يا صاحبه الخمار
بقلمي الگاتبه مروه حسين.
ـــــــــــــــــــــــــــــــــــــــــــــــــــــــــ
هَـلي زحمـة من أعاتبكم
هَـلي المفروض حگي أنتم تردونة
هَـلي المفروض من الدنيا تكسرني
اجيكم واگعد بسدكم
عليّ مترف شواربكم
هَـلي أحلامي الذبحتوهن يغثني
وحگ دمعي الجرة منكم
أموت وما أسـ...
أحبكم راح أسامحكم
ــــــــــــــــــــــــــــــــــــــــــــــــــــــــــــ
تصويت و تعليق بين الفقرات حَبيباتي 🤎🍃..
أفنان:: تلطم بگُل حيلها عَ رچليها و تبچي گامت الها أمي لزمتها و صاحت عَ بلقيس اجيبلها ماي، راحت جابت انطته الامي، امي غسلت وجهه و تهدء بيها طلعوا اخواني و ابويَ بره بقينه بس النسوان
مسحت امي وجهه و گالت الها
ـ ياهي بنتج؟.
شهگت المره ايدها عَ حلگها و تبجي بلوعة گلب گالت وهيَ تشهك
ـ مرجان بنيتي اريدها.
باوعنه الها بصدمه النعرفه انُ امها هم ماتريدها ولا تهتم الها، باوعتلي امي مستغربه و رجعت باوعت الها گالتلها
ـ خيه انتِ مو ما تردينها.
ـ لا لا اريدها والله بس طينياها احاجيها افهمها گم شغله.
باوعتلي امي جرت حسره و گالتلي
ـ صيحيها گليلها امج تريدج جوه.
هزيت راسي و صعدت الها ارگض منين طلعت الها هسه، هسه تطلع لعبه من اهلها، فتحت الباب و فتت عليها لگيتها نايمه، گعدت يمها جريت نفس و حجيت بتوتر
ـ مرجان.
نايمه بغير عالم رجعت صحت بيها، گالت ها وفرگت بوجهه نعسانه گتلها بتوتر
َـ امج جوه.
فتحت عينها تباوعلي ترمش بسرعه و گالت
ـ شنو.
ـ اجتي امج تريدج جوه.
گعدت عَ حيلها توخر شعرها من وجهه و گالت مصدومه اشرت عَ روحها
ـ أميي اني؟.
ـ اي واللههه تبچي تريد تحاجيج.
بهت وجهه گامت من فراشها بسرعه نزلت ترگض امشي وراها سريع و خايفه هم لعبه و تتأذه مرجان نزلت وراها و شفتها...
مرجان:: اجذب عَ روحي اذا اگول گارهتها و متناسيه وجودها بحياتي، نزلت ارگض وبودي اطير، اريد اصدك امي تريدني اريد اشوفها صار هوواي ما شايفتها حرمتني منها، رگضت الها من شفتها بالگاع تبچي
شمرت روحي بحضنها ابجي وياها حرمتني منها ومن كلمة يُمه بس امي والله احبها وجان عندي امل بيوم تريدني و يمكن اجه هل يوم..
احضن بيها حيل اشم بريحتها و ابچي على بجيها وخرت من حضنهه ابچي و هيَ لزمت وجهي تبوس بعيوني و خدودي وتون گتلها و اني اناشغ
ـ يُمه.
YOU ARE READING
يا صاحبه الخمار
Mystery / Thrillerولدت في عائله لا تعرف ماذا يعني الحب والحنان، هُم مجرد روبوتات تعمل لأجل المال فقط، هل في الايام القادمه يكون هناك عوض بعد كل الصعوبات والمشاكل؟.
