ما اسامح ولا احلل الي يقرأ بدون نجمه !!
-
-
تسريع الاحداث
دخلت وخلصت ولبست
رعد : يلا مشينا تحت
مسك يدها متوجهين لتحت
دانه : رعد بروح عند البنات
رعد : طيب على الاقل سلمي على اعمامي وجدي من زمان مو شايفتهم !
دانه : طيب .
-
الجد فارس : فاطمه اتصلي على دانه خليها تنزل صارلي يومين مو شايفها حتى على الفطور والغدا ماتكون موجوده !
فاطمه : ابشر ياجدي .
كانت بتتصل فاطمه على دانه بس سمعت ترحيب جدها واعمامها عرفت انها نزلت
الجد فارس : هلا بحفيدتي القاطعه وينك ماتنزلين تراني زعلان منك !
العم حمد : من تزوجت وهي متغيره !
دانه : لا عاد مايهون علي زعلكم
تقدمت تبوس راس جدها وتحضن اعمامها
دانه : امم وكذا رضيتوا ؟
العم ناصر : وانا مسحوب علي ؟
دانه : ترا انا اكبر منك لاتسوي دراما !
العم ناصر : يعني ماتبغين تحضنيني ؟
دانه : يس
شمر يده ناصر وركض ناحيتها
فزت بخوف دانه من ركضته وصارت تركض ناحيه رعد تستخبي ورا ظهره
مسكه ناصر يبغى يحضنه لكن صرخت دانه وهي تضحك تنطق بـ : رعد بعده عنيي !
نطق الجد فارس وهو يضحك : خلها ياناصر ماتبغى تحضنك مو شرط
العم ناصر : مالي شغل والله لا احضنها
غمز رعد لناصر بمعنى ان بيفكها
نطق رعد بصوت خافت : دانه
دانه : هلا
رعد : اسف
عقدت حواجبها بأستغراب مافهمت شقصده
بس مالحقت تستوعب ويدزه رعد على حضن ناصر
مسكها ناصر بقووه خايف تفلت منه
نطقت دانه : حيوانن بعدد !
كان ماسكها بقوه لدرجه تألمت وتحاول تبعد عنه
باسها على خدها بقوه يحاول يستفزها
وفعلاً استفزها
نطقت دانه بقرف : يعع !! جدي خله يبعدد
نطق الجد فارس بجديه : ناصر خلاص بعد عنها !
فكها ناصر ونطق : المره ذي عشان خاطر ابوي بس المره الجايه محد بيفكك مني
نطقت دانه بعصبيه : اقول اذلف بس تراك عورتني !
توجهت ناحيه سلطان تجلس جمبه بعصبيه تفتح جوالها ترسل رساله لريوف
دانه : " وينكم ؟ "
فتحت الرساله ريوف وكتبت
" بالملحق "
دانه : " طيب جايتكم "
ريوف : " نادي فاطمه "
دانه : " طيب "
سكرت جوالها لفت على سلطان
تنطق : تقدر تجيب لي قهوه ؟
سلطان : والي قدامك وشو ؟
دانه : ما ابغى قهوه عربيه !
سلطان : حاضر بجيب لك دزي لي شتبين بالواتس وش تبغين وبيجيك
ابتسمت دانه ونطقت : من عيووني
وقفت متوجه للباب لكن تذكرت من ريوف قالت لها
" نادي فاطمه"
لفت على فاطمه تنطق : فطوم البنات يبونا
الجد فارس : توك جيتي حتى ماتقهويتي انتظري شوي وبعدين روحي للبنات
تقدمت دانه تبوس جدها وتنطق : اوعدك وعد اني بنشب لك حتى انت بتقولي طسي عني
الجد فارس : مستحيل اقول لك طسي اقول لناصر ولا اقولك
نطق ناصر بصدمه : شدخلني انا !
ابتسمت دانه تلف على سلطان تنطق : مو تنسى تجيبه
سلطان : ابشري
طلعوا دانه وفاطمه متوجهين للملحق
فاطمه : ياحيوانه اشتقت لك
وقفت دانه تلف عليها تحضنها بقوه تنطق : وانا بعد اشتقت لكم على ان بنفس البيت لكن من زمان مو شايفين بعض
بادلتها فاطمه وبعدت تنطق : امشي للبنات
وصلوا للملحق وفتحوا الباب وصرخوا البنات من شافوا دانه
ركضت امل تحضنها بقوه
وتنطق : وحشتينيي ياكلبه
سلمت على البنات وحضنتهم الا لانا ماسلمت عليها
استغربت دانه ومشت ناحيتها تجلس جمبها وتنطق : امم الحلوه شفيها زعلانه علي يعني اسبوع مو شايفتني وماتبغين تسلمين علي
لانا : والله راجعي حساباتك ووش سويتي عشان اكون زعلانه عليك
الماس : لنوو خلاص عاد لاتشدينها بعدين انتي اكثر وحده كنتي تسألين عن دنوو ويوم جت سويتي روحك زعلانه عليها
طالعت فيها لانا
ولفت على دانه حضنتها
تنطق : مع اني زعلانه بس مايهون علي ما اسلم عليك
بادلتها الحضن دانه : اعرف كيف اراضيك
بعدوا عن بعض ونطقت دانه : عطوني اخر الاخبار
نطقت الماس بحماس : عنددي اخر الاخبار اجلسي على الارض
جلست دانه
وبدو يسولفون
والكل كان منتظر ذي القعده الي من زمان ماصارت من زواج دانه
-
بالمجلس
الجد فارس : سالم امش معي ابغاك
بلع ريقه بتوتر عارف جده وش يبغى فيه نطق بتوتر : ابشر
سلطان : اجل انا استأذن
رعد : وين رايح
سلطان بخبث : بجيب قهووه حق زووجتتك
رعد : ترا عارف انها اختك بس راعي مشاعري شوي
ضحك سلطان ونطق : تخاوي ؟
رعد : قدام
توجهوا لبرا البيت يركبون السياره
متوجهين للكافي
-
بمكتب الجد
الجد فارس : قسم بالله ياسالم عندك يومين ان ماراضيت ريوف ماراح اخلي زواجك انت ولانا يصير
سالم بتوتر : ابشر براضيه
الجد فارس : وتعتذر لها وتجيب لها هديه
سالم : ان شاءالله
الجد فارس : وناد يوسف ابغاه
سالم : ابشر ياجدي
.
.
.
طلع سالم من المكتب واتصل على يوسف
يوسف " هلا سالم "
سالم " وينك ؟ "
يوسف " بغرفتي "
سالم " جدي يبغاك بمكتبه "
يوسف " الان اجي "
.
.
نزل يوسف ودخل مكتب الجد يتقدم ناحيته يبوس راسه
يوسف : طلبتني
الجد فارس : اي اجلس
جلس يوسف ونطق : امرني
الجد فارس : شوف يا يوسف انت اكبر واحد من احفادي وبعده مو متزوج سالم وسلمان راح يتزوجون وانا بعدك لين متى ؟ بتكمل الثلاثين وانت بعدك ماتزوجت !
يوسف : جدي رعد ماتزوج الا لما كمل عمر 32
الجد فارس : وانا ما ابغاك تصير مثل رعد! فرحني يايوسف
يوسف : ابشر عطني مده افكر وارد لك خبر
وقف يبوس يد جده وينطق : مايصير خاطرك الا طيب والي تبغاه بيصير
ابتسم الجد بأنتصار يبغى يزوج كل احفاده مع بعض وكلهم بياخذون بنات اعمامهم
طلع يوسف من المكتب وراح للحديقه يدخن
وصادف فرح يشوفها جالسه تقرأ كتابها
ابتسم بخبث من تذكر موقفه مع فرح لما تستلم الطلب نطق بهمس : بربيك بأيدي ومالك الا غيري يافرح وتشوفين
لفت فرح ناحيته من شمت ريحه الدخان
تأففت بضيق من شافت يوسف
وقفت متوجه للملحق عند البنات
ونطقت وهي ماشيه : الله يعين الي بتاخذك اربع وعشرين ساعه تطفح بهالدخان ماتتعب وع !
يوسف : وانتي وش دخلك
وقفت فرح ولفت عليه تقول : انا فعلاً مالي دخل بس راعي الناس الي حواليك لاتنسى ان عندي ربو وما استحمل الريحه القويه وجدي قايل ان محد يدخن قدامي بس شكلك تبي الموضوع يوصل لجدي عشان تتأدب
يوسف : اقول ادخلي داخل قبل لاقول كلام مايعجبك
شمقت له وتوجهت للملحق
-
عند سلطان ورعد
سلطان : بنزل اجيب حق دانه قهوه تبغى معه
رعد : بنزل معك
سلطان : طيب
نزلوا وطلب سلطان ومنتظرينه
وجاء وقت الدفع
توجه سلطان يدفع بس رعد مسك يده وقال : انا بدفع
سلطان : انا الي بدفع
رعد : تراه حق زوجتي بعد انا بدفع
سلطان : وزوجتك اختي هي قالت لي وانا الي ادفع
رعد : بعدد خلني ادفع
سلطان : والله ماتدفع
رعد : علي بالطلاق انا الي ادفع
سكت سلطان وخلاه يدفع الموضوع وصل للطلاق
سلطان : طيب انا حلفت
ضحك رعد وهو ياخذ الطلب ينطق : ادفع كفاره او صوم 3 ايام
سلطان : وتضحك علي اوريك خل نوصل
رعد : وش بتسوي يالبزر
سلطان : ماودك تسكت
ضحك رعد وتوجهوا يركبون السياره
-
-
وصلوا البيت
اتصل سلطان على دانه
بس ماردت
تردد يروح الملحق ولا لا
قرر يروح بس يطق الباب
-
عند البنات
ريوف : بنات بروح اجيب مويه واجي
.. : طيب
طلعت ريوف برا الملحق
جابت المويه وهي راجعه صادفت سلطان
سلطان : ريوف دانه موجوده داخل ؟
ريوف : اي موجوده
سلطان : اتصل عليها ماترد
ريوف : الحين اناديها
سلطان : لا على ايش بس اذا ماعليك امر ودي القهوه عندها وانقزيها بالكلام قوليلها ان رعد هو الي دافع
ضحكت ريوف ونطقت : جووي واجوائي تم
خذت القهوه من سلطان ودخلت داخل الملحق
ريوف : دنوو سلطان جايب لك قهوه ورعد هو الي
دافع
الماس : يختتي على الرومنسيه
توترت دانه ونطقت : خير شدخل
ريوف : مالت عليك زوجك يحبك وانتي مو مهتمه
دانه : ريوف صكي حلقك عشان ما اجرم فيك
ضحكت ريوف وقالت : من عيونني
كملوا الجلسه طبيعي
-
-
الساعه 11:30 بليل
دخل رعد جناحه واستغرب من شاف دانه مو موجوده
الوقت تأخر وبكرا عليها دوام كيف ماجت لحد الحين
مستحيل طول الوقت جالسه مع البنات
اتصل عليها بس ماترد ..
رجع يتصل عليها ماترد
قرر يتصل على اخته الماس
اتصل فيها وردت
الماس " هلا رعد "
رعد " دانه عندك ؟ "
الماس " اي "
رعد " خليها تصعد لي ابغاه فوق "
الماس " طيب "
سكرت الخط ولفت على دانه تنطق بـ : رعد يبيك
دانه : طيب بروح له واشوفكم بكرا
امل : مو تسحبين علينا !
ابتسمت دانه وقالت : لا ماراح اسحب عليكم
طلعت منهم وتوجهت لغرفته
دخلت وقابلت رعد
دانه : هلا ؟
رعد : تأخرتي الساعه 11 ونص
دانه : خذتنا السوالف
رعد : بكرا بتدوامين
دانه : اي عندي اشغال كثيره بخلصها
رعد : طيب
توجه يفتح الدرج ياخذ اوراق يجلس على الكنبه وبدا يشتغل على الاوراق
دانه : وش ذا
رعد : أوراق بخلصه قبل بكرا
دانه : طيب بنام
رعد : نوم العوافي
توجهت تلبس بجامه مريحه وتستلقي على السرير بتعب
ماعدت دقائق الا وتغفى
بعد ماخلص رعد الاوراق وقف ناحيتها يتأملها شكلها بريء وطفولي تعجبه ملامحها ملامح طفوليه
تقدم خطوتين ينحني لها يبوس خدها بخفه
يتوجه للجهه الثانيه يستلقي على السرير
ويسحبها لحضنه
حست في دانه وكانت بتقوم لكن نطق بهمس : اشش ابغى انام
توترت دانه من قربهم لبعض لكن ماتنكر ان ترتاح في حضنه وبشده
انتهى اليوم عند الجميع ..
—
لاتنسون النجمه والمتابعه ..
رأيكم يهمننني !! ..
