ماذا عنا

١

يسر_شهود وينج تأخرتي ..
شهد_جايه جايه هياتني اجيت ..
يسر _ يلا شهد راح نتأخر على الحفله ..
شهد _كملت شلوني ..
يسر _ وردة تجنين بس مو احلى من اختج ..
امي _ اذا تظل هيجي مراح تروحن ..
شهد _يلا ماما امشي خلي نروح احمد راح يوصلنه عود ..
يسر _ اي حمودي حبيبي فديته ..
شهد _ اووف ياربي راح نبدي بقصه عشق روميوا وجوليت ..
امي _ يلا امشن مو راح نتأخر عل الحفله مال بنت عمج ..
.......
اسمي شهد اني بالسادس اعدادي .. فتاة طويله او متوسطه الطول حنطاويه البشرةشعري اسود طويل... على بابا طالعه ..عكس اختي يسر الي قصيرة وبيضاء وعيونه عسليه ...على ماما.. اختي يسر اكبر مني هيه مرحله رابعه كليه علوم ..يسر مخطوبه لابن عمي احمد طبعا واحد يحب الثاني وقصه عشق ومااعرف شنو..
اني ممحجبة بابا مجبرنه على الحجاب بس ملتزمه بصلاة وصومي اختي يسر محجبة هم لبست الحجاب بقناعته ..
.....
شهد _ (صعدنه السيارة واحمد عينه من يسر )...
احمد _ شلونج خاله .. شلونج يسورة ..
شهد_نحن هنا يعني اذكرني على الاقل ..
احمد _ اسف شهد تعرفين من اشوف القمر عيوني تنعمي ..
شهد _ اسم الله على عيونك عيني احمد اتباوعك ليكدام لنروح نطب بسيارة وننعمي من صدك ..
يسر _(عديمه الاحساس مو ديتغزل بيه ليش تصيرين حديقه )بصوت خافت..
شهد _ (احسن تستاهلون كفار انتوا مال قتل ..راعوا مشاعرنه )..
يسر _هسه يجي واحد بالكليه عود واشبعي خليني اتمتع اني..
ماما _ كافي تحجن وصلنه ..
..دخلنه القاعه الي بيه حفله زواج بنت عمي نور كانت حفله مختلطه كعدنه على الطاوله محجوزة بس الاهل نور طبعا عماتي كلهن موجودات ..
شهد_يسر امشي خلي اعدل كحلتي اشو سالت وعيوني دتدمع ..
يسر _ كتلج لتحطين هواي عيونج هنة كبار وتحسسين بسرعه امشي .. ماما احنه رايحين للحمامات ..
امي _ اوكي بنات بس مو تتأخرن ..
رحنه للحمامات ..
عدلت كحلتي ورتبت شعري ..
يسر _ هذا احمد دزلي رساله واتصل يكول راح ينتظرنه بلباب لحد منطلع ..
شهد _ زين ليش ميدخل هو حفل مختلط ..
يسر _ ماادري اتوقع ماعنده بطاقه دعوة ..
شهد _ لعد خطيه طلعيليه شويه ورجعي خومايبقة وحده ..
يسر _ بس شلون اخاف عيب وماما متقبل ..
شهد _ عابتلج هو خطيبج وعاقدين يعني زوجج شرعا اظل اعلم بيج ..دروحي شوفي البنات يجنن كلهن لبس وكشخه وشعر وحركات واحمد حلو هسه يأخذوا منج ..ولتخافين اني احاجي ماما ..
يسر _ اوكي لعد طالعه ..بس لج شنو قصدج اني مو حلوة ..
شهد _اصلا تجنين انتي وطلوج هذا السنفوري اصلا وين يلكه مثلج ..
يسر_ اي عفيه صيري عاقله يلا لعد تعالي وصليني يم الباب اخاف وحدي ..
شهد _ اووف يسر الجبيرة تخاف اكثر من الصغيرة ..
يسر_ هسه يلا فضينه انتي وكعبج فوك ما طويله واصلا فستانج مو كلش طويل لو اطول جان احسن ..
شهد _ عمري هذا احمد امشي وفضينه عاجبني اني يلا سي يوو ..
يسر _ بكيفج حبي غير اخاف عليج من العيون ..سي يوو ..
عدت الى الداخل القاعه وانا ابحث عن طاوله عائلتي..
شهد _ شنو هاي يمكن ضيعت الطاوله اففف ياا هية اله تعزم العشيرة كله وين صارت ماما ..
زين_ عفوا محتاجه شيء ..
شهد _ (سمعت صوت وراية) منو هذا ..
زين _ شنو اظاهر تيهتي عائلتج ..
شهد _ لا شكرا مااريد شيء ولتزعجني .. (اويلي شنو هل الطول اول مرة اشوف واحد طويل وحلو وفيكه لا فوك القهر لابس قاط .. شهد لتنطي مجال )..
زين _ بكفيج بس انتي شهد مو عائلتج ترة يم عائلي كاعدين فيعني اذا تحبين اوديج يمهم ..
شهد _ هااا ..شلون عرفت اسمي ..
زين _ لا بس اتذكر من جنتي طفله وجانت يسر تطلعج النه ..
شهد _ شنوو .. اني صغيرة منو انته (شنو هذا اول مرة اشوفه من شوكت يعرفني )..
زين _ اني زين ابن صديق عمج صالح مااتوقع تذكريني لان جنتي صغيرة من شلنه من بيتنه ..
شهد _ اسفه بس الصراحه مااعرفك .. شنو رايك نبدا من جديد .. مرحبا اني شهد ..
زين _ اهلا اني زين ..
شهد _ بما انوطلعت عرف زين ممكن توديني يم عائلتي لان تيهت يعني اعادي انته مو غريب مراح تضحك عليه لان ضعت ..
زين _ ههههه عادي امشي وياي ..وين صرتي انتي هسه ..
شهد _ امم سادس اعدادي بس ثلاث اشهر واخلص منه وادخل جامعه ..
زين _ اي ان شاء الله تخلصين ودخلين الكليه الي تحبيه ويسر شلونه..
شهد _ زينه الحمد الله هسه هية علوم مرحله رابعه ومخطوبه لابن عمي..
زين _بس لا احمد ..
شهد _ اي ليش تعرفه (شنو هذا طلع يعرف العائله الكريمه كله )
زين _ هههه لا بس جنه متوقعين هلشي من جنه صغر بس حسبالي حب مراهقه وانتي شهود كبرتي وصرتي حلووة رغم انو تخلتفين عن يسر بس انتي احلى ..
شهد _تسلم هذا من ذوقك(اتوقع ديتغزل .. صدك لو كالت يسر عديمه الاحساس اني ) وانته وين صرت ..
زين _ اني تخرجت من كليه ادارة اعمال وفتحت شركه مال تجارة بين سليمانيه وبغداد يعني دااحاول اكمل الفرع الثاني الي بسليمانيه ..
شهد _ هاا الله يوفقك هاي ماما ..
امي _ وين رحتن تأخرتن وين يسر ..
زين _ شلونج خاله ..
امي _ هلو زين حبيبي شلون صاير معرفتك ..
ام زين _ مو كتلج مراح تعرفي وشهود هاي شنو انتي والله كبرانه اتذكر عفناج من جنتي صغيرة بس جنتي وكحه وتخبلين ..
شهد _ شلونج خاله (لازم يتذكرون امجادي )..
امي _ شنو لعد يسر وين ..
شهد _ هاا ماما يسر تخربط حجابه ودتعدله تعرفين يرادله ساعه ياله تكمله ..
زين _ (بصوت خافت يهمس من ورائي ) حجابه لو يم احمد مال اخرب عليهم هسه ...
شهد _(بنظرة حقد ) اكعد راحه مالنه خلق واصلا همة مخطوبين شتريد تسوي مثلا ..
زين _(رفع حاجبه ) لا صدك تتحديني ..شوفي لعد .. بصوت عالي خاله اني ..
قاطعته ..لا لا زين شوف هذا الشاب يصيحلك ..
امي _ هاي شبيج شهد تصيحين شكو عيب ..
زين _ ماكوا احد شهد منو يصيحلي (بستهزاء)..
شهد _ خلص بطلت لتحجي الامي ممكن تسكت ..
زين_ اي صيري حبابه ..
سمعنا صوت الموسيقى معلنه دخول العريسين ..
وقد كانت جميله جدا بعد قليل اتى احمد ويسر ..
شهد _ وينكم تأخرتوا .. وعلى الاساس ماعندك بطاقه تدخل ..
احمد _ منو كال اصلا جنت ..قاطع كلامه زين ...
زين _ مرحبا بالعاشق الولهان ..