதே அழைத்து வருகிறேன் " என்று ஹாரூஷ் கூறினான்.

"இப்போவ??? இந்த நேரத்திலா வேண்டாம் ஹாரூஷ்" என்று காதலுடன் ஹம்சி அவனை தடுத்தாள். ஹாரூஷ் அவள் கண்களை கண்டதும் மயங்கினான்.

"இல்லை இப்போதே செல்வதுதான் நல்லது. நாளுக்கு நாள் அந்த பேய்யின் ஆட்டம் அதிகரித்து வருகிறது. இதனால் யாருக்காவது ஆபத்து வந்தாள். அதை என்னால் தாங்க முடியாது. நான் சென்று அழைத்து வருகிறேன்." என்று கூறிவிட்டு ஹாரூஷ் தேவையான பொருளை எடுக்க அவன் அறைக்கு சென்றான். ஹம்சிக்கு அவனை அனுப்ப விருப்பம் இல்லை.