نافذة لم تفتح

part 3✨

نور الهدى::-منو؟
رنا::-اني اني خالة.
-يا هلا يمة تفضلي عذب جوة
-لا خالة تعرفين اخواني ميقبلون لازم اروح.
-على بختج يخالة ماكو احد الولد وية الحجي طالعين وبس اني والبنات دفوتي يا يمة
-خالة وذا حجوا علي؟!
-اطلعلة سامي يلعب بي لعب
-هههه، خالة تسلمين
-تفضلي تفضلي.

عذب::-دخلت رنا صديقة الطفولة وياي من المدرسة بس من اني بطلت وهية هم بطلت وياي مصار النة واهس ندرس
كعدت يمي وامي وامونة يمنة كاعدات
اني ورنا نحاول مسوي نفسنا طبيعي
منتظرين امي تكوم .
-رناوي يمة اني اترخص، اسوي لعشيات للولد خاف يجون.
-مرخوصة خالة
-واخيراً كامت امي وكعدنة نسولف وعيونة على الباب خاف تجي.
رنا::-اكلج اريد التقي بـ امير!!
-دهر دهرج رنا؟ شلون ولج؟؟
-ماعرف والله بس لازم التقي بس فدوة حبابة
-ما اكلج لا بس شلون؛؟ واخوانج؟ اخواني؟
-ماعرف باعي عندي فكرة!
-احجي بسرعة لتجي امي
-باعي نتفق يوم الاحد انب وياج اكول لامي عندي استلام وثيقة مال مدرسة، وانتِ تعرفين اهلي ميهتموم بالمدرسة مالتي، واخليها تخابر امج حته تروحين وياي.
-مادري والله بس اخاف من امي تعرفيها لوتية كلش؟!!
-دباعي والله همة يا يوم اجوا لمدارسنة؟
-اي صح ما يجون ولا يسالون علينه، بس ربج قادر على كل شي، ويجيب اخوانج حضج وحضي.
-دخلي نجرب والله كريم حبابة ماعندي غيرج والله
-تمام، تمام، اش غيري السالفة كومي للمطبخ وية امي

جانت رنا منة وبينة مو غريبة صديقتي من المدرسة والوحيدة الي اكدر اطلع وياها، جانت وضيفة اهلنة بالمدارس فقط يجيبون القرطاسية الي نحتاجها، والملابس، وبايام الدوام ينطون مصرف، هاهية بعد كلشي ماكو، لا يسالون على مستوانه، ولا تهمهم درجات، ولا غيرها، ننجح نرسب نفس الشي.
اجة اليوم إلي جنت خايفة منة، وبنفس الوقت ما جنت اكدر ارفض لو إغير شي
لأن رنا هية اعز صديقة إلي!!
صارت ساعة ٨ الصبح كمت اسوي ريوك جان الكل نايم والبيت هدوء وجان فقط ابوي طالع للشغل بس المشكلة خايفة من الولد كلهم موجودين!!
كملت ولبست زي مدرسة طبيعي
طلعت من الغرفة وصارت بوجهي امي :
-ها ؟ وين؟؟
-ها يمة، مو شسمة، اليوم لازم نروح، نرجع الكتب، ونستلم وثيقة مال ترك.
-ديلا خلي اسلان ياخذج.
-لا يمة، راح تمر علي رنا
-أي وخلي اسلان يوصلجن ما تطلعن وحدجن الدنيا مو امان.
-صار يمة.
راحت امي وبقيت اصفن شلون اسلان يروح ويانة؟؟ ركضت راسلت رنا وكتلها على اسلان راح يوصلنة كالت أي عادي من يروح يجي أمير.
طلعنة من البيت اني ورنا واسلان يمشي كدامنة واني ورنا نحجي بهمس.
-رنا خايفة!
-عفية لا تخوفيني!؟
-ماعرف والله ماعرف امشي والله كريم.
-وصلنة للمدرسة وراح اسلان صعدنة للصف فوك يطل على البرة الشارع، نشوف اسلام يتمشى راح بعيد وصار وقت
راحت رنا ورجعت
-وين رحتي؟؟
-اتصلت بامير
-منين؟
-عندي موبايل
-منيلج؟؟
-أمير انطانيا علمود احجي ويا.
-تمام.
بقيت افكر هواي لا أول ما يجي أمير يشوفنة احد، ويا ترى شيصير لو عرفوا اخواني؟
-كالت تعالي يم الباب الخارجي
هذا الباب محد يطب ويطلع منة لان يصير بس بفترة الدوام، وهل فترة عطلة اصلا.
وكفت يم الباب وصرنة من جهة الشارع

اجة شخص ماعرف اوصفة جان شخص جسمة تارس، مثل ما نكول سمين، ومبين جبير، وجهة مقرف.
تقرب علينة وابد ما انتبه لوجودي
لزم أيد رنا وبقة يبوس بيهة واني دم ما باقي بجسمي أول مرة اشوف هيج منظر كدامي وأول مرة اعرف شي اسمة حب!!
بقوا يحجون واني واكفة بعد تقريبا مترين عليهم بس هم قريبة؟
فجأة اشوف اسلان ومجيد اخو رنا واخوي، ماعرفت شسوي وبقيت واكفة كانما صنم رما عرفت احجي أبد، ولا عرفن اتحرك اصلا..

يتبع☘️
التصويت بين الفقرات لطفاً
مع ترك تعليق مشجع وجميل.🤍✨

قناتي خاصة الكاتبات والقارئات
تليكرام h24_m8
التيك توك كـ مُصممة واتبادية
h24_m8