دمـــاء خائــنه
لارا الاعـرجـي
لطفًا التصـويت والتعـليق بين الفقرات التفـاعل جًدا ضعيف💘🥹
ثـــراء.
فَـزيت مرعــوبه ! طلعت اركض من الغرفه تزحلكت بالكاشي وكفت مره ثانـيه اسمع الهـوسه من جوه! اي من جوه
من غرفه امي ... وكفت مكاني واني اشوف ثـائر شـابك امي ويبچي!
ركضت عليها اصرخ
-شبيهااااا؟ ثائررررر امي شبيهااااا
نصيره:- ماتتت سوده عليه ماتتت
شهكت بصدمه ؟اباوع عليها شامره روحها تقربت كعدت بالگاع متمدده بحضن ثائـر شبكت وجها امـسح عليه اريـد عقـلي يسـتوعل
- ماما فدوه گعدي ،شكو شبيكم لا تبجووون لا تبجون تكره الهوووسه تكرهااا
گــــووم ثائرر كوم نـاخذها للطبيب كووووم
مشافت ثررررى مشافتهاااااا
لـطمت على وجهي لكل قوتي، وهو يدفع بيه يريد ياخذها كمت اصرخ بكل قوتي غصــة ذبــحـتني
-ولجججج يمـــةة ولجججج المن عفيتنييييي ولـــٰج المن عفتنيييييي
اريد اخوتي؟ ثريا واثٌير وين، شالهـا ثائر يبجي عيونه تصب دموع ركضت اريد اطلع وراه جـرتني نصيره دفعتها لاول مره بعمري تصير بيه هيجي قوه
-وخـــررري عنييييييي ، وخرييييييي لحـــد يلزمنـيييي
مجيد:- كضيهااا، بت الكلب وين رايحين احنه سفرررره
زلغت وجهي بأظافري اصرخ
:-ثائرررر بـروح ابويييي اخذنييييي
امـــي اريـٰـــد اميييييي
بس اشوفها وحك الله ما اسوي شييي بس اشوفها
ثـائر:-طبي جوه
دفعني واخذها بالسياره تدمرت ، ضليت اضرب على روحـي
عمامي وعماتي كلها التمت بالبيت ومجيـــد يصيح حضروا الجادر ، فرفحت روحي اركض مـنا ومنا اصيـح ما ماتت ما تعــوفنـــي
ثريا ويـن ثريا وييين ، دفعت نصـيره وطلعت بالشارع مفرعه اصيح
-ولجججج ثــــريااااااا ويــــنج ولــــج يـــمةة
نصيره:- دخـليييي فضحتينااااا بت النعاااللل دخلييي راحت ويه عمــــاد للثلاجه
ســجاد:-كـافي يمه؟ كافي شمالج متشوفين البنيه ميته؟ تعالي تعالي
ركضت وراه بسرعه شمر الغتـره على راسي ركبت يمه بالسياره، اعض بأصبعي بكل قوتي اگول هسه أوصل للمستشفى ويكولون ما بـيها شي مستحيل هسه تكعد يمكن جلطه يمكن من القـهر يمكن اي شي
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
