وعند لميس .. اللي من يوم مادرت ان نادين وعمر تهاوشو ضاق صدرها .. وكلمها بدر وقالها عن اللي شافه هو ولورا ..
( لبست ( في الصورة
ونزلو تولين ولميس .. وكل وحده وجهها يعبر عنها
تولين : وين ماما وبابا
لميس : راحو
تولين : وحنا
لميس : بنروح مع عمر بروح اشوفه ليه طول
تولين : اوكي
_________
طلعت لميس فوق .. وطقت الباب
واذن لها عمر انها تدخل
دخلت ولقته قاعد يعدل شماغه ..
لميس : عموور
عمر : هلا قلبي
لميس : امم ليش تهاوشت مع نادين
عمر راح قعد على الكنب : هي تقول انو تولين الى متى بتظل بهذي العزلة اللي تحبه مات .. قمت قتلها انتي نسيتي امك ابوك
قالتلي هذول غير وبعدين ارحمو رامي قاعد يتعذب بحب تولين .. قتلها خليه وشوله يحب حبيبة اخوه ..
لميس وهي متكيه على الجدار : بس هو مات
عمر كمل : قتلها الى متى بظل اتحمل مشاكلكم
لميس : بس ياعمر
عمر : ايش موب حرام عليهم يوم اجبروني يعني لو بدر هو اللي معترف كان ماصار اللي صار ولا كان جدي بيضربه اصلا
لميس : ايش صار بالضبط ..
عمر : المره الاولى يوم اروح اطلعهم من الحبس
كانو مسرعين وعليهم ثلاث مخالفات دخلو الحبس .. المهم دقو علي ورحت وطلعتهم
لميس : مين هم ..
عمر : بدر واحمد ونادين ..
لميس : ايوه
عمر : المهم طلعتهم وديتهم البيت ورجعت بيتنا والاخوان شكلهم حطوها بظهري .. المهم من بكرى بالشركه جاء لمي جدي معصب وقدام الموظفين .. صفقني كف وقالي انا ولدي يدخل المخافر وباليل عشان يطلعك انت..
لميس ساكته وتسمع ..
عمر : والمره الثانيه .. اللي هي الحادث يوم جدي ياخذ سيارتي ..
وياخذ رخصتي تذكرين ..
لميس : ايووه اذكر
عمر : يوم كنا طالعين بسيارتي .. وكان بدر مسرع وصار الحادث
كنت توني ماخذ الرخصه .. عاد جدي عند بدر لاتكلمينه يصدقه على طول .. بدر قاله انو انا اللي كنت اسوق .. وكانت بدر هو اكثر اصابات .. حتى سال نادين واحمد جاوبو نفس بدر وانتي ماجاوبتي كنتي ساكته .. المهم يوم طلعنا من المستشفى .. جدي اخذني لمكتبه ..وقالي ليه كنت مسرع .. قتله وربي ماكنت مسرع وموب انا اللي كنت اسوق .. قالي مين
قتله .. بدر .. هذا اول كف جاني ..
قالي بعصبيه .. ليه انت تكره بدر ليه تبي تاخذه مني
موب يكفي .. انو اخوانه راحو .. وبدا يضربني بكل قوته
وانا كانت رجلي مكسوره .. ماقدرت اتحرك ..
لميس دمعت عيونها ..
عمر وهو منفعل : وبعدها بسنه الاخ جاي يعترف لنا بمصيبته .. اوموت واعرف ليه اختارنا حنا انا وانتي ورعد وريان ليييه
لميس راحت عنده وجلست على الارض وصار راسها عند ركب عمر
مسكت يدين عمر وهي تبكي
لميس : يمكن لانه يوثق فينا
عمر : بس هو حملنا اكثر من طاقنا مصيبته ليش يقولنا عنها ماانسى شكلك يوم طحتي وانكتمتي .. كلنا خفنآآآ عليك
لميس كانت ضاغطه على يد عمر وتبكي ..
عمر : لميس ماعمرك تسالتي ليش جاني مرض السكر
لميس وصوتها يتقطع من البكي : لا
عمر : قصة المخفر ... والحادث اللي رموه علي .. وضرب جدي لي ..واخر شي المصيبه اللي درينا فيها .. هذا هوو سبب المرض
لميس : عمممر لاتخليني احقد عليهم
عمر ضمها لصدره .. : مابيك تحقدين على احد بس بطلع اللي هنا { وياشر على صدره } تعبت من كثر ماكتمت ..
لميس طاحت عينها على الساعه اللي بيد عمر وفزت : عمر قوم تاخرنا
عمر وهو يضحك : انتظري ابدل ثوبي هذا اللي وسختيه .. وانتي صلحي الميك اب اللي بوجهك
لميس ناظرت وجهها بمراية عمر .: من جد شكلي يخرع
طلعت لغرفتها وعدلت المكياج بسرعه
وعمر غير بسرعه ونزلو تحت
تولين : صباح الليل كان مانزلتو
عمر وما كانه هو اللي تو : ههههه امشي امشي بس
طلعو وركبو سيارة عمر ..
YOU ARE READING
رضيت أحبك وبس مافيه عقب الروح روح
Romanceتدور أحداث هذه الرواية عن أسرة سعودية الأصل .. ترعرعت في برطانيا وبالتحديد لندن مدينة الضباب . . بعد أن قام عبدالعزيز بالزواج من أمراءة بريطانيه تدعى يلدا أثار زواج عبدالعزيز ضجه في مدينة الرياض وبالأخص أن أباه كان من أكبر تجار مدينة الرياض .. غض...
