بعد السـابع الصبحيه كعدت ثريـا تسوي الريوك واني يمها بالـمطبخ افرغ الجبن بالمواعيـن ، طب اثير هستوه راجع من الـكهوه لان يبقى لليل ويرجع الصبح ..بطلوا مـن الدلفـري الشركه لان تأخـر
اثيــر:- بويه متت من الحـر
ثــريا:- اي طريقك طويل
-انتِ رجعي لبيتج ما يصير
ثـــريا:- عــماد مـلتحق وكلي ابقي يم خواتج لا تعوفيهن
تخيل حتى نصيره كالت الي ابقى يـم خواتج
سحب دولكه المي وشربها كلها:- خـاف جرت بوشه من شافت امي ماتت
ابتسمت ثريا
-لا
ثـراء:- ثـريا تگـول محضره النا مصيبه
-الله يستر، ثراوي شلونها؟
-زينه كاعده بالكاع وما تسوي شي ، مو سهل عليها تريد تحجي ما تگدر
اثير:- شنكول بعد ، حسبي الله ونعم الوكيل
ثريا:- ذهب امي وين وديتـه؟
فرك راسه وكال:- ضميته دفنته دفن بيني وبينج ما مرتاح طول العرس اسمع عمامج يكولون ثنوه ماتت وعافن الهم ذهب
-سمعوك
-شنو؟
رفعنه وجوهنا كلنا على دخله عمامي مجيد وحمـيد وياهم ثائر مبين هستوه راجع من المخزم لان كله طحين وهـوسه
جرينه الشالات لبسناهن طبو معگلين ولابسين الخاجـيات
-السلام عليكم
ردينه عليهم طبوا للاستقبال وكفت اسوي الجاي، صاح ثائر تعالوا كلكم.
رحنه وراهم كعدنه كلنه يم اثـير
مجيد:- الله بالخـير
-الله بالعافيه
مجيد:- بـوية انا اجيـت اكلكم بسالفه وايدكم تسـموعوني كلكم ولحـد يقاطعني
اثـير:-كول عمي هو من مقاطعك
مجيد:- بويه انـا اطلب ابوكم حك ولازم تردونه
ضحك اثير بسخريه وبـاوع على ثـريـا الي مدنكه وتلعب بطرف ردن ثوبها
رفعت عيونها عليه وحجت
-وهذا الحك ذهب امي مـو عمي
مجيد:-عٰاشت ايدج بويه صحيح انتِ فهمين عليه
هزت راسها بالايجاب
:- وشكد تريد؟ كله لو نصه!
KAMU SEDANG MEMBACA
السفاح "دماء خائنه"
Romansaمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 3
Mulai dari awal
