ضل اثير جـامد مكامه ولا تفاعل وياه، جـر كرسي وگعد طلع دفتر من جيب سترته وقلم وياه وحجه ويـه ثرى
-تگدريـن تكتبين؟
هزت راسـها بالايجـاب وخلا الدفتر بين ايدهـا ويه قلـم
-منو ضربج؟
كتبت بالدفتر ورفعته اله كدرت اقره اسم :-ثــائـر اخـوي
-ليش ضربج؟
حسيت بتنهيدتها القويه، كتبت بالدفتر ورفعته االه قراه وضيك عيونه بشك
-بس؟
هزت راسها بالايجاب، استفسر اكثر عن المضووع وسولف اله اثـير كلشي بالتفصيل، حجه واثـق بشماته كسرتنـا
-ها هاي الي شافوها اهل المنطقه بالهيكل ويه ابن عمتها قبل خمس سنوات؟
وثائر نفسه الانسجن ست اشهر جريمه شرف لان كـتل واحـد منو؟
ابـو مؤمل:-واثـــق؟ هذا مو شغلك
وگـف يباوع بيـنه :- ما يسويله القانون شـي
، فرت ثـريا اديها وغمته هو طـلع عافنه
-ما اردى مـن المتردي الا النطيـحه
اثيـر:- لزمي روحج خويه، چــا بالله اعتقلوج
-وليش يمه؟
-اي اخلال الاخلاق العامه
-يا اخلاق هاي، ولك القانون يشرفني ويكرمني لان كتلت مجيد
ضحك ودار عـــلى ثـرى
-شلونج موجوعه؟
اشرت على اذنها، تقرب يـمها
-شبيج؟
ثـراء:-ما تسمع يمكن زين ، ثرى
دارت وجـها عنه، دخلت امي تدفع بنفسها بالعربانه ركضت عليها الظاهر نبا جابـتها ويه امــها ، من حسـت ثُرى عليها رفعت عيونها وباوعت بنـظرات قهر
تمنت مره وحده تحضنها من الي صـار، تمنت مره تواسـيها وتكلها مو غلطتج جنتي طفله ومُراهـقه
بس امي لحد هاي اللحظه مصره انُ كل الي يصير بيـنا هو ذنـب ثُـرى.
لـزم اثـير ايد ثـرى وباسـها بقوه ثـريا تبجي على حالتها الي تبجي الصـخر
تنهدت بقهر ورفعت راسي شـفت نـصيره تباوع وتبـتسم
طلعت وصارت كدامي
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 2
Start from the beginning
