يا صاحبه الخمار

part 7

ـ اخوي وين مُتيم.

ـ ما اعرف وين راح.

ـ اخوانك أخذوا.

ـ اني اعلمهم، امشي نرجع.

دفعه أثير شايط من القهر لزمه من ياخة القميص وحجه بصياح
ٕـ تحجي لو اصحيك هسه على زمانك عاررر.

مُتيم:: بابا ما علمگم شلون تستقبلون الضيف.

جعفر:: امداه الضيف الـ انتَ محسوب عليه.

ـ افا مو نسيبگم انه.

ـ هسه اطلگها.

دفع أثير من عنده بعصبيه وتقدم على جعفر ضرب راسه براس جعفر خله جعفر يرجع ليوره لازم راسه وصرخ من القوه، من يمي فرفحت رگضت الجعفر ابجي اشوف راسه و أثير تخبل عليّ دفع مُتيم يضرب بيّ و مُتيم ماقصر دفع أثير على التخم و شال الصوره الصغيره على الطبله بصف التخم فلشها براس أثير خله الگزاز يتناثر و أثير لزم راسه مجرد ثواني والدم شلال صار من شعره..

تخبلت اصرخ واباوع الـ مُتيم بصدمه على السواه عفت جعفر ورگضت الـ أثير سحبت گلينگس هواي من العلبه وامسح براسه ابچي و مُتيم يباوع ببرود، فزيت من مگاني على طبه قويه صارت وراي التفت وصرخت من شفت جعفر متمدد بالگاع الدم يسيل من راسه وهوَ فاقد بس اصابعه تتحرك على گيف

صرخت بصوت عالي ورگضت اله گعدت بالگاع يم راسه رفعت راسه بحضني ابجي واضرب على خده من الهبطه ما اعرف شسوي تخبلت اصرخ واقوي ضربتي على وجهه وهوَ لا حس ولا نفس..

رفعت راسي الـ مُتيم ابجي بخبال واحجي بدون وعي
ـ مُتيم جعفررر مُتيمم اخذه المستشفى.

باوع وباوع الأثير الگام دايخ اجه بصفي نزع التعلاكه شگها وشد راس جعفر بيها وگام يجيب ماي يمشي يسحل بروحه دايخ

اباوعله صافن باوعلي وأشرلي گومي گمت بساع عبالي يگلي يلا ناخذه للمستشفى بس انصدمت من جرني من ايدي الگلها دم ومشه بيَ الناحية الباب جريت ايده منه وجهي باهت من صدمتي بيّ..

ـ انتَ مررريض؟؟ دا اكلك اخذ اخوي للمستشفى تريد يموت؟.

ـ امشي مرجان زودتيها وگاضب روحي منج جدامهم.

دفعته ورجعت ارگض الهم لگيت أثير يغسل بوجهه ويضرب على كيف يريده يصحى مشيت خطوتين الهم و وگفت من جرني اله وگال وهوَ يحجي من بين أسنانه

ـ والله ثم والله اذا ما مشيتي هسه وياهم اروح الـ وهاب اگله انتِ مرتي.

ـ تهددني مُتيم؟.

ـ مريض بيج.

ـ اگرهك.

ـ امشي.

جريت ايدي منه ابجي وحجيت اني وامسح عيوني
ـ بس خل ناخذ اخواني للمستشفى فدوه و اروح وياك والله.