HIGHSCHOOL RANKING

1. TRANSFEREE

Nidagan ang isa ka babae nga estudyante pasulod sa isa ka classroom nga napuno og kasaba. Makita dinhi-a ang mga nag kanya-kanyang mga babaeng estudyante nga naay kanya-kanyang ginabuhat. Naay nag make-up, naay nag suklay sa ilahang buhok, naay nag tiktok, naa pud nag tinawrong og study. Pero unsa'y pinaka worst?

Naay ginabully sa kilid pero wala man lang ni isa ang nitabang sa biktima.

"Have you ever heard the news?" Pangutana niini sa babae nga nag kuha og sigarilyo gikan sa iyahang bulsa.

"About what?" Taas kilay nga iyahang gihatagan og pag lingi ang babae.

"Naa daw tay bag-ong classmate." Sulti niini saiyaha pero nag ngisi lang ang babae na iyahang gi ingnan busa gibutang saiyahang bah-bah ang sigarilyo dayon nisuyop gikan niini.

"Asa ka nakabalo nga naay bag-ong estudyante?" Pangutana sa isa pa nilang kauban nga gisipaan dayon ang classmate niini na babae nga nag luhod sailahang atubangan samtang nag taas ang kamot niini sa hangin. Makita ang pangurog sa biktimang estudyante pero walay pakealam ang mga bully saiyahang palibot labi na ang uban niyang mga classmate nga aware sa mga nahitabo.

"Sa faculty kay didtoa man ko gikan."

"Edi mas nindot para naa napud koy bag-ong yaga-yagaan. Nag sawa nako atong 1st year, nag sige nalang og hilak. Maka-init og ulo. Labi na ning isa." Sulti niini busa gisipaan ang biktimang estudyante dayon gilabay ang sigarilyo sa buhok niini rason nga napadali-dali og hawa sa sigarilyo nga hapit pa masunog ang buhok sa biktima.

Nangatawa lang ang mga kauban niini sa gibuhat niya sa biktima.

"Diba dapat mag research sa 'ta about sa new student before nato hilabtan?"

"Who cares about that research thingy? Walay makapalag sa akoa. Kung unsa ang akoang gusto, mao ang dapat tumanon kasabot ka?"

Nanghilom silang tanan sa kusog nga bundak gikan sa pag abri sa purtahan. Sabay sila napalingi sa area kung asa gikan ang kusog nga pagbundak.

"Pwede ko mangutana?" Sulti sa isa ka estudyanteng babae nga naka hoodie samtang walay ekspresyon ang iyahang nawung nga gilantawan ang tibuok estudyante sa sulod sa classroom.

"Kinsa kang buanga ka?" Pangutana sa isa ka estudyante.

"Kinsa na?"

"Wala ko kabalo basig bag-ong maestra?" Nangatawa ang uban sa gisulti sailahang classmate.

"Buang ka! Naa ba diay maestra nga ing-anag nawung murag ka edad 'ra nato." Sulti pa sa isa ka estudyante sabay lingo-lingo. Napansin nila ang nindot sa features sa iyahang nawung. Payaton ug wavy gamay ang buhok nga hangtud sa iyahang bukton. Mapansin pud saiyahang mata nga murag patay nga nitutok sa matag isa sailaha.

"Pwede ko mangutana?" Balik niyag sulti. Napamati nila nga bug-at nga atmosphere sailahang palibot pag abot niya. Ni isa sailaha wala'y nitangka nga mo tubag saiyaha masking nangutana na siyag ika duha.

"Murag mao na ata na siya ang bag-o natong classmate." Sulti ni Yesha sa classmate niyang si Jelay. Nabuo ang ngisi sa nganil ni Jelay pag dunggog niya nga mao na ang naka hoodie ang bag-o nilang classmate. Nitindog ni gikan sa paglingkod dayon nag hinay-hinay og duol sa babaeng naka hoodie nga nag tindog gihapon sa may purtahan.

"Swerte ka kay naa napud mi bag-ong dulaan." Anang si Shiera sabay hapak niini sa ulo sa biktima nila nga sa pagkakaron kay nakaluhod gihapon sailahang atubangan.

"Sulod." Pang agda ni Jelay sa naka hoodie nga bag-ong estudyante. "We can talk inside para mahatagan namog answer imong pangutana." Ngising sulti niini sa babaeng naka hoodie na murabag friendly siya nga pagkatao.