Dispareo (PUBLISHED UNDER PSICOM)

XVIII : Hell and help

"Y-you were looking for her right? And you didn't tell me." Napatingin ako kay Axel na animo'y hindi kayang tumingin sa mga mata ko.

"Ayaw naming umasa ka at higit sa lahat ayaw naming malaman ni Wacky ang ginagawa namin lalo pa't hindi na siya si Wacky." Sabi pa ni Axel dahilan para agad mapatingin sa amin si Churchill na nakaupo lamang sa isang tabi at kanina pa tahimik.

"Alam niyong may mali na sa kaibigan ko pero hindi niyo man lang sinabi?! Alam niyo bang muntik na niya kaming mapatay?!" Bakas ang matinding dismaya hindi lang sa reaksyon kundi pati narin sa boses ni Church.

"Kasi inisip naming mas ligtas kayo kung wala kayong alam!" Giit ni Raze, "Tuso ang demonyong si Astaroth at wala tayong laban sa kanya."

"B-but I don't get it..." Napailing-iling ako, "Why here? Why Faceless Dondy? What are we doing here?" Tanong ko at sa pagkakataong ito'y napatingin sa direksyon ko si Axel.

"Nagsaliksik kami, ang mga alam ni Harper at ang alam ng teacher niyo; nalaman naming ilang daang siglo na ang nakakaraan, ikinulong ang mga matataas na uri ng demonyo sa sarili nilang mga impyerno at kabilang na doon si Astaroth. Nagkapalit sila at naikulong niya sa sariling impyerno si Cielo at ang paraan lang na matagpuan siya ay sa pamamagitan ng isang daanan. Ayon sa nalaman namin, iisang bagay lang ang magsisilbing daan patungo sa lunggang kinaroroonan niya at 'yon ay ang bagay na pinakamahalaga at ginugulan niya ng atensyon sa mahabang panahon. Hinanap namin ang bagay na 'yon hanggang sa mapagtantong ang librong Faceless Dondy ang tulay patungo kay Cielo, napakahalaga ng librong 'to kay Cielo at sa loob ng mahabang panahon ay ito lang ang ginugulan niya ng atensyon lalo na nang ipinasok siya sa mental institution. Napasok tayo dito dahil nang mahawakan natin ang libro at nabahiran ng dugo, wala tayong ibang inisip kundi ang mahanap si Cielo." Napatingin si Axel sa direksyon nina Shem, Mira at Churchill, "Kami ni Dana ang nagsilbing Susi papasok sa lungga na maaring kinaroroonan ng impyerno ni Cielo. Pero may mga nagsisilbing bantay sa impyerno ni Cielo, walang iba kundi ang mga bagay na lubos niyang kinatatakutan at lahat ng mga napupunta dito."

"Kaya andito si Boris at yung mga clown? Teka ibig rin bang sabihin nito, andito rin ang pinaka-kinatatakutan ko?" Tanong ni Churchill.

"Kung hindi ako nagkakamali, Takot ang nagsisilbing bantay para 'wag makaalis si Cielo sa impyerno niya at takot rin ang pumipigil sa ating mahanap siya. At dahil nandito na tayo, pinipigilan narin tayong umalis ng sarili nating mga kinatatakutan." Paliwanag pa ni Axel.

"But what if we defeat our fears? Makakauwi ba tayo? Wait we're not dead right kasi hindi naman kayo namatay, nawala lang kayo bigla." Tanong naman ni Mira kay Axel at Raze. Sa takot ni Mira naramdaman kong napahawak siya ng mahigpit sakin.

"Hindi pa namin alam..." Nanlulumong sambit ni Raze.

"Your fears... has it appeared and tried to kill you like how Mira's and Shem's tried to kill us?" Napatanong ako kay Raze.

"Oo." Sagot ni Raze.

"And you defeated it right? But why are you still here? Does this mean we're going to be stuck here for eternity?" Tanong ni Mira at sa puntong to'y alam kong naiiyak na siya sa puntong 'to.