# أسرار تحت الجلد.
بقلمـي : نـور الجبوري.
متابعه و تصويت و تعليق بين الفقرات لطفاً ♡.
٠٠٠٠٠
وأيدي بأيِدچ
وأعترفلِج !
الشَوارع والمُدن
كُلها تخَوف
وانتِ وعَيونچ أمان .
٠٠٠٠٠
- مسد : أني هاويچ ، أحبچ مـينا.
خفت و توترت اول مره يصير هيج وياي و وحدي متت حجيت بخوف.
- وصلني للبيت ؟.
- مسد : اعرف عندج مشاعر اتجاهي حاس بيج.
- رجعني للبيت.
هو بسرعة شغل السيارة و مشه و اني ارجف مشه مسافة و تقريباً راح نوصل و حجيت.
- إنتَ من شوكت تحبني ؟.
ابتسم و رفع حاجبه.
- مسد : اذا قبلتي تزوجيني عود احجيلج شوكت و شلون حبيتج.
دخيلك ربي يريد يتزوجني بلعت الساني و رفعت راسي وصل الباب البيت اول ما وكف نزلت اركض و ركعت باب السيارة حيل فتحت الباب و سديته و سمعت شخطة السيارة راحت و اني كاعدة يم الباب صافنه على الورد و بايدي اتلمس وجهي الطك من الحرارة و ابتسامتي الشكت حلكي هيج عبالك حلم يعني صدك صدك يحبني مستحيل مسد يريد يتزوجني يعني اني وياه يمه يمه.
مسحت وجهي و جريت نفس و كمت عدلت نفسي و دخلت اسوي نفسي طبيعية و شفت الكل كاعد بالصالة فاتحين التلفزيون يباوعون و يشربون چاي و قسم كهوة.
- السلام عليكم.
الكل رد السلام و رحت بست امي و أبوي و ظلال حجه بشك.
- ظلال : هل ورد منين ؟.
- هاا هذا اني شتريته من ولد بشارع.
- ظلال : شعندج بشارع إنتِ ؟.
- موو وصلني استاذ مسد و صار ازدحام و هو يفتر خطيه محد يشتري منه اني شتريت.
- ظلال : و ليش مسد يوصلج ؟.
- ابو الخط سيارتة عاطلة و محد موجود بالبيت حتى الحارس مالته ما موجود هو كال اني اوصلج.
هسه راسه ما راضي.
- ظلال : بعد اذا صار مثل هيج اتصلي على احد بينا ممنوع احد منهم يوصلج إنتِ تشتغلين عدهم مو همه يشتغلون عندج بعد كم يوم يعيروج خذناج و جبناج و من هل كلام.
هزيت راسي و رفعت حاجبي لعَذوب هي افتهمتي بسرعة كامت و عهد على الواهس مشيت و هنه وراي و كلنا دخلنا سوية بغرفه عَذوب سديت الباب و شمرت الجنطه و كعدت اضرب على رجلية و اضحك كدامهن.
- ولججنن ولجججنن اعترفلي يحبني يحبني.
- عهد : يمه صدك منو ولجج و اعترف ؟.
- عَذوب : مسد مووو ؟.
هزيت راسي و الضحكه شاكة حلكي تقربت منهن و حجيت لازمه الورد.
- حتى هو شترالي الوردات.
YOU ARE READING
أسرار تحت الجلد
Romanceليس كل ما يمضي يختفي، بعض الظلال تبقى حتى بعد أن يغادر أصحابها، وبعض الأصوات تهمس في الفراغ رغم أن الأفواه صامتة. هناك قرارات لم تُتخذ لكنها صنعت مصائر، وخطوات سارت دون وعي نحو طرق لم يكن يجب أن تُسلك. في هذا المكان، لا وجوه واضحة، ولا أسماء تُقال ب...
