ـ
جلس الصباح و نط من سريره و مشاعر الإجابية تطغي عليه
فتح الستاير حقين الغرفة ع شان تدخل اشعة الشمس و صحاهم
بنشاط ..
جاد وهو يبعد البطانيات من عليهم : يلاا أصحوا يلااا..
قومهم و نزل المطبخ و شاف الطباخ يجهز الفطور و راح يساعده ..
أبو سليم : بدال م تساعدني رح أسبح و تعدّل ع الساعة 10 راح
يجون أعضاء اللجنة الباقي قاعدين يستعدون ..
جاد : يمديني أسبح و اجهز في عشر دقايق بس بساعدك ..
أبو سليم : الله يوفقك ي ولدي والله أنك طيب و تستاهل كل خير ..
جاد ابتسم و بدأ يساعده و نزلوا يفطرون بعدها دخلوا كلاس ..
جاد فتح دولابه و طلع له بنطلون رصاصي و قميص أبيض وطالع
في جزمته شافها شوي باليه بس م أعارها أنتباه رتب في شعره
و طلع وشافهم صايرين أأنق منه بس حمس نفسه أنه بيتكلم عدّل
دخلوا القاعة فيها طاولات جالسين حولها رجال كِلهم مظهرهم
أنيق غير اللي لابسين ثياب وشماغ فيه ناس لابسين بدل رسمية ..
ـ
جاد*
شي مختلف حتى وجوهم تلق كأنهم مفروكين بصابون هههههههه
يخي استغفرالله أحس كل واحد يتكلم من طرف خشمه يقال أني
من طبقة مخملية مرصعة بالذهب هههههه ..
طالع فيني أيمن وهو واحد من المرشحين مثلي للمنحة : شفيك تضحك
وجع لا تفشلنا .
م حسيت أن ضحكتي كذا عالية تحركنا حولين الطاولات نشوف طلباتهم
وشنو يحتاجون و استغفرالله م وقفت إلا على طاولة بو عدنان هذا
سنير كبير في أرامكو شاك في وضعه الاقتصادي و دايماً طالع بسالفة
و يجي الميتم يآخذ كم صورة يحسن من وضعه الاجتماعي ، وقفت
عندهم وبديت أصب لهم قهوة و شاي بس تركيزي في سوالفهم خلاني
أغفل شوي و بالغلط اختل توازني بالكوب و طيحته على ثوب واحد
منهم ..
ـ
انكب الشاي على واحد منهم و أنتفض من الحرارة و الكل قام يطالع
فيه ..
الرجال بعصبية : عمى بعيونك ..
جاد قبض على يده بقوة : آ..آسف ..
أيمن ركض له وبدا يمسح الثوب : تعال لو سمحت راح أنظفه لك
و آسفين ع اللي صار ..
المدير سحب جاد بعيد عنهم : جنيت أنت ؟ أحذرك إذا صار شي
ثاني راح تتعاقب ..
جاد وهو منزل عيونه : آسف ..
ضلوا يسولفون لين أنتصف الظهر و جاد يا يزل لسانه يا يضحك بوقت
غلط ..
آخر شي بدوا الضيوف يستلمون شهادة من الميتم و طلعوا الأطفال
يصورون معاهم و بعضهم طلع يشوف السيارات ..
وسط لعب الأطفال حولين السيارات واحد منهم كان ماسك نص معدني
و بدا يخدش بالسيارة ..
أيمن وهو يطالع فيهم وشهق و ركض وصفعه وبعده..
أيمن : جنيييت تعرف قيمة هالسياارة !!
الولد ودموعه بعينه : يألم ..
أيمن بيضربه من جديد بس جاد مسكه ..
جاد : بلا هبل أتركه يلا .
أيمن وهو يأشر ع السيارة : شف والله بنمووت اليوم ..
جاد : خلاص أبلع لسانك أنت أنا اللي سويت كذا ..
أيمن فتح عيونه بصدمة : جاد هو بينجلد و بينضرب بس خلاص
بيعذرونه بس أنت لا منحة و عقاب ماله أول من ثاني..
جاد بحدة : من قال لك أني بخليهم يضربونه ؟ مالك شغل أنا اللي سويت
كذا تفهم ؟
