Picture editor

Picture Editor. 1

I decided to read my old stories and I saw this one. *Edited*

___________________________________________________

Crop here and there, cut, adjust the colors. Done! Panibagong picture na naman para sa 1000 pictures kong kinokolekta.

Isang araw na naman ang natapos at isang picture na naman ang nagawa ko.

Anong oras na ba?

Tinignan ko ang orasan ng laptop ko at nagulat ako na male-late na pala ako sa trabaho ko.

Kung tatanungin niyo kung ano ang ginagawa ko sa buhay ay madali lang 'yan sagutin. Estudyante ako sa umaga at nag tatrabaho sa isang fast food  sa gabi, dish washer ako doon. Isa akong college student na sa wakas ay malapit na ring gumraduate.

Niligpit ko na ang mga gamit ko at pinatay ang laptop. Dali dali akong nag half bath at nag bihis. Nang matapos ay agad kong nilisan ang maliit na apartment na inaarkilahan namin ni mama.

Dumating ako sa pinag tatrabahuhan ko at pag pasok ko pa lang sa locker room namin ay bumungad na ang supervisor naming mahilig pumapel.

"Ano na naman 'yan Tina? Late ka na naman!" Pagalit nito sa akin. Muka ng umuusok ang ilong nito at hindi ko alam kung may nauna bang sumira ng araw nito o ako lang talaga ang sumisira sa araw niya.

"So -"

"Anong sorry-sorry? Last chance na 'to Tina ha. Sa susunod na maulit pa ito, mag hanap ka na ng ibang trabaho mo!" nag walk out ito at naiwan ako doon na nag iisa. Napakamot na lang ako sa noo ko at dumiretso sa locker ko.

Grabe bastusing bata lang. Mag sasalita pa lang ako sisingit na agad. Walang modo.

Matapos kong ilagay ang bag ko sa loob ng locker at makapag palit ng uniform ko ay dumiretso na agad ako sa kusina. Pag pasok na pag pasok ko pa lang ay tambak na hugasan na agad ang tumambad sa akin.

Great. Mukang mapupudpod na naman ang kamay ko ngayong araw.

Walang kaangal angal na nag simula akong mag hugas. Maraming tao na naman ngayon dito kaya kakatapos ko pa lang ng hugasan ay may sumunod na naman. Kung di ko lang kailangang mag trabaho ay lumayas na ako dito, pero hindi, kailangan ko siya para matulungan ko si Mama sa mga gastusin ko.

Nakakapagod na gabi na naman ang lumipas. Matapos ng anim oras na pag tayo ay sa wakas ay makakalaya na ako sa trabahong ito at makakatulog ng mahimbing sa mumunting apartment namin.

Imagine ang pagod ng five in the afternoon ang out sa school at mag tatrabaho ka simula six hanggang twelve midnight.

Habang nag lalakad ako pauwi ay katahimikan lang ang bumabalot sa akin. Ayoko ng ganito. Ayokong mag isa sa ganitong lugar, dahil nakakapag isip isip na naman ako ng mga negatibong bagay sa buhay ko.

Una, ang iwan kami ni papa para sa ibang babae. Ang astig niya, sumakabilang bahay siya dahil ano? Dahil na fall out of love siya kay mama? Nangako siyang tutulungan pa rin daw niya kami, pero ayon matapos ang halos dalawang taon nawala na siya at ang pamilya niya na parang bula.

Pangalawa, kaya gustong gusto kong nag woworking student dahil ang mama ko naman ay nag kasakit sa puso. Kailangan niyang mag pa opera noon kaya gumastos kami ng todo todo. Kung tatanungin niyo kng magkano, wag na dahil maiiyak lang kayo sa presyo. Ngayon di siya pwedeng ma stress or something like that dahil ikapapahamak niya ito. Kaya kahit hirap ay nag sumikap ako.

Pangatlo. Ang mga nakakatakot na panaginip. Na trauma yata ako noong highschool kaya ganito ako. Minsan nga nagising na lang ako nang madaling araw na parang may nakabara sa lalamunan ko. Sa panaginip ko ay may isang lalaking sinuntok ako sa noo. Hindi ko lang alam kung bakit ganoon ang naging pakiramdam ko. Nakaramdam ako ng matinding sakit ng ulo sa panaginip ko at hanggang paggising ko ay meron pa din.