رضيت أحبك وبس مافيه عقب الروح روح

49

تولين : ألوو
وصلها صوت ميس : توليـــــن وينك لي ساعه أتصل ومتردين بالعاده تردين بسرعه قليلي فيه أحد مزعلك فيه أحد ماضايقك أو مسوي لك شي والله لوريه مااخليه يتهنى ياحياتي أنتي
تولين : مييييس هههههههه شفيــــــك ترك تكلمتي كثير
ميس : أيـــه أدري بسس خفت عليك
تولين : هههه ياحياتي أنتي
ميس : تولين فيــك شي صح
تولين : لاا مين قال ؟؟
ميس : مووو على تكلمي لا والله أجيك بأول طياره
تولين : مييييس
ميس : بلا ميس بلا زفت تكلمممممممي لاتخخوفيــ
تولين قاطعتها : أنعميـــــت
ميس سكتت فجاة ورجعت قالت : عيدي شكلي سمعت غلط
تولين : لاماسمعتي غلط .. أنــا أنعميت ماعدت أشوف
ميس صرخت : كييييف كييييف صار ومتى هلشي وليييه أنـــا أخر من يعلــم ؟؟
تولين : لااا مو آخر مــن يعلم .. توني راجعه من لمستشفى أنــا وعمر .. ميس لازم أرضى بالقضــاء والقدر لآآآآزم مو بيدي
ميس : تولييييين ( وبدت تبكي )
تولين تسمع شهقات ميس
تولين : ليييه تبكين الحين ؟
ميس : لان اللي يصيبك يصيبني .. واللي يضايقك يضايقني
تولين : مييس مبي أكون عاله على أحد !!
ميس : تولييين تعالي عندي .. ماراح تكوني عاله علي بس تعالي
تولين : هه مــآيصير كلمت أبوي كم مره بهذا الموضوع ويقعد يصرفني ..
ميس : أبوك درا
تولين : لاا أبوي نــايم كان بس عمر ولميس وجدي وخالي بدر وأحمد ونادين ولورا وأمــي .. لميس تطلقت اليوم
ميس : أييييش هالأخبـار ؟؟
تولين : ميييس ولله أحس نفسي مكتومه وتعبـــانه .. كالعاده قمت مفزوعه من الكابوس اللي صار يتكرر علي .. وشفت الدنيا ظلام توقعت أنه عشـان لأنوار مطفاه تلمست الجدار إليين ماوصلت للأفيــاش حق النور ولعته بس لازال ظلام .. بعدها أيقنت أني أنعميت ودخلت بظلام ظلآآآآآآآآآآآآآآم ماله نهايه !!
ميس : توليييين حبيبتي
تولين كملت : هه كالعاده طلبت رامي طلع راجع لبريطانيا .. كل مااحتجته مالقيته جمبي ..
ميس : لااا تقولين كذا .. لو كــان يدري أن بيصير لك والله مايتحرك من عندك .. تولين رامي يحبــــ
تولين قاطعتها : لآآآآ تعيدين علي نفس الحكي أنـــا مــآأحبه وأعتبره أخ بسسس لا أكثر ولا أقل .. أنـــا أحب ريــان ريــآآآآن وبس سمعتي
ميس : بس ريــان ماااااااات مااااااااااااااات أفهمي عــاد
تولين : لا تعيدين علي نفس الموال حقك .. خلاص رامي منتهين من موضوعه
ميس تنهدت : طيب أيش بيكون ردت فعلهم إذا درو العايله عن عماك ؟؟
تولين : مآآيهموني .. عمر عرف عن دكتور يقدر يساعدني ببريطانيا بس نسبة الشفاء 5% .. وأنـــا مو مستعده أتأمل على شي بس بالأخيــر مانتكون ناجحه
ميس : اوووووووص .. ويييين تولين المتفائله ؟؟ وينها خلي عندك أمل شوي .. صدقيني راح تنجح
تولين : عموما أنـا حاليا ماراح أسويها لو تنطبق السماء على الأرض
ميس : تولييييييييين يعني تبين تبقين عاله على اللي أنتي عندهم
تولين : لااا لازم اعتمد على نفسي وأتعامل مع عماي .. مو تولين اللي تبقى عاله على أحد وأنتي تعرفين هالشي أكثر مني
ميس نتهدت : الله يصلحك ويهدييييك بس
تولين : آميييين وياك ..

__________________________


باليوم الثاني .. الصبح .. وبنفس البيت ( بيت عبدالعزيز )

عبدالعزيز : وييين تولين ؟؟
لميس : أكيد بغرفتها يانايمه ياماتبي تنزل
عبدالعزيز : روحي ناديها
يلدا : خلك قاعده قولي للخدامه
عبدالعزيز ناظرها بحده : أنـــا قلت لميس يعني لميس
لميس : إن شاءالله يبه بروح ..
قامت لميس ..
وعبدالعزيز ناظر عمر : وأنــــت خذ وجبتك الثانيه الساعه تسع مو تتلهى عنها كالعاده ولاتنسى أبرتك
عمر : يصير خير
عبدالعزيز : قووول إن شاءالله
يلدا : وش فيييك أنت طيره شياطينك يالله صباح خير
عبدالعزيز : أبي مصلحتهم ..

عم الهدوء لفتره .. وسمعو صوت مشي عالدرج ..
رفع عبدالعزيز راسه .. وأنصدمم أن لميس ماسكه تولين ..

وقام وقف بخوف ..
عبدالعزيز : تولين وش فيك يبه
تولين : ولا شي يبه ..
وصلت عند أبوها وصارت تمرر يدها عالهواء إلين مالقت يده ومسكتها وباستها ..

عبدالعزيز : كيــف مافيك شي ؟؟ تستهبلين على راسي ؟؟؟
عمر : يبببه
عبدالعزيز مد يده بتجاه عمر : بسسس أبي أسمع منها ..
عمر سكت إحترام لأبوه ..
تولين : يبــــه أمس وأنـــت نايم .. أنــا فجأة صررررت
عبدالعزيز عصب : تقولين بالتقسيط أنتي !!
تولين : يبه أنــا أنعميت ..
عبدالعزيز أنصددددم
عبدالعزيز : كيييف ومتى أنــا وييين كنت عشان مااعرف عن كل هذا ؟؟
تولين : أمس صحيت من نومي بالليل وتفاجئت أنــي مااشوف شي !! ورحنا أنــا وعمر للمستشفى بس مافي فايده .. قالو ان الموضوع طلع من يدينهم ومايقدرون يسون شي ..
عبدالعزيز بدون شعور سحبها لحضنه ..
تولين : بابا لاتتضايق !! هذا القضاء والقدر ..
عبدالعزيز بدون شعور دمعت عيـــونه ..
رآآآحم هالإنسانه اللي بين يدينه ..
يعني فوق مــــآهي لو تدري عن حقيقتها إنهارت !!
ويمكن كرهت عبدالعزيز !! وكرهت اللحظه اللي جت فيها على هذي الدنيا !!

تولين اليوم بين يدينه .. المفروض هو اللي يهديها ..
بس صار العكس .. هي قاعده تهديه على مصيبه هي فيها !!
يالله شقد هالبنت قوييييه .. مايهزها شي

عبدالعزيز مسح الدمعه اللي طلعت بسرعه قبل ماينتبهون ..
عبدالعزيز : أكيييد فييه علاج ..
عمر : أييه يقول الدكتور أن فيه دكتور شاطر ببريطانيا .. ممكن يساعدها بس نسبة شفائها 5%
عبدالعزيز : سو لها موعد معه
عمر : أبشــر ياطويل العمر
عبدالعزيز ناظر الساعه وشافها تمت السبع ..
عبدالعزيز : يالله بمشي أنــا ..

باس تولين على جبينها .. ومشى عند يلدا وباسها وطلع ..
وبعد دقايق لحقه عمر ..


تولين مدت يدها لصحن على الطاوله ..

يلدا بدون شعور وهي تشوفها : لآآآآآآ
تولين وقفت يدها
ولميس ناظرتهم !!
يلدا : هذا زيتون أخضر لاتخاذين منه يسوي لك حساسيه .. لميس أفطري مع أختك وحطي لها اللي تبيه وأنتبهي لاتعطينها شي يسوي لها حساسيه ..

وقامت من الطاوله وهي مستغربه من سبب أهتمامها المفاجئ بتولين !!

تولين أستغربت أهتمام أمها المفاجئ فيها بس أنبسطت لأنها أول مره تسمع نبرة الحنان من أمها وطالعه لها هي بالذآآت !؟
لميس : أيـــش تبغينا نفطر ؟؟
تولين : أبغى نطلع طفشــانه
لميس بحزن : بس أنــا ماقدر أطلع
تولين تذكرت : يوووه ميسووو والله آسفففه أنــا نسيت
لميس أبتسمت : وش دعوى حبيبتي كلنا ننسى .. بقوم أسوي لنا فطور ..
تولين : خذيني معك ..
لميس أبتسمت ومسكتها متوجهين للمطبخ ..
لميس : ماراح تداومين بالجامعه !!
تولين : بهذي لحاله لااا طبعا .. بس مفكره أدخل معاهد وكذا .. عشان أعرف أتأقلم مع وضعي الحالي ..
لميس باستها بخدها : حلوووو ياقلبي أنتي لاتضعفين ..
تولين شبكت يدها بيد لميس وأبتسمت
تولين : دامك جمبي ماراح أضعف ..
لميس : وأنــا دوم جمبك

_______________________


بالشركـــه ..

أبو عادل : وش فيـــك مانتب على طبيعتك اليوم ؟؟
عبدالعزيز : والله ياخوي أحس أني شايل هموم الدنيا على كتوفي
أبو عادل : بسم الله عليك ياخوك تكلم قول وش فيك ؟؟
عبدالعزيز : أمس لميس تطلقت من عبدالله
أبو عادل : وصلني الخبر ..
عبدالعزيز : اليوم الصبح صحيت ولا تولين ماتشوف منعميه
أبو عادل أصدمممم :أييييش ؟؟
عبدالعزيز : اللي تمسعته
أبو عادل : كيييف صار كذا ؟؟
عبدالعزيز : والله مــآأدري .. أنــا نمت على اساس أن الكل بخير وقمت ولاها تولين ماتشوف تقولي قمت من النوم فجاءة مااشوف شي !!

نطق الباب ودخل عادل
عادل : طــآل عمرك كلنا جتمعنا بغرفة الإجتماعات ..
أبو عادل : طيب أسبقنا وبنلحقك ..
طلع عادل
أبو عادل قام ومسك عبدالعزيز من كتفه
أبو عادل : هونها وتهون ياخوك هذا أبتلاء من ربك وبيختبر صبرك ..
عبدالعزيز : أنـــا مو مضايقني إلا تولين
أبو عادل : خلاص مو قلنا ننسى الماضي .. وتولين بنتك أنـــت ويلدا .. يالله قدامي ..

طلعو أبو عادل وعبدالعزيز ..
وراحو غرفة الإجتماعات ..
الإجتماع أستغرق ســاعه ونص يمكن ..
وبعدها خلص .. ولكل بدا يجهز أوراقه بيطلع لمكتبه ..

أبو عادل : أقعدو ولا أحد يطلع ..
كلهم قعدو ولفو على أبو عادل بهتمام ..

أبو عادل : طبعـــاً كلنا بعض الأحيــان نمر بضيقه وحزن .. والمفروض إذا شفنا واحد منا كذا نمسكه ونسانده ..
عبدالعزيز رفع عيونه ..
أبو عادل : ليوم عمكم عبدالعزيز وكلنا ملاحظين أنــه مو بخير وشايل هموم الدنيا على كتوفه ومعه حقق .. والفروض نوقف معه .. عمكم عبدالعزيز أمس بنته لميس تطلقت من عبدالله ..

أبتسم فيصل وبقلبه : هذا أحلى خبر المفروض مايزعل عليه !!

أبو عادل : واليوم الصبح صحى وأكتشف أن تولين فقدت نظرها ..

صدمـــــــــــــــــــــــــــــــــــــــــــــــ ــــــــــــه
أصــابت كل القاعدين ..

بستثناء ( عمر وعبدالعزيز ) ..

خالد وصوته يالله يالله يطلع : وشو
أبو عادل : اللي سمعتوه .. واليوم الإجتماع ببيت عمكم عبدالعزيز .. لازم بنات عمكم ينسون اللي هم فييه طيب .. وكل وحد يبلغ أخت أو زوجته وأنتم بعد .. اللي بيضايق بنات أخوي بكلمه ترا مايلوم إلا نفسه سامعين .. يالله كل واحد يتيسر على شغله ..

قامو الكل

عبدالعزيز : ماكان لازم تقول !!
أبو عادل : أولا وأخيرا راح يعرفون ..
وطلع من غرفة الإجتماعات ..
وعبدالعزيز حط راه على الطاوله اللي قدامه ..



عادل ضرب عمر مع كتفه : اووخص قريب بتصير نسيبنا ..
عمر ناظره بطرف عينه : وش تخربط أنت ووجهك ؟؟
فيصل : لا تصررف هههههه عرفنا ترا وماسكين ريمو بالبيت على كل صغيره وكبيره ..
عمر : وش لسالفه ..
عادل وفيصل أستغربو ..
عادل : سالفه خطبتك لريم !!!!!
عمر أنصدم بس بسرعه : أييييييه صح مدري شفيني اليوم مضيع .. تذكرت فيه عندي شغله بروحح مكتبي ..

مشى من عندهم بسرعه .. وهو يفكر بالمصيبه اللي طاحت على راسه ..
كيــف أمه وأبوه يسون شي بدون مايشاورونه ؟؟ والموضوع يخصه ..
دخل مكتبه معصب وسكر الباب بقوه .. راح حط يده على مكتبه وهو يفكر ...
شوي إلا دف كل اللي كان على المكتب بيده وطاح كل شي على الأرض وطلع صوت

وقعد على الكنب اللي كان جمبه ..
عمر : إلآآآآآ ريـــم مــــآآآآبيها ولا أبي أظلمها معي !؟


______________________

ببريطـــانيا ..


ميس : { أريد رؤية مستر رامي بسرعه }
السكرتيره : { لآ لا أقدر لأنه لايريد رؤية أي شخص }
ميس : { قولي له أنها أنــا ميس أريده بموضوع عـــاجل ومهم }
السكرتيره أزعجتها ميس وقامت لمكتب رامي .. طقت الباب وسمح لها بالدخول ..

السكرتيره : { مستر رامي ميس أنها بالخارج وتريد رؤيتك وتقول موضوع عاجل ومهم }
رامي رفع راسه بسرعه : { أدخليها }

طلعت السكرتيره : { تفضلي بالدخول }
ميس ناظرتها : شفتي أنـــه أوول مايعرف أنه أنــا بيدخلني
السكرتيره تطالعه بتسغراب : { مــاذا }
ميس : { لآ شي }

دخلت ..

ميس : مساء الخير ..
رامي : مساء النور ..
ميس : كيفك ؟؟
رامي : تمام وأنتي أخبارك
ميس : ماعلي الحمدلله
رامي : استريحي أقعدي
ميس قعدت
رامي : عندك كلام تكلمي وبدون مقدمات ولف ودوران
ميس : رامي تولين
رامي رفع رسه بسرعه وناظرها : أيــش فيها صايبها شي ؟؟؟
ميس سكتت وبان على وجهها الحزن ..
رامي خاف ووقف ومشى عند ميس ..
رامي : تولين أيـــش فيها ؟؟
ميس : فقدت نظرها
رمي وكأنه أحد صب عليه مو يه بارده تجمد .. وناظرها شوي بعدين قالـ
رامي : لا تستهبلين معي .. توني مــا أمداني تاركها مافيها إلا العافيه
ميس : والله مااستهبل الصبح كلمتها وقالت لي
رامي طاح على الكنب وحط يده على راسه
رامي : يـــآآآربي
ميس : فيـــه هنــا دكتور يقدر يسوي لها العمليه يقولون شاطر بسس
رامي : بس أيش ؟؟
ميس : نسبة نجاح العمليه 5%
رامي : حتى ولو .. راح أحجز لها موعد
ميس : يمكن عمر أمداه حجز لها ..
رامي : راح أكلمه إذا ماحجز راح أحجز ..
ميس : أوك طيب أنــا جيت بس عشان أخبرك وبمشي للجامعه
رمي : أوك ربي يحفظك
ميس : يالله سيووو

طلعت مــن عنده والحزن مبين عليها .. حزنانه عشان تولين


______________________

بالريــاض ( بالليل ) ببيت عبدالعزيز ..
الكل مجتمع زي ماطلب أبو عادل ..


قعدو البنات سوا ..

شوي إلا سمعو عمـر ينادي وقامت له لميس
لميس :هلا عمر بغيت شي ؟؟
عمر: يب عمي أبو عادل يبي يلم على تولين .. وقالي أجيبها ..
لميس : طيب ثواني خليني أجيبها ..


عمر تنهد وجا بيلف وطاحت عينه على ريم اللي كانت جالسه بالطرف ..
وظل يتأملها شوي ..

عمر بقلبه : مزيــونه ماينقصها شي كامله والكامل الله .. بسس غيووره وأنانيه مــآقدر أعيش مع شخص زي كذا والله مااقدر ..


عند البنات ..

لميس : توليـــن
تولين اللي كانت تضحك مع ملاك وغلا ..
تولين : هلا حبيبتي
لميس : قلبي عمي أبو عادل يبي يسلم عليك ..
تولين وقفت ومسكتها لميس .. ومشو جهت الباب ..

تولين : مضبوط لبسي ؟؟
لميس : يــب .. أنـتــي وتيشرتاتك هي
تولين : وش فيك عندي ولاء لبريطانيا
لميس : ههههه طيــب يالولاء

كــانت تولين لابسه ..
شورت جينز مايل للأسود .. وتيشيرت بريطــانيا ..
وفاكه شعرها ومخليته على طبيعته .. وكــان مره جميل بين لونه البني ..



مسكها عمر ..

عمر : الله يعينك الحين عمي أبو خالد بيعلق على لبسك
تولين : لا بكسر خاطره ههههههههههههه
عمر : هههه صراحه صدقت أنــك بتكسرين خاطره .. مع ذا الضحكه الشريره ..
تولين : هههههههههه
عمر : كلمني رامي ..
تولين أختفت أبتسامتها ودخلو بيـــت الشعر اللي كانو قاعدين فيها الرجال ..
تولين همست : رآآآمي يــاترى درى !!!

أبو عادل قام وراقف
أبو عادل : ياهلا ببنت أخوي
ومشى معها عمر إلين ماوصلها لعمه ..
وهي مدت يدها وبدت تتحسس إلين مالقت أطراف أصابعه ..
مسكتها بعدين مررت يدها على يده .. ورفعت يده وباستها ..

أبتسم أبو عادل .. وقعدها جمبه ..

أبو عادل: شخبارك يــابنتي ؟؟
تولين : والله الحمدلله ياعمي أنـــت كيفك ؟؟

خالد ناظرها وبقلبه : حتى وأنتي عميا لازلتي محتفظه بجمالك
أمــا سعود يقول بقلبه : يمكــن أقدر أسوي للي أبيه مدمك صرتي عميا يابنت العم ..


قام أبو خالد والكل أستغرب توجه لتولين ..
ووقفه وضمها لصدره .. وسط أستغراب الكل !؟

أبو خالد : صديقيني يابنتي راح نسافر فيك العالم لو تطلب الموضوع أننا ندور على دكتور يعالجك ..
تولين أنصدمت آآخر شي توقعته أن أبو خالد يسوي زي كذا ..
حست بالأمــان وهي بين عمانها .. والود ودها ماتطلع من بينهم .. وتظل قاعده ..

دفنت راسها بصدر عمها أكثر وهو ضمها أكثر
تولين : تسلم يــاعم .. بس أنــا الحيـــن مآأفكر سوي العمليه نهائيا !؟
أبو عادل : ليـــــه يابوك ؟؟
تولين : أبي لميس تكون معي .. يعني ثلاث أشهر لقدام مستحيل أسوي شي ..
عمر : عموما الموعد حجزته ومافي إلا بعد أربع أشهر ونص ..
عبدالعزيز : اووف اووف لييييه المده طويله
عمر : يقولون عليه ضغط كبيير
عبدالعزيز : أهــآآآ ..

تولين : عممر
عمر بسرعه : عيونه
تولين خجلت
والشباب ضحكو عليييه لأنه قالها بحماس ..
تولين : عادي ترجعني داخل
أبو عادل : اقعدي معنا شوي ؟؟
تولين : إن شاءالله مره ثانيه ياعم بدون عيالكم
أبو عمار: ههههههههههههه ليييه ملاحظه أنتي شي
تولين : ههههه لايعمي كيف ألاحظ وأنــا ماأشوف بس حافظتهم
أبو خالد : ههههههه أجل الله ويــاك ..
عمر مسكها ومشى معها ..


_______________________
بعــد مرور كذا يوم

عمر : لقيـــت حجز بهذا اليوم
أبو عادل : حلووو أهم شي جاء الحجز على عددنا كلنا
عمر هز راسه بأيــــه ..

________________________


الجنّـه :
هيَ الحُلمْ الوحِيدْ التيْ تعْطينآ القوّه لِ تحمَل آلآمِنآ ,