Lessons That Didn't End in Class

Introduction

College sirf degree ke liye nahi hota.
Kabhi-kabhi yeh aisi cheezein bhi sikha deta hai jo life ka syllabus mein likhi hi nahi hoti.

Shrishti ko lagta tha use sab samajh aata hai. Log kaise baat karte hain, kaise flirt karte hain, kaise cheezein complicate ho jaati hain. She was confident, aware, and very sure of herself. Jo cheez control mein na ho, usme interest lena uski habit nahi thi.

Aur Mohit?
Woh kisi ki story ka part na banne aaya tha na bnane
Bas kuch lectures. Kuch din. Aur phir nikal jaana.

Simple.

Bas problem yeh thi ki kuch cheezein life simple rakhna pasand hi nahi karti.

Yeh attraction nahi tha — kam se kam openly toh nahi.
Yeh woh feeling thi jo pehle awkward lagti hai, phir familiar.
Woh kind jisme baat normal hoti hai, par tone thoda different ho jaata hai.
Jisme silence bhi thoda zyada bolne lagta hai.

Kuch nazrein zyada der tak ruk jaati hain.
Kuch baatein mazaak mein shuru hoti hain, par wahan khatam nahi hoti.
Aur phir ek din achanak realise hota hai — yeh sirf coincidence nahi lag raha.

Lines clear thi.
Boundaries bhi.

Par attraction ko boundaries samajh aati hain ?! 😜
— I don't think so

Yeh kahani galtiyon ki nahi hai.
Yeh kahani attraction ki hai.
Teasing ki hai.
Us attraction ki hai jo openly accept nahi hota, par ignore bhi nahi hota.

Kyunki kuch lessons tab start hote hain
jab class khatam ho jaati hai.

Aur kuch feelings...
attendance ke rules follow nahi karti.