-لا والله ماكو كل العمليات صارت من الليل.
برطمـت وتقٰوست شفاهيي بقهر ضليت ابـچي بقوه شسوي شلون ! شلون سٰويت بـي هيج شٰلون! انوب فتـحي طب بالموضوع يـعني هايهيه!
ثـــراء...
گـاعدين الفجريه نصـلي اني وثـريــا ، كلبي ناغزني وما اعرف ليش ! سجدت ودعيت كمت ابچـي احسن روحـي مخنوكه تعوذت من الشيطان خلصت صلاه طبكت المصلايه والتربُه خليتها على صفحه
طب ثـائر بس ضايج مبين
عافت ثـريا السبحه وضلت تتنوعله عاكده حواجبها فرك شعره وگال:
-اثــير طب السجن
-يـــمه خـويه!!!!
- شنووو ليش لٰيش شـمسوي!
-داج مره چـبيره بالعمر ممرق اعضائها وبتها مشتكيه عـليه
وكعت ثريا من طولها ركضت عليها لزمتها وثائر استغفـر وشالها على القنفـه ضغطها مبين هبط كايمه ولا تتحمل!!
درت عليه ابجي
-مسـحيل يسويها تعرفه انت ثٰائر اثٰير ما يسٰوي هيج شي!
-ما ادري خـويه والله ما ادري هٰسه نروح للمركـز ونشوف بلكـي يطلعونه بكفاله شي ، احجي ويه البـنيه بلكي تتنـازل .
-تـروح وحدك؟
هز راسه بالنـفي ودخن جكاره دك تلفونه رد عرفته عمـاد كله واكف الك بالباب ، راحوا ثريا سوده عليه كلش تدمرت حـيل تحب اثيـر كعدت يمها ابجي واكلها مـا يسويها والله مستحيل
هو شاف ثرى بعـينه وما ضربـها ما تجرا يضرب اخته وهي غلطـانه يروح يدج احد بسجـينه؟
نزلت ثـرى تسأل شكو وسولفت الها هم ضلت حـاطه ايدها على خذها وساكتـه ماكو دقـايق مرت وطبــت نصـيره تضحـك ! وگفـت اباوع عليها روحٰي تغـلي نـار
ايدها مربـوطه من دچتها ثريـا ضلت تباوع بشماته عليها ، وكفت گـدامها
-شتردين عـمه؟
ضحكت
-بزر الروضه جايه تحجي؟
-شتررررردين جـايه؟
-جـايه اتـشمت، جـاااايه اوريجـن شمـاتي بعد وبعددد.
تدمروووون كلكم
جرت ثـرى المـاسحه تريد تركض عليها مـا ادري شلون لـزمتها
جرتني من ظفـيرتي نومتني بالگـاع حطت رجلها على راسي تخبلت گـمت اضرب بيها حـيل واصرخ وثرى ادفع بيها ماكو
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 5
Start from the beginning
