يا صاحبه الخمار

part 8

ـ وجعفر و اثير.

حمدلله لا يضل بالج رجلج داز ولد عمه ماخذيهم للمستشفى.

ـ مُتيم؟.

ـ اي.

هزيت راسي ساگته وهيَ شربت العصير لزمت ايدي بين ايدها و گالت

ـ عمامج عرفو بيج عاقده ويا هذا.

بلعت ريك وعصرت بجامتي بيدي الثانيه حيل الدنيا افترت بيَ وجهي بهت صرت النفس گوه اجره حجيت گوه اطلع الگلمه من حلگي

ـ مم منو كاال الهم.

ـ هوَ رجلج العينتين راح گال الهم و راح اصير بالنعالات بين اهله و عمامج.

ـ شگال الهم؟.

ـ سالفه طويله و اني هسه لازم اروح اجيت اشوفج و اروح قبل عملية رائد و هم اطمنج لاتخافين يصير خير وياخذ حقه وياخذج.

هزيت راسي ساگته وگفت عدلت روحه حضنتني توصيني ادير بالي على روحي باستني بخدودي شالت جنطتها وطلعت، مشيت وراها سديت الباب وگفت بالمطبخ اشرب ماي ارجف دام عمامي عرفو رحت بيها

نزلت الگلاص ارجف فاتت افنان حجيتلها على كلام امي مدت ايدها عدلت شعري و حجت بهدوء رُغم بين بوجهه شگد خافت

ـ لا تخافين مايصير غير الگاتبه الله وعمامج ليش لسه ما اخذوج؟ مُتيم اكيد من كال الهم هوَ براسه شي.

سگتت وهيَ راحت اشر الملابس ويا امهه مشيت للسنك غسلت وجهي بماي بارد نزل على رگبتي قطرات وعلى شعري لزكت شعرات خفيفه على رگبتي اثر الماي وخرتهم

انشف بوجهي و رجعت ليوره گلبي يدك سريع من فات بهدوء يباوعلي مشه للبراد يشرب ماي ساگت عفته وطلعت من المطبخ اريد انهزم منه فوك صعدت ارگض بكل غباء ناسيه هيَ غرفته و راح يفوت الها

فتت بفراشه دافنه وجهي بمخدته اشم عطره بيها و كارهه مشاعري تجاهه ساعه اريده صرت و عشر ساعات اگره اسمه، جريت نفس اشم عطره وايدي تضغط على اللحاف بقوه

رخت ايدي هيَ وبيها اللحاف من حسيت الباب انفتح، جسمي صار الحاله مايتحرك وحتى نفسي كطعته من عرفته فات للغرفه حسيته يخلي غراضه على ميز المراه وميزت من بين غراضه سويج سيارته

غمضت حيل من سمعته يستغفر تنفست براحه من الباب انفتح وانسد بقيت دقيقتين جوه الفراش اتأكد طلع لو لا طلعت راسي اباوع الغرفه فارغه مابيها احد غيري

رجعت راسي على المخده مغمضه عيوني افگر بالأيام الجايه و شلون راح تصفى وافگر لو ما منهزمه جان هسه حياتي غيرر.

غفيت مادري شگد نمت وحسيت على روحي گعدت على الم بطني لزمت بطني افرگها على گيف بيدي بس نفس الشي الألم نفسه و رجلي صايرات ثلج