~نور الهدى::-يمة عذب،أريج وينجن؟
أريج::-ها يمة
-ابوج وين يمة؟
-والله مادري بس يمكن طلع هوة وعمي داوُد
-شعجب؟؟
-والله مادري بس جان كلش عصبي وجهة احمر ومدري على شنو يدورون.
-خوش يمة هسة اخابرة.
📞☎:
-الو ها بوية
-هلا حجي
-هلا بيج
-كواك الله
-كوة الله حيلج، أمريني؟
-اسال عليك وين؟
-هاي راجع.
-صدك طالع وية داوُد؟
-أي ، ليش؟
-وين طالع ؟ وشعجب؟
-رحنة الصناعي ورجعنة.
-خوش حجي.
-اكو شي؟
-لا والله بس استغربت انتَ مو تكره داوُد، شلون طلعت ويا.
-بعد صارت، يلا راجع.
-درب السلامة.
-ثيمالله .
سامي::-شوف داوُد، ضحيت باختي، وباعز شي املكة، وصية أهلي، من أجل سمعتي، تروح وتحذر اخوك لا يجي الدور، وامثل بي مو فقط اقتلة، ولو شفتة كدامي حتى جثة ما تلكون آلة، مفهوم؟
-هاهية خوية صار
اكول سامي؟
-كول؟
-شراح تكلهم؟؟
-معليك خليها يمي.
عذب::-رجع ابوي للبيت، جان شبه مو على بعضة، شافتة اريج وكالت بهمس::-
-مو على بعضة صار يومين ويدور على شي وعصبي علي حيل!!
-شبيج اريج شبي يعني؟ أكيد شغل الحمل وتعب السواقة.
-مادري.
-صبيت جاي ودخلت جوة للهول، خليت الصينية وكعدت اخلي شكر بالكوابة، واصب جاي، الجو جان متوتر، امي هواي سالت ابوي شعجب وشعجب، ابوي كلش يكره داوُد واخوانه، يموت منهم، فا صح كلنة تعجبنة وين طلعوا؟
وليش أصلا يطلعون سوية؟
شكو يا ترى؟؟
فزيت من صفنتي وأمي تصيحني
-ها
-انطي حب رأس لابوج
-تمام، كمت وانطيتة حباية وكلاص مي، رن موبايل البيت وموبايل ابوي بنفس الوقت، التفتت لامي هزت راسهة بمعنى علامة نفي، محد فاهم شي؟
-الو هلا بوية تفضل
شنو؟؟ شلون؟
ماتت؛، أي أي أخوها، وين المكان
يلا يلا افصل الخط جايين.
-سرعان ما سد الموبايل وكام يركض ، امي تصيحلة شكو، ما يحجي يريد بس يطلع، آخر كلمة نطقها وطلع
-ناهد توفت.
-ركضت امي وطلعوا ثنينهم من البيت، واني اباوع بوجه اريج، واسلان الوحيد الجان موجود، طلعوا كلهم من البيت
مر تقريباً ساعة اجة حيادر كال:
توفت عمتي.
-شلون؟ ما تعرف شي؟؟
-ما فهمت يحجون الغاز، إلي فهمتة
طالعة من البيت وصاير حادث وياها، وابو السيارة مخابر ابوي وشارد.
-شسالفة؟؟
-والله مادري مثل ما جاي اكلج الغاز بالغاز ما فهمت شي.
-أن شاء الله خير.
-طلعوا الولد بقت يمي اريج واسيل
مرت يومين وسووا الفاتحة مالتها وبقة قاتلها مجهول، ومحد يعرفة، ومحد حاول يبحث عليها.!!
نرجع لسنة ٢٠٠٠ .
عذب::-قرر ابوي يروح يعلم الولد على الشط عاداتهم يعلمون الصغير والجبير على السباحة ماعدهم طفل ما يعرف يسبح حتة يتفادون حوادث الغرق
جان عمار ميعرف يسبح قرر ابوي يعلمة
ولزكت ويا عين الة تروح وياهم
طبعا هية المدللة مال ابوي والعزيزة اكيد ما يكول الها لا اخذها هية وعمار
وبعد اشخاص اقاربنة وراحوا يتعلمون
وبنفس الوقت يتونسون هم صيف وهم حارة.
جانت دنية عصر كاعدين اني وامي وامونة يمنة جانت اصغر وحده بينة امنة واعين امنة عمرها ٥ سنوات ومدللة امي وعين عدها ٩ مدللة ابوي.
اندك الباب كامت امي تشوف منو .
YOU ARE READING
نافذة لم تفتح
Historical Fiction"في مدينة يلفّها الرماد وتثقلها الذاكرة، تحاول امرأة النجاة من ماضٍ يحترق في صدرها، ومن حاضرٍ يعيد خنقها كلّما ظنّت أنها تنفست. بين جدران العائلة، والحرب، والخيانة، تسير بخطى مرتجفة نحو حريتها، حاملةً رماد من أحبتهم، وأحلامًا لم تكتمل."
part 3✨
Start from the beginning
