دماء خـائنه
لارا الاعـرجـي
هي نخلةٌ عرّت الرياحُ سعيفَها
وتهاوت الأغصانُ في ليلِ العناءِ
تُخاصمُ الأعصارَ في وحدتها
وتُحاصرُها الأعينُ بالافتراءِ
كلُّ يدٍ تمتدُّ كي تُطفئَ ضوءَها
وتُهمّشَ الثمرَ المعلّقَ في الفضاءِ
لكنَّها تبقى على جرحِ المدى
جذرًا عميقًا في ترابِ الانتماء.
اسيـــــل
-هـو الكـتل امي سيـدي
صـفن بوجهـي مستغرب من حچـيت هيج، دنكت راسي اكتم بچـيّ ما اكدر لازم لازم اضحـي
راح عليه الضابط :-تفضل ويانه
-سيـدي شجاي تحجي؟ يعني كالت كلمه وحده صـدكتها!
اني الجبت امها للمستشفى شلون يعني اكتـل امها؟؟؟
كلبشه واحـد منهم وهو مصـدوم يباوع عليه يريد احجي انطق درت وجـهي وعفته رحـت اركض طلعت مخنوكه لازم اتصرف عدل
اخذت تكسي ورجعت للبـيت بس وصلت شفت المكان هدوء! معقوله محد سمع صـوت الاسعاف ودخل بيـتنا! هم فضوليين!
طبيت للبيت ركـضت شلت الكاشيه وطلعـت البُقجه ضليت صافنه بالـذهب وكميـته
تنهدت واخذت قطعه جبيره ركضت طلعت بالمـطر تنگعت بس ما اهتميت
ادك بالباب بكل قـوتي بيته الوحٰيد الي بي كاميرات.
طلع فـتحي بالفانيله يحك براسه
- القمر منيـن طالع؟
شمرت عليه قطعة الذهب الچٰبيره لزمها مصدوم! من حجممها ومن مظهري اول مره اطلع بهذا الشكل بدون لثٰام وحجاب صرخـت
-هذا.. هذا ايجار كم شٰهر لكدام واريدك.... اريدك تحذف تسجيلات الفديو تخلي بس تسجيل واحٰـد؟
ضحك :-هن محـذوفات اصلا وبـاقي بس مال كم ساعه
ضربته على صدره وصرخت مـن عرفت قصده هو الضرب امـي
:- عرررررفـٰـتك انت عرررفت
-اششش، تـردين اسـكت على هذا الذهب المبـيوك؟ سكتي
مسحـت دموعي وهزيت راسي بالايجاب ابجـي ، عفته ورحـت اخذت قطعه ثانيه ورجعت اله كتله نطيـني مكانها فلوس هو كيف وشمر عليه الفلوس الاحتاجهٰا
رجعت للمستشفى دفعت لعمليه امـي ضليت كاعده بالباب ابچـي وصوت صراخـه ما يـروح من راسٰي
غدرتــه ... راد يــدفع تكالـيف العمليه وغدرته!
مرت الســاعات وماكو! صارت الفـجريه طـب ولد لابس ملابس جيش يفتر بالمستشفى سمعته يحجي ويه ام الاستعلام
-ماكو هـنا شاب اسمه اثـــير ، عنده عمليه لمره جبـيره؟
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
