Bano ... Bano
بدأنا انا وعمار نخرج سويا وكان يأتي الي يوصلني الى الجامعه فندخل معا ولاول مرة تشابك يداي بيده بعد مرور ثلاث اشهر من خطوبتنا بدأت اشعر عمار هو الامان بالنسبه الي كان يحميني من كل شيء حتى حزني كان يحميني منه كأني طفله قد اعطيت له وعليه اسعادها...
بدأت امتحاناتي الكورس الاول لم افهم عدة مواد فقد كنت كسوله بها كنتي ابكي واتصل بي ..
عمار _ هلو شهود شلونج ..
شهد _هئ هى شلوني طالعه روحي بطلت مااريد ادرس راح اكعد واسكت بالبيت ..
عمار _ هاي شنو بسرعه تريدين تزوجيني ..
شهد _ شنو انته شقد واثق من روحك .. هئ هئ (عدت للبكاء) مداافهم راح ارسب..
عمار _كافي تبجين شهود هسه جايج اشرحلج اني مبتلي بيج مخلصان من اسئلتج لا بالكليه ولابلبيت ..
شهد _ عفيه فدوة تعال اشرحلي انته عبقري اصلا ..
عمار _اي صبغي صبغي هسه جايج ..
حضر عمار لبيتي وبدأنا ندرس كنت انسى اشياء قد قالها قبل دقائق فيبدأ بالصراخ وانا ابكي ويقول لي لماتبكين كوني قويه وواجهيني قولي اني نسيتها لما تصرخ وسأعيد من جديد ..فأجيبه ولما بين بكائي تصرخ اعيدها وانت ساكت ..فينفجر ضاحكا ..
عمار _شهد ..
شهد _نعم عمار لتلهيني دااحل هاي اخر مسئله ونخلص ..
عمار _شهد اني حبيتج ..
شهد _ وقع القلم من يدي ..(ماذا اقول فأنا لم استطع ان احبك بعد اشعر بالامان معك لكن لم احبك بعد )صمت ..
عمار _شهد مااكدر اعوفك وادري بعدج لسا ماحبيتني واحنه بعد عدنه فترة تسع اشهر يعني ولادة حبج اليه خلال هاي الفترة ..
شهد _ابتسمت ..لم استطع اجابته ..خلصت حل السؤال شوفه صح ..
عمار _اي صح ..
بدأ كل يوم يأتي ليدرسني الامتحانات ولقد انتهت الامتحانات لما اكذب لقد تعلقت بعمار جدا بدأت لا ابدأ يومي الا به ولا انهي يومي الا به لكن الذي اشعر به ليس حبا هكذا اعتقد فليس كما شعوري مع زين لا اعلم اشعر بقرب عمار بالامان والطمأنينه اشعر انه موحود فيمحي كل احزاني اشعر اني به قويه فيحاول ان يقوني اكثر ياترى هل هذا نوع جديد من الحب ..
مضت ثلاث اشهر اخرى .. غدا هو زواج اخ عمار وخرجنا انا وهو لنشتري فستان لي ..
شهد _ شنو رايك بهذا الفستان عمار (كان طويل وضيق لكن من الاعلى مفتوح يظهر المفاتن ..)..
عمار _كلش حلوو حبيبتي انتي اي شيء تأخذي عليج يجنن بس هذا تحفه ..
شهد _يعني متعارض اذا مفتوح من فوك ..
عمار _ليش اعارض حبيبتي انتي صح مسؤله مني واني اغار عليج من الهواء الي تتنفسي بس مااريد احرمج من شيء اذا تشوفي ميناسب المكان الي دنروحله فأتتي حرة التصرف انتي تختارين ..
شهد _(صدمت بكلامه ظننته سوف يثور بي كما كان زين يفعل ) لعد مااريده شوف اكو فستان احلى منا عجبني شنو رايك نأخذه ..
عمار _ اوكي على راحتج يلا امشي ..
اشتريت فستان واكملت كان طويل من الاعلى مرصع بالكرستال ومن الاسفل كان من التور ويزين العنق واليدين الدانتيل الشفاف كان رائعا حقا ..
شهد _ واخيرا تعبت من الفرران ..
عمار _ انتظري هنا هسه جاي ..
شهد _ وين حتروح ..
عمار _ دقيقه واجي ..
بعد ساعه ..
شهد _ هاي الدقيقه مالتك خوماصار بيك شيء ..
عمار لا ماكوا شيء يلا امشي ..
شهد _ اوكي يلا ..
اوصلني لبيتي ..نزل من السيارة واخرج اكياس ..
شهد _ عمار ذني مو اليه اني مشتريت بس فستان ..
عمار _ لا ذني الج شلون اخليج تجين للحفله بس فستان شوفي الاشياء الي اشتريتهن ماشي واريدج احلى وحده قبل يدي ووجنتي باي حبيبتي ..
شهد _ باي ..مع السلامه رحل فقلت بيبني وبين نفسي مع السلامه حبيبي ..
عدت للداخل كانت يسر موجودة ..
يسر _ واخيرا وصلت الست شهد متعبتي من اللفرران ..
شهد _ اسكتي رجليه تكسرت مدااسيطر تعبت ..
يسر _ شوو اشوف شنو اشتريتي ..
شهد _ تعالي بغرفتي مالي خلق ماما هسه تصير لان تصير هسوه بالصاله امشي ..
يسر _ جايه اي عيني حقج مشتريه السوك كله ..
شهد _ شو انجبي ويلا شيلي الغراض ناس متجي الا بالغلط ..
يسر_ عابتلج متعرفين الذوق ..
جلسنا في غرفتي وبدات يسر تخرج اغراضي وتراها
يسر _ لج هذا شنووو ..
شهد _شنو ..
يسر _ شوفي الطقم مال الذهب الي مشتريته غير تكولين ..
شهد _ اني يمته مشتري ..
يسر _لعد ذني شنو .. ترجي طوال ومرصعه بكرستال نفس لون الفستان وسوار وكذلك خاتم ..
شهد _شو اشوف ...سواهة عمار اتوقعته يشري حذاء جنطه بس ذهب هذا صدك يحجي ..
يسر _ طبعا ناس طاكه ..
شهد _ شو اسكتي (نعم لقد حزنت احزنتني هذه المرة ياعمار فكل هذا الحب وانا لم اعطك اشارة واحده ولو بامقابل عن حبي لك .)..
يسر _ تردين حذاء وجنطه شوفي ذني وياهن ..
شهد _ كافي راجاء يسر اني راح اطلع من الغرفه ..
يسر _ شبيج شهد ليش ضجتي ..
شهد _خرجت واتصل به ..
الو هلو عمار ..
عمار _ هلو شهود عجبنج الغراض ..
شهد _عمار ليش هيجي تسوي ليش هلمصاريف ماكوا داعي ..
عمار _ اولا هيه مو مصاريف اسمهن هدايا وثانيا شنو ماكوا داعي انتي حبيبتي والهن كل داعي يلا روحي اريد اكمل مشتره ويه اخويه ..
شهد _ شكرا عمار ..مع السلامه ..
عمار _ باي حبيبتي ..
...
اليوم هو الحفله ارتديت الفستان سرحت شعري كيرلي ووضعت الميكاب وخرجت بعد ان اكملت طلتي كامله رايته مع ابي ودعت ابي كعادته توصياته وخرجت اكن عمار يبدوا اكثر من رائع بالبدله التي تزيده وسامه قال عندنا راني ..
عمار _ اني بطلت روحي رجعي مااروح كل هذا الجمال يكولون القمر بس بلليل يطلع لعد اني عندي القمر طالع العصر ..
شهد _ كافي عمار خجلتني وانته هم طالع حلوو ..
YOU ARE READING
ماذا عنا
Romanceمستوحاة من قصة حقيقه جمعنا القدر وفرقنا القدر كنت اقول انك اقرب اليه من روحي فحرقت روحي وحرقتني او حرقنا القدر كنت اقول في كل مرحله تنتهي ...ماذا عنا ..حقا ماذا عنا
