بنت مختلفة

تجاهل

انا : متنحين ليه ؟؟ امشوا !!!
اكبرهم : انا حسن و ده احمد و دي مريم .. احنا هنا عشان هدف معين و مش هنمشي قبل ما نحققه و متخافيش مش هنإذيكي
انا : شكرا مش مستنية كلامك ده عشان تهديني و تسكتني اتفضلوا ارجعوا من مكان ما جيتوا
حسن بص لاحمد و مريم و تجاهل وجودي و قالهم : الشمس بتغرب .. اظن اننا هنخيم هنا الليلة دي
انا : تخيموا هنا ؟؟
حسن : يالا يا احمد انصب الخيام .. مريم طلعي الاكل .. وانا هروح اجيب خشب عشان نولعه
انا : اثبت عندك !!! انت عارف لو كسرت فرع واحد بس ايه اللي هيجرالك !!؟؟ *وقفت وضع هجوم مرة تانية*
حسن : انا اسف خلاص مش هروح
انا : انهاردة تخيموا هنا و بكرة تروحوا !
حسن : مش هينفع حضرتك احنا المركب وصلتنا و مشيت و هتسيبنا هنا لمدة شهر و ترجع تاني تاخدنا
انا : شهر !!! انت -
جدتي بصوت بيقرب : - دانيا !!! دانياا انتي فين !!
انا : انا هنا يا نانا
جدتي و هي بتجري عليا و بتحضني : انا قلقت عليكي .. اتأخرتي قوي عن معادك كان المفروض هنقضي عيد ميلادك سوا
يااه انا نسيت خاالص
انا : معلش يا نانا اصل في حاجة عطلتني *بشاور ناحية حسن و احمد و مريم*
جدتي و هي مبتسمة و باين ع وشها قوي انها في قمة سعادتها و راحت ناحية حسن : اهلا وسهلا بيكم ع جزيرتنا والله انستونا و شرفتونا
حسن : اهلا بحضرتك .. احنا تلاتة مستكشفين جايين نستكشف جزيرتكوا بس واضح ان وجودنا مضايق حد
انا : طيب كويس..طلع عندك دم و بتاخد بالك  و بتحس اهو
مردش عليا
جدتي راحت ناحية احمد و هو بينصب الخيمة
جدتي : بتعمل ايه يابني ؟؟
احمد : بنصب الخيمة عشان نخيم هنا حضرتك
جدتي : تخيموا هنا ؟.معقولة تخيموا جنب الغابة وانا بيتي موجود
انا : نانا انتي بتقولي ايه !!!!!!!!!!
حسن : والله كتر خير حضرتك بس خلينا هنا معلش
جدتي : لا يا ابني انا مقبلش ابدا .. لازم تبيتوا عندي
حسن مبتسم : اللي يريح حضرتك
مشينا و واحنا فطريقنا للبيت نانا و التلت مستكشفين ماشيين سوا وانا ماشية وراهم بعدين لقيت حسن سابهم و جه يمشي جنبي
حسن : يعني اسمك دانيا
انا : عندك اعتراض
حسن : لا بالعكس اسمك حلو
انا : طيب .. رأيك مش هاممني ع فكرة
طولت خطوتي و سبقت جدتي و سبتهم ماشيين ورايا
لكننا وصلنا البيت كلنا سوا .. نانا خلتهم هما التلاتة يناموا فأوضتي وانا انام جنبها فأوضتها .
*حسن*
بيتهم حلو قوي بالنسبة لبيت في وسط جزيرة .. اكيد تعبوا و هما بيبنوه .. الجزيرة دي حلوة قوي رغم صغر حجمها .. الحتت اللي مشيت فيها كلها جمالها خرافي .. بس في حاجة واحدة بس اللي مستغربها في الجزيرة دي .. دانيا !
اول ما شوفتها اتخضيت .. انا في جزيرة معزولة عن البشر و فجأة لقيت فوشي بنت لابسة فستان تحفة و شعرها بني فاتح و عينيها ازرق واضح .. شجاعة اوي مع اني متأكد انها خايفة مننا .. عنيدة و ردودها استفزازية .. بتحاول تطفشنا بأي شكل عشان كده انا هقضي الشهر كامل من غير ما اكلم حد يجي ياخدنا .. عايز اجيب اخرها .. حسيت بإحساس جميل قوي وانا شايفها متغاظة مني خصوصا لما تجاهلتها و لما جدتها عزمتنا نقضي الفترة دي عندهم ..
لينا لقاء تاني بكرة يا دانيا ..