هلو حبايب شلونكم
مشتاقتلكم
طبعا النفسية زفت
ورجاءا ﻻتكولون البارت قصير
ﻻن اليوم جان عدنة امتحان رياضيات اخير درس واﻻستاذ جايب سؤال مينحل فالحمد الله دماغي لساه يشتغل ههههههههه
يلة انجوي احبكم
#الدراسة _عدو_اﻻبداع
************************************
((سارة))
نزلنا من اﻻعلى انا ومنى واتجهنا الى الصالة حيث كان الجميع يجلس هناك والخدم يقومون بتحهيز طاولة الطعام ....ذهبت وجلست بجانب الفتيات
والد عمر:عيني عمر اكو موضوع انتة ﻻزم تعرفة وتطينة رايك
عمر:اتفضل والدي اني داسمعك
والد عمر:حسن مثل متعرف خوش ولد ومؤدب وهوة مثل ابنة اجة اتقدم ﻻختك واحنة وافقنة واختك موافقة بقت بس موافقتك بما انو انتة اخوهة الجبير....
عمر:ياحسن
حسن:اني كم حسن عدكم
عمر:شنووووووو......
حسن:شبيك معاجبك
عمر:اي معاجبني
والد عمر:عمر شنو هذة الحجي
عمر:مستحيل يعني مستحيل
تعجبت من موقف عمر لما هو هكذا غاضب من حسن ......جاءت الخادمة لتخبرنا ان الغداء قد اصبح جاهزا وذهب الجميع الى طاولة الطعام ولكني رايت عمر يخرج الى الحديقة .......ذهبت ورائه ووجدته يدخن .....ماهذا انها المرة اﻻولى التي ارى عمر وهو يدخن لم اكن اعلم انه يدخن .....تقدمت نحوه وقلت:مكلتلي من قبل انو انتة ادخن
اللتفت باتجاهي وقال:بس من اصير عصبي
ذهبت اليه واخذت السيجارة من يده ورميتها على اﻻرض وسحقتها بقدمي
عمر:ليش سويتي هيج
سارة:اختنك من ريحة الجكاير ماطيقهة
عمر:شتريدين تكولين
سارة:ليش معترض على حسن بهذة الشكل
عمر:اني ماطيقة وبلكوة جارعة انوب يصير رجل اختي
سارة:وشبي حسن شنو ناقصة وثانيا اختك موافقة عليه انتة بعد مو من حقك ترفض
عمر:ﻻ من حقي اني اخوهة الجبير اذا اني ما وافق هاهية
سارة:شنو هذة الحجي
عمر:هذة الموجود
سارة:انتة حط نفسك بمكان حسن .....انتة تحبني واني احبك وانتة اجيت اتقدمتلي واخوية رفض شنو راح يكون موقفك
عمر:هذة الشي يختلف
سارة:ﻻميختلف .....بس انتة قبل متتخذ قرارك حط نفسك كدام الشخص اللي انتة دتريد ترفضة ﻻزم تفكر بغيرك
عمر:ماريد احط نفسي بمكان احد
سارة:اي ﻻن انتة اناني
عمر:ساااااااارة ﻻتخبليني
سارة:اني كلت العندي واذا رفضت حسن اني بعد ماحجي وياك
عمر:شنو يعني تحطيني كدام اﻻمر الواقع
سارة:ﻻ اني داخيرك ........اني حروح ﻻن عيب الناس كلهة دتنتظرنة
ذهبت وتركته وهو غاضب اعلم اني بالغت ولكن ﻻيجب ان يفرق بين اثنين بمجرد انه ﻻيستلطف شخص ما او ﻻيجئ على مزاجه .....دخلت الى غرفة الطعام وجلست على كرسي فارغ
