كحل الموت"جاثوم"

part"25"⚫

بسم الله الرحمن الرحيم

رواية (كحل الموت"جاثوم")
الكاتبه: نياسـو

تصويت وتعليق بين الفقرات
فضلاً وليس أمراً

قراءه ممتعه

من گد ماترف ينشاف بيك الماي
وبجيدك نزل شلال مو مجعه !

~~~~~~~~~~~~~~¥¥

تقــى &&

طلعت من الصف الجنطه على جتافي رغم كلّ هذا البرد اني لابسه قميص وصدريه بَس لافوگهن ولا جواهن لان للامانه ما مره حسيت ببرد روحي من جوه مشتعله بنار حطها بيَّ اخويـه .

صعدت بالخط الكلّ هنا تعبان بحيث ماوحده حجت الاغاني الي مشغلهن ابو الخط يلعبن سطعش نفس وصلت للبيت جنطتي ثگيله من اني وصغيره اخذ كلّ الكتب ما اخذ على الجدول دكيت الباب طلعتلي جيهان تعيط

جيهان:-طبي سوي الغده ويه اختج يلله

تقى:-شبيج تلگيتيني ملگه والله اني باجر عندي امتحان اقفل الغرفة عليّ والبيها خير تصخرني

جيهان:-ديلاااا همزين سنتين نايمه بالسادس ولحد هسه ما ضامنه الدخول خابصتنه سادس بس هي سادس ام الوصخ

عفتها تدردم طبيت لغرفة اهلي من اشوف ابوي بهيج حاله كلبي يرجف خايفه حيلللل من فكرة الفقدان دنكت عليه ابوسه بست ايده وراسه وهوه كوه يحاجيني

:-تقاوي بويـه

تقى:-تروحلك فدوه تقاوي يابـه

بست راسه وصعدت ، امي بالمطبخ و ايلاف وسحر قافلات الغرفة عليهن معروف ديخابرن طبيت للغرفة صارت إليه مال جواد جريت حسره يا ريتك مو اخويـه يا وحيدنه

ارتاحيت شويّ ورجعت اقره محد دكّ. عليَّ الباب ولا سألوا الا من خلصوا غده وصار وقت المواعين اجه صوتها واكفه بالدرج وتعيط

:-خاااب تقى ،نعلعله روحج انزززلي غسلي المهجمات وعلي من اصعدلج

عفت الكتب ونزلت وهي واكفتلي رجف گلبي من شفت بيدها الصونده بآخر درجه ثبتت بمكاني بعد بيناتنا متر اخاف انزل واعبر هذا المتر ولني ماكله كتله هيج بلاية سبب

تقى:-يمه وخري الصونده ما مسويتلج شي

وهي رفعتها بحرگه تنتر ماتريد ابوي يسمع

:-هجمااان بيتنه كله من ورااج ،الفتانه

شبخت بسرعه من يمها طاحت ضربه بظهري شهكت متلوعه طبيت بسرعه للمطبخ لتضربني بعد اغسل المواعين وظهري نار ومشتعله بيه وخواتي يفترن يسولفن ويباوعلي بحقاره غسلتهن ودمعتي بعيني اول ما خلصت صعدت اركض للغرفه كلبـي يرجف مو من وراي من وراج هذا هجمان بيتنه من وره تربيتج لجواد ولخواتي الكبار