دنكت راسي وحضنت جسمي ابجي بكل قوتـي ، انتبهت على روحي حتى جـــايه بدون شي برجـلي ما ادري شكد مر الـوقت ومشه بس سـمعت هـوسه ثـريا من بعيد تركض علينا وتبجي وراها سجــاد اخــو عمـاد
عباتها فوك راسها وتبجي بـقهر صاحـت
-وينهاااا اختيييي ؟ وينهااا
اثير:- ليـش عفتي امي ليشش!
- ولكم اختييييي وين
:- بالعمـليات بس هدي روحج يا كلبي هدي روحج
-ثريا امي منو يمها؟
-خٰليت نـبا يمها ، شصار احچـولي؟
اثير:- بعدها بالعمليات، جرح بطنها نـازف الظاهر دافـرها عليه
-و شنو؟
فـرك وجهه بقهر وحجه:- كـاص لسانها
ضربت على صدرها:-يمه بـنتييييي كاص لسانهاااا
ضلت تدك وتلـطم على راسها وعــمــاد يريد بس يسكتها ماتت
شافتني ابجي اجت كعدت يمي شبكتني حيـل وتون وتبجي ، مرت الساعات وثـائـر ما كلف روحه يجي
طلع الدكتور الـــي چـان شكله مألوف! طفرنه كلـنه عليه تجمعنه خمستنه علٰيه، تنهد
وصل يباوع بيـنه بحيره رفع عيونه وكال
-منو المسؤول عليـها؟
اثــير:- اني دكتور طمني فدوه؟
الدكـتور:- للأسف الاصـابه خـطيره، ليانها مقطـوع من المنٌتصف وهذا الشي صعب جراحـيًا، يعني حتى لو تعافت ماراح تكدر تحجي مثل قبـل او يمكن ما تحچـي نهايًا
خليت ايدي على شفتي اكتم شهگاتي ، فقدت النطق!
عمــادد:- دكتور ماكو حل فدوه عادي شكد ما تكـلف!
- لسانها مقطوع من النـص ، الحمدلله رب العالمين ما فقدت حياتـها لان اللسان مرتـبط بـهواي اعـصاب واواعيه دمـويه
الدم محتبس بحنجرتـها الظاهر اسعافكم الها خطا
وغيرها بطنها مـتمزقه !
راح اتـصل على الشرطه لان الظاهر عاي حاله تعنيف
ثـريا:- اتـصل دكتور اروحلك فدوه اتصل اتصل
رفـع عيونه على اثـير نزع كمامته عرفت شايـفنه حجه اثــير بـتعجب
-ابـو مــؤمــل؟
هز راسه الدكتور بالايجــاب الظاهر عرفـه من اول مـا شافه اني هم عرفت شكله مألوف طـلع جيرانه ابـو مؤمـــل
اجته ممرضه حجه وياها وهو ينـزع القفـازات
- اتصـــلي على مـــقــدم واثــــق گليله ابو مؤمل يكول خل يجي اكو قضيه مُستعجله
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 2
Start from the beginning
