دفعت اللفه من ايدها ، لزم ايـدها اثـير
-يله بويه يالله نروح لا كلها تتجـمع ويانه بالسياره
ثـراء:- امـي جابوها؟
هز راسه بالنـفي:-مناك ياخذوها ، ثائـر يكول محد يتحمل
يله
سند ثـرى ومـشى بيـها واحنى وراهم لبـسنه العٰـبي اباوع على الفاتحه صايره
تأخرت الدفنه لان صار تشـريح سبب موتها غّـريـب.
ركبنه بالسياره اني وثـرى وره حضنتها لصدري.
وثـريا گدام ، مد عــماد راسه وباس راسها
:-البقيه بحياتيج يبعد بيتـي
-حياتك الباقيـه ، الجهال وين؟
-خليتهم يـم نبـأ لا تخافين انه وثائر والولـد راح نلحكم
رجع باس راسها وشبكها بقوه من يـم الشباك ، ركب اثيــر وحـركنا
ما اعرف هاي الساعات الي بالطريق شـلون جانت قـاسيه على گلبي
وعلينا كـلنا
روحي نمردت من شفت التابوت بالسياره وثـائر حاضنه بكل قوته
ويبجي ، يمكن ثائر قاسي ومجرم
بس امي يحبها ، مرات يـضربنا بس من توكفله امـي بسرعه يوخر منه
لو يبوس راسها
وصلـنا للنجـف ونزلوا جثمانها للگـبر بعد ما حفروا
تدمرنه نفسيـا شلون؟ شلون يكدر الشخص يدفن اعز شخص على كلبه
! شلون نكدر نرجع للبيت وامي ماكو
ثــائـر تدمـر ضل يشيل بتراب كبرها ويصرخ بكل حيله دفنوني وياها
شابك الگـبر بكل قوته يبـجي كطعنـا تگـطع
رجعنه بس قبل لا نـرجع شفت نصيره واكفه يـم الكبر محد انتبه لان ثريا حايره بثرى الي فقدت الوعـي وجرح لسانها ضل ينزف
صاحها عمي مجيد
نصيره:- شوي واجيك ارد ارش الگـبر مي ورد
تعجبت ، وكفت اباوع عليها مدري شتسوي تنطف بالـتراب وترش مي بعلبه صغيره ، اجـت علينا جان ثائر لاول مره مقهور على ثـرى ويهفي عليها
وكفت ترش علينا مي ورد
-حاره حاره اكيد نغمى عليها سوده عليه
ثائـر:-اثير شيلها للسياره وافتح عليـها التبريد
شالها بسرعه وخلاها بالسياره، ركبنه كلنه وره شم اثير ملابسه
-نعلاعلا روحج نصيره مي ورد لو خـيسه.
حرك السياره ورجعنه للبيت، مرت ايـام الفاتحه جحيم علينا من الحجي من الغلط من الشتم مـن كلشي
جان بكلبي شي ايجابي واحد بلكي ثـــائـر تغير.
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 3
Start from the beginning
