BETWEEN LOVE AND RULES

Synopsis

Minsan, ang pinakamahirap na pag-ibig ay ang pag-ibig na hindi dapat maramdaman.

Sa edad na dalawampu't dalawa, alam ni Elara Rose Rodriguez na mali ang mahulog sa sarili niyang professor. Ngunit paano niya pipigilan ang pusong matagal nang lihim na umiibig kay Professor Eugene Paolo Gomez ang matalino, respetado, at misteryosong lalaking hindi niya maalis sa kanyang isip? Nang malaman niyang bisexual ito, naniwala siyang may pag-asa siyang mapansin at mahalin nito.

Sa kagustuhang mapansin siya nito, ginawa ni Elara ang lahat upang mapalapit sa kanya. Ngunit habang lalong lumalalim ang kanilang koneksyon, mas nagiging mapanganib ang damdaming pilit nilang itinatanggi.

Sa kabilang banda, may isang taong tahimik na nasasaktan habang pinagmamasdan ang lahat.

Si Kent Adrian Cruz.

Ang matalik niyang kaibigan.

Ang lalaking laging nasa tabi niya.

At ang lalaking matagal nang umiibig sa kanya nang palihim.

Habang nahahati si Elara sa pagitan ng ipinagbabawal na pag-ibig at ng taong hindi siya iniwan kailanman, haharap silang tatlo sa mga desisyong kayang baguhin ang kanilang buhay magpakailanman.

Sa mundong puno ng tamang panahon, maling pagkakataon, at mga pusong sugatan-

sino ang tunay na pipiliin ng pag-ibig?

"Mahal kita. Ngunit minsan, hindi sapat ang pagmamahal para maging tama ang lahat." ❤️

Warning

Ang kuwentong ito ay naglalaman ng mature themes, emotional conflicts, at komplikadong relasyon. Reader discretion is advised.