اثيــر:-اخخخ يمةةةةةة ، ولججج يمةةة كـسرتيييي ظهريييي
يمة كسرتيينييييي
الي كسرنا كله هو ثـرى ، ثرى دخلت عيونها متروسه تريد تصرخ تريـد تبجي ما تگـدر تصرخ ، العبايه واگعه على أكتافها وشعرها منـكوش
تريد تعيط ما كدرت وكعت بالگاع تضرب على وجها بكل قوتها
شفت بعيونها كلمه " كله من وراي "
دخيل ثـائر جر اثير الي يصرخ يريد يرجع يحضن ثـريا ويلطم وياها ما خلا
سحبه وعمي مجـيد سحـب ثـرى من شعـرها وتفل بوجها جرها فوك شمرها بالمخزن
والنسوان تحجي تكلهم شوف شوف فوك شينها تبجي بالفتاحه
ونصـيره تكلهم امهـم ماتت من مـن ورى ثــرى من قهرها
كمت بيه ما بيـه صعدت فوك ، باوعت عليها شامره روحها بالگـاع نايمه على الكاشي وتبجي تشهك
كعدت يمها ولزمت ايدها ، تأشر على لسانها حضنتها بكل قوتي ونمت يمها
صحيت على ثـريا يمنه شابكتنه لصدرها ، فتحت عيـوني
باست راسـي ، وگعدت ، درت على ثـرى فاتحـه عيونهـا وتباوع عَـلى الفَـراغ.
سحبت ثٌريا دولـكة المي اليـمها وغسلت وجها ، ورجعت غسل وجه ثـرى ووجهي
مبينه متوجعه من المي ، لان عيونها مَزلغه من البجي.
لفت عباتها:-يالله كومـن ، نروح للدفنه
كعدت باوعت على ثـرى:- تگدر تروح؟
ثـريا:- محد يحجي واني اسندها كومي ثـرى يله امي كومي.
گومتها وهي مثل اللعبه بأيديها،نزلنه صار بوجنه ثائــر يحجي ويه اثير
لابسين ثنـينهم اسود ولافين جراويـات على روسهم.
عكد ثـائر حواجبه من شاف ثـرى بس يمكن لاول مره تشفعله حالتها
مثل الجثه التمشي ركض اثــير
-خـاف ما تگـدر، وين ماخذتها على بختج؟
-ولـد ثنوه كـلهم يحضرون دفنتهـا
ثائـر:-اثير اخذهم بالسياره انه اروح ويه النـاس زحمه اعوفهم.
شمر على اثـير المفتاح، ضلت تفتٰر ثريـا بالبيت تلم بالهوسه وره الجهال
مال نسوان يمكن تـريد بس تلكه شي تلهـي روحها بي، لفت بسرعه لفات جبن واجت علينا نطتني وحـده
درت على ثـرى حلكها مضبر وكاعده على الدرج اخر بايه سانده روحـها على الحـايط.
قرفصت يمها ثـريا:- حبيبتي اكليلج لكمه الطريق طويـل للنجف
هزت راسها بالنفي ومـسحت دمـوعها
- لخاطري اكلي والله ينغمـي عليج ما تتحملين
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 3
Start from the beginning
