كعد يمها ضحك كعدها وشبكها وهي تأشر بأيدها شكو؟ هز راسه بالنـفي وحجه
-رايح اشوف خـوالنا
عكدت حواجبها وباوعت عليه وعلى ثـريا ، تقدمت علثها ثـريا وضحكن
-اي اي طلع عـدنا خـوال، راح يروح يشوفهم حتى نلحكه ونـخلص من البقيه
هزت راسها مبتسمه وتأشر على الـباب يعني اطلع؟ شهك اثير وبجه بقوه سند راسه على راسها وضل يبجي بقـوه وهي على دموعه ضلت تبجي
وتشبك بي بقـوه
-اطلعـج وعد ، ووعد الحــر ديـن ..اخليج بايدج تاخذين ثارج مـن ثائر
باس راسها ووكف ، التفـت على نمـر ابن ثـريا وضحكله
-خــالي اريدك تصـير رجال البيت
-وخالوا ثائر
-لا انتَ احمي خالاتك وامك انت اسندهـن وصيرالهن سند
نمـر:-والله اذبح الـي يتدنى الهـن
-بعد روحي
ودعنه وطلع حتى ما حجه وياها، وكفت بالحديقه ابجي بـكل قوتي شابكه ثـريا الي ما بجت ، ما نهزت كدامي.
طلع مــجيد مـن الغـرفه يضرب بعوجينه بالگـاع ودار على ثائـر
-انا اعرفك بٰويه ما تأمن تخـلي ذن وحدهن وذيج الـفوك حتى لو مريـضه هـم ما تگعد راحـه .
ثائـر:-اي والله عَـمي
مجــيد:- راح نـجي انا ونصـيره هـنا وياكم، واجيب هاي هــم حتى تبقى يم خـواتها
عكدت حواجبها ثـريا، من ناحيه فرحت راح تجي يمنه، بس من جههض نصيره ويانه نَـفس البـيت،؟راح تحقق الي امي ما خلتها تـسوي
طول عمري وهي تريد تعيش ويانه لان بيتنا كلش جبير ، جان لجدي
بس من كبر ابوي اشتراه منهم وناطهم حصصهم فلوس شتروا بيها يمنه، هي جانت تريد تزوج ابـوي بس تزوج امي
وصلت حاقده تريـد تعـيش بالبـيت
ثائـر:-عـمي والله راح اعذبكم، هلا بيكم وبعـماد ، بس سجـاد شلون؟
-شعلي انا بويه يبقى بالبيت ووكت الغده لو الـعشوه امه تدزله اكل
هز راسه بالايجاب ،عافونه وطلـعوا ، كعدنه اني وثريا بالگـاع بالحديقه
شوي ونزلت ثـرى تمشى على كـيف كعدت يمنه سندت راسها علـى ثريا الي گـالت
-ورانـه وقـت طويل كلش ، شدن روحچن.
وعينه على ضحك مؤمــل من يم الحايط يصيح ويضحك ومبين ابـو يرش عليه مـي لان المي كلش صـوته قوي ضحكت على ضحكهم
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 3
Start from the beginning
