بنت مختلفة

اليوم التاني ٢ !!

*حسن*
الفهد فجأة نط فوقي وانا غمضت عيني .. وقع الفهد فوقي ميت و حسيت دمه ع ايدي .. زقيته و بصيت لقيت دانيا واقفة ماسكة قوس و استنتجت انها ضربت الفهد بسهم
دانيا : مش قولتلك انه انا اللي هروح .. ايه اللي خرجك من البيت يا فتوة
انا : جدتك قلقت عليكي فخرجت ادور عليكي
دانيا : طيب يالا انا جبت الاكل
اتمشينا لحد البيت و بيننا صمت تام !!
لما وصلنا البيت فطرنا و كنا كلنا بنتكلم مع جدة دانيا و بنضحك و بنهزر و دانيا كانت بتكتفي بابتسامة رقيقة مبتزيدهاش الا جمال .. معرفش ليه شخصيتها شداني قوي كده و خصوصا اما انقذتني من الفهد انهاردة حسيتها فعلا من جواها كويسه و الا كانت سابت الفهد يموتني .. و رغم انها مش طايقة وجودي انقذتني
دانيا اما خرجت جابت فطار و غدا و عشا فقضينا اليوم في البيت ماعدا وقت المغرب روحنا عند شط الجزيرة انا و احمد و مريم نشوف لو في اي حاجة تلفت النظر هناك لكننا ملقيناش و روحنا البيت
اما روحنا فضلنا قاعدين شوية مع جدة دانيا .. كانت بتنصحنا و تحكيلنا قصص فيها مواعظ جميلة .. دانيا كانت قاعدة في اوضتها ..
خلصنا كلام و حكي و دخلنا ننام .. لكن انا صحيت فوسط الليل و خرجت من الاوضة عشان اشرب من الجردل اللي بيملوه من البحيرة عشان الشرب .. وانا بشرب سمعت صوت شدني .. عيني لمحت من الشباك دانيا قاعدة برة البيت ع جذع شجرة محطوت ع الارض بالعرض و بتغني اغنيه اول مرة اسمعها .. بس كان صوتها حلو قوي و الاغنية جميلة قوي.
بدون تفكير خرجتلها و روحت قعدت جنبها
دانيا : ايه اللي مصحيك
انا : قومت اشرب .. انتي ايه اللي مصحيكي ؟
دانيا : عادي
انا : حبيت بس اشكرك ع انقاذك ليا انهارة .. كنتي شجاعة قوي . .شكرا
دانيا مبتسمة : العفو ده واجبي
انا : اول مرة تبتسمي ليا
مردتش عليا و بصت قدامها
انا : بتقوليلي انه واجبك ؟
دانيا : اه .. واجبي احافظ ع كل حاجة و كل روح موجودة ع الجزيرة دي مادام مش هتأذي روح غيرها
انا : طيب ليه برضو واجبك
دانيا : الجزيرة دي بيتي .. مستحيل الواحد ميحافظش ع بيته
انا : بس اللي اعرفه ان الواحد اما بيجيله ضيف فبيته بيكرمه
دانيا : بس ضيف رخم و جاي من غير عزومة و رايح جاي يضايقني و وجوده مضايقني اكيد مش هعرف انافقه و اكرمه
انا : بصي انا عارف اني ضايقتك قوي امبارح .. انا اسف بجد
دانيا : ماشي
انا : انتي ع فكرة طلعت شخصيتك طيبة قوي و قوية و شجاعة و مسؤلة و بتتلقي المشاكل البذكاء
دانيا : وانت عرفت الكلام ده منين
انا : جدتك حكتلنا قصتكوا انهارده
دانيا : اه ..
انا : صحيح انتي عرفتي ازاي مكاني اما ضربتي الفهد
دانيا : انا روحت البحيرة من الطريق ده انهارة وانا بحب اروح من نفس المكان اللي بروح منه .. فوانا راجعة شفت اثار فهد ماشي من طريقي فجريت و شوفته و هو قدامك و صوبت عليه السهم و هو بينط و صيبته
انا : جميل
دانيا : انا اللي عايزه اسألك سؤال دلوقتي
انا : طبعا اتفضلي
دانيا : هو ليه احمد و مريم دول بيسمعوا كلامك في كل حاجة بدون نقاش و كأنهم شغالين عندك
انا : لا هي القصة مش كده .. هما من الطلبة المتميزين قوي في الابحاث العلمية و الاستكشافية و كده فالشركة اللي انا شغال فيها اختارتهم يطلعوا معايا الرحلة دي عشان يجربوا يستكشوا بشكل عملي مش نظري بس فانا لما بديهم امر بينفذوه لأن انا عندي خبره و بقالي اكتر من ٨ سنين شغال في الشغلانة دي .. بشتغلها من و انا في الجامعة
دانيا : و انت اصلا عندك كام سنة دلوقتي ؟
انا : ٢٦ سنة .. وانت ؟
دانيا : امبارح تميت ٢٠ سنة
انا : كل سنة وانتي طيبة
دانيا مبتسمة : وانت طيب
احساسي و هي مبتسمة ليا ميتوصفش فعلا
انا : مش نفسك ترجعي بلدك
دانيا : الجزيرة دي مكاني و مقدرش اسيبه
انا : انتي خايفة من وجودنا ليه
دانيا : مين قالك اني خايفة ؟
انا : متوترة و خايفة و محدش قالي
دانيا : بصراحة ..
انا : بصراحة
دانيا : خايفة تاخدوا مننا الجزيرة او تأذوها
انا : متخافيش .. مفيش اي ضرر هيمس الجزيرة دي وانتوا هتفضلوا فيها و محدش هيقدر ياخدها منكوا بس ساعديني بس نخلص الشهر و نشوف شغلنا بعدين هنمشي و حياتك هترجع طبيعية تاني ان شاء الله
دانيا : ان شاء الله
رغينا كتير قوي و اعتقد انها مبقتش كارهاني دلوقتي و اننا بدأنا شوية نكون اصحاب .. فضلنا قاعدين سوا حبة كتير جدا بعدين دخلنا ننام اصل الوقت كان اتأخر بزيادة .. كان بقالي كتير قوي منمتش مبسوط زي ما نمت انهاردة كده ..
شكرا ليكي يا دانيا .. تصبحي ع خير .