Not an Ordinary Lovestory

Chapter 8

Naols 8

"Sabi ng akin na yan!"

"Basagulera manahimik ka nga! Nakakasira ka ng concentration ko."

"Hoy asungot kapag hindi ka pa tumigil titirisin talaga kita na parang kuto! Tumigil ka na at ibigay mo na sa akin yan."

" Ako nga ang nauna dito! Kung gusto mo bumili ka ng sayo!" Sa sobrang inis ko binato ko nga sa kanya yung binili kong cookies kanina. Ayon sapol sa mukha. Buti nga sa'yo!

"Sumusobra ka na" Sigaw niya na halos gusto na nitong ibato yung laruang hawak niya. Pinag-aawayan kasi namin yung maliit na laruang hawak niya. Yung may tubig sa loob at may pinipindot ka para ma-shoot yung maliliit na ring dun sa dalawang parang pole. Basta yun na yun! Nakita ko kasi itong nilalaro niya nung nakaraang-nakaraan pa at mukhang enjoy laruin.

"Bakit ba kasi nandito ka eh wala naman tayong audience ngayon na nanunuod." inis na sabi nito habang hinihimas yung natamaan sa kanya.

Bakit nga ba? Napadaan lang kasi ako dito sa may garden sa school ng makita ko siyang mag-isa na may binubutingting kaya nilapitan ko siya. Sakto naman na yung gusto kong laruan ang binubutingting niya.

"Ewan ko. Nakita kasi kita kaya nilapitan na lang kita baka kasi bigla ka na lang magsalita dyan mag-isa at kausapin mo sarili mo. Naku baka mapasama pa ako nun at sabihan na nag-boyfriend ako na baliw." Mahabang paliwanag ko at ang asungot nangingisi lang.

"Inlove ka na sa akin 'no? Kaya mo ako nilapitan kasi namimiss mo na ako 'no? Halos isang linggo lang naman tayong hindi masyadong umarte ah? Masyado ka naman Basagulera. Halatado ka masyado eh..." Nangingiting sabi nito. Aba! Ano daw?!

Tumayo ako sa pagkakaupo at nakangiting nilapitan siya hanggang sa konti nalang ang pagitan ng mga mukha namin. Yung tipong sa paningin ng iba tila naghahalikan na kaming dalawa taliwas sa paningin ko.

"Alam mo Vin...ang lakas mo pala....Ang lakas mong mangarap!" Sabi ko atsaka siya tinadyakan. Nagulat ako sa bigla niyang pagtayo kaya na-out of balance ako mabuti nalang nasalo niya ako.

Malas nga lang...mukha kaming tanga tulad ng madalas nakikita sa mga drama. Nakahawak siya sa baywang ko habang ako naman ay nakahawak ng mahigpit sa damit niya.

"bwisit ka talagang babae ka...Ang ganda ng moment ko kanina dito habang naglalaro tapos bigla kang mangugulo at mananadyak na lang. Isang linggo kong piniling tumahimik nang makapag-isip-isip naman ako kahit papaano kaso bigla ka na lang lilitaw para mambulabog." Magkahalo ang pagiging seryoso at pagkainis ng sabihin niya iyon. Wala man lang akong mahimigan na isang makulit na Vin.

Did I push the button?

"Nakakainis ka na talaga. Alam mo bang magulo ang utak ko ngayon. Magulong-magulo dahil sa larong ito tapos—aish!hindi ko talaga alam kung bakit sa dinami-dami ng babae pwedeng maging GF ikaw pa ang napili ni—"

"Wow hah. Ako pa ngayon ang may kasalanan? Sino ba ang nag-umpisa nito? Sige. Kung ayaw mong ginugulo kita bumalik na lang tayo sa pagiging estranghero sa isa't-isa. Tapusin na natin ito. Tapu—" Nanlaki ang mga mata ko sa ginawa niya. Tama ba ang nangyayari ngayon? Totoo ba ito o bangungot?!

Hinalikan ba niya ako? Mali! Hinahalikan niya ako ngayon!!!

"There. Nakaisip na rin ako ng paraan para matapos ko ang laro and now it's done. It's game over 'cause now we're official."

Game over?

Official?

.

.