وصلنه للمستشفى، اشوف سيارات عمامي ، وسياره عـــماد هسه صفظت طلعت اركض على ثـريا الي مثلي واسوء مني مرفحه مدري شلون منتبه ولابسه عباتها
شبكتها بكل قوتي ضلت تبجي وتدك على صدرها ، سحبونه كوه لجوه
امشي الزم بالحيطان مال مـمر اكول جذب، مستحيل ما تعوفنه تعرف ياكلونه وراها
وصلنه للثلاجه! اي ثلاجه دخلوها بالثلاجه! صاحت ثـريـا بصوت مخنوك
-ولج يمةةةةةةة ولججج يمةةةةة
ما تكدر تمشي وكعت تصيح اموووت وراااااج وين رايـحةةة
سندهـا عــماد وكفها وهي تبجي ، روحي راحت من طلعوها سوده عليه يـا يمه سوده عليه
شبكتها ثـريا وضلت تصرخ بصوت يگطع الكلب
عزلت روحي بالزويه ابجييي بكل قـوتي ، مدري شلون يمكن منظري يكسر الكلب والتشنجات رجعتلي
وخلت ثــائــر يقرفص ويشبگني بقوه لصدره ويبجي وياي
حضنته بكل قـوتي اصرخ :- راححت امييييي ثــائــر راحـــت
باس راسي بقوه ويمسح عليه يكلي
:-ميخالف هدي روحج لا تتشنجين هدي روحج
بس ما هـديت؟ وانصـرعت ووكعت بيـن ايديهم ، مــثل عـادتـي
فـزيت على اصوات بجي وصـراخ؟ شفت روحي بالبـيت والنسوان فوك راسي تلـطم وتبجي
والفاتحه منصوبه ... كعدت بسرعه زحفت وحضنت روحــي
انفاسي اشهكها بالگـوه واباوع بين عيونهم ارجف رجـف ، عيوني راحـت على ثـريـا ما عرفتها اختي لا والله مو اخـتي!
وجها مزلغ بنفسجي صاير من كد ما لاطمه عليه متشلع الجـلد
ثوبها مشـگوك سانده راسها على الحـايط فوكاها الشـباك
رفعت عيونها شافتني، كبل ذبـت حسره وبجت شهكت ما تحمـلت
زحفت عليها زحوف وحضنتها بكل قوتي لا هي تحجي ولا انـي احجي، مـا ادري شكد مرات السـاعات والهوسه بره والملايه والنـسوان التصـرخ.
نـدفر الباب وگـف اثـــير يباوع بوجهنا مصدوم
يـتنوع على النـسوان وعلى البجي وعلى الصريـخ دنك راسه على ثـريـا
دفعني دفع منـها يحجي وياها كاضها من زنـودها يتنـوع بعيونها
-شكو؟ ثـريااا شكووو شصايرررر ولج
لزمته من ايـديه:- ولك ماااتتت اثـيرررررر امييي راحت
ضرب على وجهه:- لاااااا ثريااااا لاااااا
ما ماتتت لا تكولين هيجيييي ولجججج لا تكولييين هيجيييي
شبكها وضل يصرخ بكل قوتـه ، كل الزلم طبت تريد تـطلعه من نص السنوان وهو يصرخ بكل حيـله كطع روحي وگـلبي عليه
وثريا على بجيه تصرخ تكله ولك خويه راحت امـناا راحت الحنيـنه.
KAMU SEDANG MEMBACA
السفاح "دماء خائنه"
Romansaمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 3
Mulai dari awal
